وفاقی وزیر منصوبہ بندی پروفیسر احسن اقبال کا سابق سپیکر سندھ اسمبلی آغا سراج درانی کے انتقال پر گہرے دکھ اور افسوس کا اظہار
اشاعت کی تاریخ: 15th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 15 اکتوبر2025ء) وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے سابق سپیکر سندھ اسمبلی آغا سراج درانی کے انتقال پر گہرے دکھ اور افسوس کا اظہار کیا ہے۔
(جاری ہے)
بدھ کو جاری بیان میں پروفیسر احسن اقبال نے مرحوم کے اہلِ خانہ سے دلی ہمدردی اور تعزیت کا اظہار کرتے ہوئے کہا کہ آغا سراج درانی کا انتقال ملک کے سیاسی و پارلیمانی حلقوں کے لیے بڑا نقصان ہے، انہوں نے جمہوریت کے استحکام اور پارلیمانی روایات کے فروغ میں اہم کردار ادا کیا، ان کی خدمات کو ہمیشہ احترام کے ساتھ یاد رکھا جائے گا۔ وفاقی وزیر نے دعا کی کہ اللہ تعالیٰ مرحوم کو اپنے جوارِ رحمت میں بلند مقام اور اہلِ خانہ کو صبرِ جمیل عطا فرمائے ۔\932
.ذریعہ: UrduPoint
کلیدی لفظ: تلاش کیجئے
پڑھیں:
احسن اقبال جی بی کے قومی مجرم ہیں، پی ٹی آئی
ایک بیان میں تحریک انصاف گلگت بلتستان نے کہا کہ احسن اقبال نے جی بی دشمنی میں غواڑی پاور پراجیکٹ کو ختم کر دیا، تھک نیاٹ پاور پراجیکٹ بھی ختم کیا، جبکہ عطا آباد اور ہینزل پاور پراجیکٹس پرابی کو التواء کا شکار کر دیا۔ اسلام ٹائمز۔ پاکستان تحریک انصاف گلگت بلتستان نے وفاقی وزیر احسن اقبال کے دورہ گلگت اور ان کے کھوکھلے انتخابی نعروں پر شدید رد عمل ظاہر کیا ہے۔ ایک بیان میں پارٹی نے کہا ہے کہ گزشتہ تین سالہ وفاقی نون لیگی حکومت کی گلگت بلتستان دشمنی کا ماسٹر مائنڈ جعلی پروفیسر احسن اقبال ہیں۔ وفاق میں حکومت کی تبدیلی کے بعد، احسن اقبال کی سربراہی میں وفاقی پلاننگ ڈویژن نے گلگت بلتستان میں تعمیر و ترقی کا گلا گھونٹ دیا۔ وفاقی پی ایس ڈی پی میں گلگت بلتستان کا شیئر منجمد کر کے بانی چیئرمین عمران خان کے شروع کردہ 400 ارب مالیت کے جامع ترقیاتی منصوبوں کو سرد خانے کی نذر کر دیا گیا۔ بیان میں کہا گیا ہے کہ آج جن منصوبوں کا احسن اقبال بڑے جوش و جذبے سے ذکر کر رہے ہیں، وہ تمام بانی چیئرمین عمران خان کی وفاقی حکومت کے منظور شدہ منصوبے ہیں۔ ان میں تاریخی گلگت شندور روڈ استور ویلی روڈ، شاہراہ نگر اور داریل تانگیر ایکسپریس وے شامل ہیں، جو سب بانی چیئرمین عمران خان کے تاریخی گلگت بلتستان ترقیاتی پلان کا حصہ تھے۔ توانائی کے شعبے میں عطا آباد پاور پراجیکٹ، غواڑی پاور پراجیکٹ، تھک نیاٹ پاور پراجیکٹ اور ہینزل پاور پراجیکٹ بھی تمام بانی چیئرمین عمران خان کے شروع کردہ منصوبے تھے۔
پی ٹی آئی نے انکشاف کیا کہ احسن اقبال نے جی بی دشمنی میں غواڑی پاور پراجیکٹ کو ختم کر دیا، تھک نیاٹ پاور پراجیکٹ بھی ختم کیا، جبکہ عطا آباد اور ہینزل پاور پراجیکٹس پرابی کو التواء کا شکار کر دیا، جس کے سبب آج گلگت بلتستان اندھیروں میں ڈوبا ہوا ہے۔ گلگت بلتستان کی موجودہ تاریکیوں کے مرکزی ذمہ دار احسن اقبال اور نون لیگ ہیں۔ احسن اقبال اور نون لیگی وفاقی حکومت کی دشمنی یہاں نہیں رکی، بلکہ گزشتہ ڈھائی سالوں سے گلگت بلتستان کی سالانہ اے ڈی پی کو منجمد کر کے سابق وزیر اعلیٰ خالد خورشید کے قلیل وقت میں شروع کیے گئے تین سے چار ارب مالیت کے تاریخی ترقیاتی منصوبے کو سبوتاژ کرنے کی باقاعدہ سازش کی گئی۔ پی ٹی آئی نے کہا کہ احسن اقبال عوام گلگت بلتستان کے قومی مجرم ہیں اور انہیں یہ بتانا چاہیے کہ گزشتہ ڈھائی سالوں میں حکومتی ممبران اسمبلی کو ایک بھی نئی اے ڈی پی اسکیم دینے کی اجازت کیوں نہیں دی گئی۔ پارٹی نے بانی چیئرمین عمران خان کی گلگت بلتستان سے بے لوث محبت کو یاد دلاتے ہوئے کہا کہ انہوں نے اپنی وفاقی حکومت کے قلیل عرصے میں، مشکل معاشی حالات اور کورونا وہا کے باوجود، جگلوٹ سکردو روڈ مکمل کروایا، گلگت امراض قلب ہسپتال مکمل کیا اور گلگت کینسر ہسپتال تعمیر کروایا۔
پی ٹی آئی نے انتباہ کیا کہ گزشتہ چار سالہ وفاقی حکومت اور ڈھائی سالہ صوبائی حکومت کے باوجود نون لیگ کے پاس گلگت بلتستان کے لیے ایک بھی بڑا منصوبہ نہیں، سوائے انتظامی، سیاسی اور معاشی استحصال کے۔ نواز شریف کی کوئی سیاسی وقعت نئیں بچی۔ چاہے وفاق کی پوری فوج ظفر کابینہ، مریم نواز بمعہ پنجاب حکومت بھی گلگت بلتستان آجائے تب بھی نون لیگ کا انتخاب جتنا ناممکن ہے، انشاء اللہ آمدہ انتخابات میں کے پی کے کی طرح تمام رکاوٹیں توڑ کر اور فارم 47 چیر کر گلگت بلتستان میں قیدی نمبر 804 کی حکومت قائم ہو گی۔
تحریک تحفظ آئین کا اہم اجلاس دسمبر میں تین روزہ عوامی رابطہ مہم کا اعلان