بھارت کی خارجہ و دفاعی پالیسیوں میں تضاد، سیاسی مفادات کے لیے دوہرا معیار بے نقاب
اشاعت کی تاریخ: 31st, August 2025 GMT
بھارت کی خارجہ اور دفاعی پالیسیوں میں پائے جانے والے تضادات ایک بار پھر کھل کر سامنے آ گئے ہیں۔ برسوں تک چین کے خلاف سخت بیانات دینے والے بھارتی وزیراعظم نریندر مودی، اب بین الاقوامی پلیٹ فارمز پر چین کی تعریفوں کے پل باندھنے پر مجبور دکھائی دے رہے ہیں۔
یاد رہے کہ جب مودی اپوزیشن میں تھے تو چین کے حوالے سے ان کا لب و لہجہ خاصا جارحانہ ہوتا تھا۔ ایک موقع پر انہوں نے انتخابی جلسے میں کہا تھا، “جو چین میرے دیس کے جوانوں کے سر کاٹ لے، کیا اس کے ساتھ پروٹوکول ہونا چاہیے؟” لیکن آج وہی مودی شنگھائی تعاون تنظیم (SCO) کے اجلاس میں چین کے صدر شی جن پنگ کا شکریہ ادا کرتے ہوئے نظر آئے۔
دوسری طرف حالیہ دنوں میں بھارتی فوجی قیادت، خصوصاً ڈپٹی آرمی چیف لیفٹیننٹ جنرل راہل سنگھ، چین کے خلاف سنگین الزامات لگا چکی ہے۔ انہوں نے ایک بیان میں آپریشن سندور میں بھارتی ناکامی کا اعتراف کرتے ہوئے کہا کہ چین نے پاکستان کو انٹیلی جنس اور تکنیکی معاونت فراہم کی، جس کی بدولت پاکستان کو برتری حاصل ہوئی۔ ان کا کہنا تھا کہ چین “اُدھار کی چھری سے وار” کی پالیسی کے تحت پاکستان کی مدد کرتا رہا۔
تاہم انہی فوجی الزامات کے برعکس، وزیراعظم مودی بین الاقوامی فورمز پر چین سے تعاون اور دوستی کے بیانات دے رہے ہیں۔ شنگھائی تعاون تنظیم میں ان کی شرکت اور چین کے ساتھ خوشگوار تعلقات کی خواہش بھارت کی متضاد حکمتِ عملی کو نمایاں کرتی ہے۔
تجزیہ کاروں کا ماننا ہے کہ بھارتی حکومت اندرونی سیاسی مفادات کے حصول کے لیے چین کے معاملے پر عوام کو گمراہ کرتی رہی ہے۔ بیانات اور پالیسیوں میں اس دوہرے معیار نے اب واضح کر دیا ہے کہ بھارت کی قیادت نظریاتی نہیں بلکہ وقتی اور مفاداتی فیصلوں کو ترجیح دیتی ہے۔
ذریعہ
ذریعہ: Daily Mumtaz
پڑھیں:
اسحاق ڈار کا کویتی وزیر خارجہ سے رابطہ‘ بیلجیئم میں تعینات پاکستانی سفیر کی ملاقات
اسلام آباد (خبر نگار خصوصی) نائب وزیرِاعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفونک گفتگو کی جس میں خطے اور دنیا میں جاری بدلتی ہوئی صورتحال پر تبادلہ خیال کیا گیا۔کویتی وزیرِ خارجہ شیخ جراح جابر الاحمد الصباح نے پاکستان کے مسلسل مصالحتی کردار اور امریکہ و ایران کے درمیان روابط و مذاکرات میں سہولت کاری کی کوششوں کو سراہااور علاقائی امن و سلامتی کے فروغ میں پاکستان کے تعمیری کردار کی تعریف کی۔دفتر خارجہ سے جاری بیان کے مطابق نائب وزیرِاعظم و وزیرِخارجہ نے اس عزم کا اعادہ کیا کہ پاکستان سفارتکاری اور مسلسل مذاکرات کو خطے میں پائیدار امن و استحکام کے حصول کا بہترین راستہ سمجھتا ہے اور اس کی حمایت جاری رکھے گا۔ دونوں جانب نے پاکستان اور کویت کے درمیان مضبوط برادرانہ تعلقات کی بھی توثیق کی اور آئندہ بھی قریبی رابطے برقرار رکھنے پر اتفاق کیا۔ علاوہ ازیں نائب وزیراعظم و وزیر خارجہ سینیٹر محمد اسحاق ڈار سے بیلجیم میں پاکستان کے سفیر رحیم حیات قریشی نے ملاقات کی۔ دفتر خارجہ کے مطابق نائب وزیراعظم نے یورپی یونین کی اعلیٰ نمائندہ نائب صدر کے حالیہ دورہ پاکستان کے مثبت نتائج کو مدنظر رکھتے ہوئے سفیر کو ہدایت کی کہ وہ اس دورے کے دوران طے پانے والی مفاہمتوں پر عملدرآمد کی پیروی جاری رکھیں اور یورپی یونین کے ساتھ تعاون کو مزید وسعت دینے کیلئے کوششیں تیز کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ