کراچی میں بارش کے پیش نظر چیف سیکریٹری آصف حیدر شاہ کی زیرصدارت ہنگامی اجلاس
اشاعت کی تاریخ: 8th, September 2025 GMT
کراچی:
شہر قائد میں بارشوں کے پیش نظر چیف سیکریٹری سندھ آصف حیدر شاہ کی زیر صدارت ایک ہنگامی اجلاس منعقد ہوا جس میں بارش کی تباہ کاریوں سے نمٹنے کے لیے مختلف فیصلے کیے گئے۔
اجلاس میں میئر کراچی بیریسٹر مرتضیٰ وہاب، سیکریٹری بلدیات، سیکریٹری اطلاعات، ایڈیشنل آئی جی کراچی، ڈی آئی جی ٹریفک، ڈی جی پی ڈی ایم اے، ریسکیو 1122، واٹر بورڈ، کے الیکٹرک، کے ڈی اے، کے ایم سی اور دیگر متعلقہ اداروں کے حکام شریک ہوئے۔
اجلاس میں فیصلہ کیا گیا کہ بارش کے دوران شہریوں کو بروقت اور درست معلومات فراہم کرنے کے لیے خصوصی اقدامات کیے جائیں گے۔ ٹریفک کی صورتحال اور ڈائیورژن کے بارے میں شہریوں کو ٹریفک پولیس کے ایف ایم 88.
چیف سیکریٹری سندھ آصف حیدر شاہ نے کہا کہ گزشتہ بارش میں متبادل راستوں کے بارے میں بروقت آگاہی فراہم نہ ہونے کے باعث شہریوں کو شدید پریشانی اور ٹریفک جام کا سامنا کرنا پڑا۔ اس بار یہ یقینی بنایا جائے گا کہ ڈی آئی جیز، ڈپٹی کمشنرز، اسسٹنٹ کمشنرز، ایس ایس پیز، ایس ایچ اوز، ریسکیو 1122 اور دیگر ضلعی افسران فیلڈ میں موجود رہ کر شہریوں کو سہولت فراہم کریں۔
اجلاس میں فیصلہ کیا گیا کہ بارش کے دوران ٹریفک ڈائیورژن اور سڑکوں کی بندش کے فیصلے موقع کی صورتحال کے مطابق کیے جائیں گے اور ان فیصلوں کی منظوری میئر کراچی سے لی جائے گی۔
پی ڈی ایم اے کو ہدایت دی گئی کہ وہ ڈیو واٹرنگ مشینز اور پمپس کے ساتھ فیلڈ میں موجود رہیں تاکہ برساتی پانی کے فوری اخراج کو یقینی بنایا جاسکے۔
ڈی جی پی ڈی ایم اے نے بتایا کہ شہر کے مختلف علاقوں میں 16 ڈیو واٹرنگ پمپس پہلے ہی نصب کیے جا چکے ہیں اس کے ساتھ ہی فیلڈ افسران کو ریسکیو کٹس فراہم کی جائیں گی تاکہ وہ شہریوں کی فوری مدد کر سکیں۔ریسکیو 1122 کی ٹیموں کو الرٹ رہنے اور ہنگامی صورتحال میں فوری طور پر ریسکیو آپریشنز شروع کرنے کی ہدایت کی گئی۔
کے ڈی اے کی مشینری کو بھی اہم مقامات پر نصب کرنے کا فیصلہ کیا گیا ہے جبکہ کے ایم سی کی جانب سے شہری سہولت کے لیے کیمپ قائم کیے جائیں گے جہاں رہنمائی اور فوری مدد فراہم کی جائے گی۔
میئر کراچی بیریسٹر مرتضیٰ وہاب نے اجلاس میں بتایا کہ شہر کے نالوں اور چوکنگ پوائنٹس کو کلیئر کرنے کا عمل تیز کر دیا گیا ہے اور اہم شاہراہوں پر ڈیو واٹرنگ پمپس نصب کیے گئے ہیں اس کے ساتھ ساتھ تمام ٹاؤن چیئرمینوں کو ہدایت دی گئی ہے کہ بارش کے دوران اندرونی گلیوں سے پانی کی نکاسی کو یقینی بنایا جائے مزید یہ کہ کنٹرول رومز کمشنر آفس اور پولیس آفس میں قائم کیے جائیں گے تاکہ تمام ادارے قریبی کوآرڈینیشن کے ساتھ کام کر سکیں۔
کے الیکٹرک حکام نے اجلاس میں یقین دہانی کرائی کہ شہری سہولت کے لیے خصوصی کنٹرول پوائنٹس قائم کر دیے گئے ہیں تاکہ بجلی کی فراہمی میں کسی قسم کا تعطل نہ آئے۔
چیف سیکریٹری سندھ آصف حیدر شاہ نے تمام اداروں پر زور دیا کہ وہ قریبی رابطے، مربوط حکمتِ عملی اور عوامی تعاون کے ساتھ کام کریں تاکہ بارش کے دوران شہر کی ٹریفک روانی، نکاسی آب اور شہری سہولت کو یقینی بنایا جاسکے۔
ذریعہ
ذریعہ: Express News
کلیدی لفظ: کہ بارش کے دوران چیف سیکریٹری آصف حیدر شاہ کیے جائیں گے یقینی بنایا اجلاس میں شہریوں کو کے ساتھ کے لیے
پڑھیں:
مٹی کا طوفان ، تیز بارش,2خواتین سمیت5 افراد جاں بحق
ویب ڈیسک :سندھ کے مختلف اضلاع میں مٹی کے طوفان اور تیز بارشوں کے نتیجے میں 2خواتین سمیت5 افراد جاں بحق اور 150سے زائد زخمی ہوگئے۔
نوابشاہ میں مٹی کے طوفان اور تیز بارش سے تباہی مچ گئی اور 2خواتین سمیت 5 افراد جاں بحق جبکہ 70 سے زائد افراد زخمی ہو گئے، ایم ایس یا محمد جمالی کے مطابق پیپلز میڈیکل اسپتال میں ایمرجنسی نافذ کر دی گئی جبکہ ڈاکٹروں اور اضافی عملے کو طلب کر لیا گیا ہے،جاں بحق افراد میں عمیر عباسی، افضل پلی اورچنیسر مھر سمیت دو خواتین بھی شامل ہیں۔سائن بورڈز، سولر پینلز، ٹرانسفارمرز، بجلی کی تاریں اور درخت گرنے کے واقعات بھی رپورٹ ہوئے ہیں۔
خیرپور ناتھن شاہ میں بھی طوفان کے باعث درجن سے زائد افراد زخمی ہوگئے،شاہ رحمت اللہ کالونی میں دیوار گرنے سے خاتون سمیت دو بچے شدید زخمی ہوگئے جنہیں تشویشناک حالت میں اسپتال منتقل کیا گیا، نواحی گاؤں دودو لغاری میں بھی دیوار گرنے سے خدابخش لغاری شدید زخمی ہوگئے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
لاڑکانہ میں گزشتہ رات طوفانی بارش کے باعث بجلی کی 132 کے وی مین سپلائی کے ٹاور گرنے سے بجلی کی سپلائی معطل ہوگئی،132 کے وی ٹرانسمیشن کی سپلائی معطل ہونے سے لاڑکانہ ضلع کی بھی بجلی بندہوگئی،سیپکوانتظامیہ کے مطابق بجلی ٹاورز کی مرمت کا کام جاری ہے اورجلد از جلد بجلی فراہم کردی جائیگی۔
دادوشہر اور مضافاتی علاقوں میں بھی طوفانی ہواؤں سے بڑے پیمانے پر حادثات کے باعث مزید ایک سو سے زائد افراد زخمی ہوگئے جنہیں ڈی ایچ کیو اسپتال دادو منتقل کردیاگیاجہاں انہیں طبی امداد دی جارہی ہے۔ڈاکٹر عتیق الرحمان کے مطابق سٹی بلاک میں 60 سے زائد زخمی لائے گئے ہیں جبکہ ڈاکٹر اکاش عباسی کے مطابق نیو ڈی ایچ کیو ہسپتال میں 50 سے زائد زخمی لائے گئے،جہاں تمام زخمیوں کو طبی امدادی دی جارہی ہے،متعدد زخمیوں کو ہسپتال میں داخل کیا گیا ہے، جبکہ تین زخمیوں کو حالت تشویشناک ہونے پر سیہون ریفر کیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ