سونے کی قیمت نے نیا عالمی ریکارڈ قائم: قیمت بڑے اضافے کے بعد تاریخ کی بلند ترین سطح پر
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: دنیا بھر میں قیمتی دھات سونا ایک بار پھر تاریخ کی نئی بلندیوں کو چھو گیا ہے۔
بین الاقوامی بلین مارکیٹ میں جمعہ کے روز فی اونس سونے کی قیمت میں غیر معمولی 141 ڈالر کا اضافہ ریکارڈ کیا گیا، جس کے نتیجے میں عالمی قیمت بڑھ کر 4 ہزار 358 ڈالر فی اونس کی نئی بلند ترین سطح پر جا پہنچی۔
عالمی مارکیٹ کے اس جھٹکے کا اثر پاکستانی صرافہ بازاروں پر بھی نمایاں طور پر دیکھا گیا۔ ملک میں 24 قیراط فی تولہ سونے کی قیمت میں 14 ہزار 100 روپے کا بڑا اضافہ ہوا، جس کے بعد نئی قیمت 4 لاکھ 56 ہزار 900 روپے فی تولہ مقرر کی گئی۔ اسی طرح فی 10 گرام سونا 12 ہزار 89 روپے بڑھ کر 3 لاکھ 91 ہزار 718 روپے کی بلند ترین سطح پر پہنچ گیا۔
اسی طرح ملکی سطح پر چاندی کی قیمتیں بھی پیچھے نہیں رہیں اور فی تولہ چاندی 167 روپے بڑھ کر 5 ہزار 504 روپے ہوگئی، جبکہ فی 10 گرام چاندی کی قیمت 143 روپے اضافے سے 4 ہزار 718 روپے تک جا پہنچی۔
تجزیہ کاروں کے مطابق سال 2026ء تک سونا 5 ہزار ڈالر فی اونس کی حد عبور کر سکتا ہے۔ چین، بھارت، سعودی عرب، دبئی اور برازیل جیسے ممالک کے سینٹرل بینکوں کی جانب سے سونے کی خریداری میں تیزی جب کہ امریکا، روس اور جرمنی میں گولڈ کوائنز کی بڑھتی طلب نے بھی اس قیمتی دھات کو مزید مستحکم کر دیا ہے۔
ماہرین کا کہنا ہے کہ جغرافیائی کشیدگی، ڈالر کی قدر میں اتار چڑھاؤ اور عالمی معاشی غیر یقینی صورتحال کے باعث سرمایہ کار ایک بار پھر سونے کو محفوظ ترین سرمایہ کاری کے طور پر ترجیح دے رہے ہیں، جس سے اس کی عالمی و مقامی قیمتیں تاریخ کی نئی بلندیوں پر پہنچ گئی ہیں۔
ذریعہ
ذریعہ: Jasarat News
پڑھیں:
سونے اور چاندی کی قیمتوں میں کمی
عالمی و مقامی سطح پر سونے چاندی (Gold and Silver)کی قیمتوں میں کمی ہوگئی۔
آل پاکستان صرافہ ایسوسی ایشن کے مطابق 24 قیراط فی تولہ سونا 4600 روپے کم ہو کر 4 لاکھ 27 ہزار 436 روپے کا ہوگیا، جبکہ 10 گرام سونے کا بھاؤ 3944 روپے سستا ہو کر 3 لاکھ 66 ہزار 457 روپے تک آ گیا۔
مزیدپڑھیں:پاک فوج کے چیف آف جنرل اسٹاف لیفٹیننٹ جنرل عامر رضا کو فور اسٹار جنرل کے عہدے پر ترقی دیدی گئی
24 قیراط فی تولہ چاندی کا دام 61 روپے گھٹ کر 6 ہزار 309 روپے پر آگیا، انٹرنیشنل مارکیٹ میں فی اونس سونا 46 ڈالر گر کر 4050 ڈالر کی سطح پر آگیا ہے۔
صرافہ ڈیلرز کا کہنا ہے کہ مقامی سطح پر فی تولہ سونا دو روز میں 6 ہزار 400 روپے سستا ہوا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع