کابل میں دو روز کے تعطل کے بعد انٹرنیٹ سروس دوبارہ بحال
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
کابل میں دو روز کے تعطل کے بعد انٹرنیٹ سروس دوبارہ بحال کر دی گئی ہے۔
افغان میڈیا کے مطابق ملک بھر میں تمام ٹیلی کمیونیکیشن نیٹ ورکس نے انٹرنیٹ اور کمیونیکیشن سروسز کو فعال کر دیا ہے، جو گزشتہ 48 گھنٹوں تک معطل رہی تھیں۔
مقامی ذرائع کا کہنا ہے کہ طالبان حکام کی جانب سے اب تک اس تعطل کی وجوہات پر کوئی باضابطہ بیان سامنے نہیں آیا۔ تاہم امریکی میڈیا نے دعویٰ کیا ہے کہ افغان حکومت کے ترجمان ذبیح اللہ مجاہد نے ایک پیغام میں کہا کہ انٹرنیٹ پر پابندی کی خبریں درست نہیں ہیں۔ ان کے مطابق تکنیکی ٹیمیں فائبر آپٹک کیبلز کی مرمت میں مصروف ہیں کیونکہ یہ کیبلز پرانی اور خستہ ہوچکی تھیں۔
یاد رہے کہ گزشتہ دنوں انٹرنیٹ سروس معطل ہونے سے اندرون اور بیرون ملک رابطے بری طرح متاثر ہوئے تھے۔ اس دوران بینکنگ، آن لائن تعلیم اور دیگر اہم خدمات معطل رہیں جبکہ کابل ایئرپورٹ بھی مکمل طور پر بند ہوگیا تھا اور اطلاعات ہیں کہ جمعرات سے قبل پروازیں شروع نہیں ہوں گی۔
سائبر سکیورٹی پر نظر رکھنے والی عالمی تنظیم نیٹ بلاکس نے رپورٹ کیا کہ انٹرنیٹ کنیکٹیویٹی عام دنوں کے مقابلے میں صرف 14 فیصد رہ گئی تھی، جس سے یہ تاثر ملتا ہے کہ یہ تعطل محض تکنیکی خرابی نہیں بلکہ جان بوجھ کر سروسز کو محدود کرنے کا نتیجہ بھی ہوسکتا ہے۔
.
ذریعہ
ذریعہ: Jasarat News
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
پاکستان نے ورلڈ کپ 2028 کیلیے براہ راست کوالیفائی کر لیا