سندھ اسمبلی ارکان کی تنخواہیں بڑھا دی گئیں
اشاعت کی تاریخ: 27th, August 2025 GMT
سندھ اسمبلی کے ارکان کی تنخواہوں اور مراعات میں نمایاں اضافہ کر دیا گیا ۔ اب اراکین کو مجموعی طور پر تقریباً ساڑھے چار لاکھ روپے ماہانہ تنخواہ و الاؤنسز کی مد میں دیے جائیں گے، جب کہ اس سے قبل یہ رقم ڈیڑھ لاکھ روپے کے لگ بھگ تھی۔
یہ فیصلہ 8 اگست کو پیش کیے گئے بل کی منظوری کے بعد کیا گیا، جسے اسمبلی نے اتفاقِ رائے سے منظور کیا۔ بل کی منظوری کے بعد ایک پارلیمانی کمیٹی تشکیل دی گئی جس کے سربراہ اسپیکر اویس شاہ تھے، اور تمام بڑی جماعتوں کے نمائندے، بشمول اپوزیشن لیڈر علی خورشیدی، اس کمیٹی کا حصہ تھے۔
اجلاس میں اراکین کی مشاورت سے تنخواہوں میں 200 فیصد اضافے کا فیصلہ کیا گیا۔ پیپلز پارٹی، ایم کیو ایم اور تحریک انصاف نے اس اضافے کی حمایت کی جبکہ صرف جماعت اسلامی نے مخالفت کی۔
تفصیلات کے مطابق:
اراکینِ اسمبلی کی بنیادی تنخواہ 50 ہزار سے بڑھا کر 3 لاکھ روپے کر دی گئی
مجموعی ماہانہ پیکج (الاؤنسز سمیت) اب تقریباً ساڑھے 4 لاکھ روپے ہوگا
آفس مینٹیننس الاؤنس : 15 ہزار روپے
ٹیلی فون الاؤنس : 10 ہزار روپے
ہاؤس رینٹ الاؤنس : 50 ہزار روپے
موبائل الاؤنس : 10 ہزار روپے
یوٹیلیٹی الاؤنس : 20 ہزار روپے
ڈیلی الاؤنس : 1,000 سے بڑھا کر 3,000 روپے
کنوینس الاؤنس : 1,000 سے بڑھا کر 3,000 روپے
ذریعہ
ذریعہ: Daily Mumtaz
کلیدی لفظ: ہزار روپے لاکھ روپے الاو نس
پڑھیں:
پاکستان میں گزشتہ ماہ 3161 نئی کمپنیاں رجسٹرڈ، مجموعی تعداد 2 لاکھ 97 ہزار سے متجاوز
صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔ اسلام ٹائمز۔ پاکستان میں گزشتہ ماہ 3161 نئی کمپنیاں رجسٹرڈ ہوئیں، جس کے بعد مجموعی رجسٹرڈ کمپنیوں کی تعداد 2 لاکھ 97 ہزار سے زیادہ ہوگئی ہے۔سیکیورٹیز اینڈ ایکسچینج کمیشن آف پاکستان (ایس ای سی پی) کے مطابق مئی کے دوران ملک بھر میں 3 ہزار 161 نئی کمپنیاں رجسٹر کی گئیں، جس کے بعد رجسٹرڈ کمپنیوں کی مجموعی تعداد بڑھ کر 2 لاکھ 97 ہزار 239 ہو گئی ہے۔ ایس ای سی پی کے اعداد و شمار کے مطابق نئی رجسٹر ہونے والی کمپنیوں میں سے 99.9 فیصد کی رجسٹریشن آن لائن طریقہ کار کے ذریعے مکمل کی گئی، جو کاروباری سرگرمیوں میں ڈیجیٹل سہولتوں کے بڑھتے ہوئے استعمال کی عکاسی کرتی ہے۔ صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔
شعبہ وار جائزے کے مطابق سب سے زیادہ کمپنیاں انفارمیشن ٹیکنالوجی اور ای کامرس کے شعبے میں رجسٹر کی گئیں۔ انفارمیشن ٹیکنالوجی کے شعبے میں 598 نئی کمپنیاں رجسٹر ہوئیں، جبکہ ٹریڈنگ سیکٹر میں 503، سروسز کے شعبے میں 404 اور رئیل اسٹیٹ و کنسٹرکشن کے شعبے میں 303 نئی کمپنیاں قائم کی گئیں۔ایس ای سی پی کے مطابق سیاحت اور ٹرانسپورٹ کے شعبے میں بھی نمایاں سرگرمی دیکھنے میں آئی، جہاں 206 نئی کمپنیوں کی رجسٹریشن عمل میں لائی گئی۔ ادارے نے بتایا کہ مئی کے دوران 17 مختلف ممالک کے سرمایہ کاروں نے پاکستان میں کمپنیاں رجسٹر کروائیں۔ اعداد و شمار کے مطابق چین سے تعلق رکھنے والے 89 شیئر ہولڈرز نے مختلف کمپنیوں میں ڈائریکٹر شپ حاصل کی جبکہ غیر ملکی سرمایہ کاروں کی کمپنیوں کا ادا شدہ سرمایہ 139.4 ملین روپے ریکارڈ کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ