وزیرِاعظم 30 اگست تا 4 ستمبر چین کا دورہ، ایس سی او اجلاس میں شرکت کریں گے، دفتر خارجہ
اشاعت کی تاریخ: 29th, August 2025 GMT
چین کے صدر شی جن پنگ کی دعوت پر وزیرِاعظم پاکستان محمد شہباز شریف 30 اگست تا 4 ستمبر 2025 چین کا دورہ کریں گے، جہاں وہ تیانجن میں ہونے والے شنگھائی تعاون تنظیم (ایس سی او) کے سربراہانِ مملکت کے اجلاس میں شرکت کریں گے۔
دفتر خارجہ سے جاری بیان کے مطابق بیجنگ میں وزیرِاعظم شہباز شریف کی ملاقاتیں چینی صدر شی جن پنگ اور وزیرِاعظم لی چیانگ سے ہوں گی جن میں پاکستان اور چین کے درمیان مختلف شعبوں میں دو طرفہ تعاون پر تفصیلی بات چیت ہوگی۔
یہ بھی پڑھیے: فیلڈ مارشل عاصم منیر نے وزیر خارجہ سے ملاقات میں چین کو آہنی دوست قرار دیا: چینی وزارت خارجہ
وزیراعظم صدر شی جن پنگ اور دیگر عالمی رہنماؤں کے ہمراہ بیجنگ میں منعقدہ فوجی پریڈ میں بھی شرکت کریں گے، جو دوسری عالمی جنگ میں فاشزم کے خلاف 80 ویں سالگرہ کی مناسبت سے منعقد ہو رہی ہے۔
وزیرِاعظم اپنے دورے کے دوران نامور چینی تاجروں اور کارپوریٹ ایگزیکٹوز سے ملاقاتیں کریں گے اور دوطرفہ تجارت، معیشت اور سرمایہ کاری کے فروغ پر تبادلہ خیال کریں گے۔ وہ بیجنگ میں پاک-چین بزنس ٹو بزنس انویسٹمنٹ کانفرنس سے بھی خطاب کریں گے۔
دفتر خارجہ کے مطابق یہ دورہ پاکستان اور چین کی قیادت کے درمیان قریبی رابطوں کا تسلسل ہے جو اس امر کا مظہر ہے کہ دونوں ممالک اپنی ہر موسم کی اسٹریٹجک شراکت داری کو مزید گہرا کرنے، ایک دوسرے کے بنیادی مفادات پر حمایت کے اعادے، سی پیک کے فیز ٹو کو آگے بڑھانے اور علاقائی و عالمی معاملات پر قریبی مشاورت برقرار رکھنے کو کس قدر اہمیت دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک چین تعلقات دفتر خارجہ دورہ وزیراعظم وزیراعظم.
ذریعہ
ذریعہ: WE News
کلیدی لفظ: پاک چین تعلقات دفتر خارجہ دفتر خارجہ کریں گے
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار