علیمہ خان کی گرفتاری کیلئے راولپنڈی پولیس کی ٹیم لاہور روانہ
اشاعت کی تاریخ: 18th, October 2025 GMT
علیمہ خان—فائل فوٹو
26 نومبر کے احتجاج پر قائم مقدمے میں ناقابلِ ضمانت وارنٹِ گرفتاری کے معاملے پر راولپنڈی پولیس نے بانیٔ پاکستان تحریکِ انصاف (پی ٹی آئی) کی بہن علیمہ خان کی گرفتاری کے لیے ٹیم لاہور روانہ کر دی۔
ذرائع کا کہنا ہے کہ تھانہ صادق آباد پولیس کی خصوصی ٹیم وارنٹ لے کر لاہور روانہ ہو گئی، علیمہ خان کے وارنٹ پر مال روڈ لاہور کا پتہ درج ہے۔
راولپنڈی کی انسدادِ دہشت گردی کی عدالت نے عدم حاضری پر علیمہ خان کے ناقابلِ ضمانت وارنٹِ گرفتاری جاری کر رکھے ہیں، عدالت نے علیمہ خان کے ضامن کو بھی سمن جاری کیے ہیں۔
بانیٔ پی ٹی آئی کی بہن علیمہ خان کی ضمانت راولپنڈی کے شہری نے دی تھی، شہری نے ملزمہ کی ضمانت کے لیے 1 لاکھ روپے کے مچلکے جمع کروائے تھے۔
علیمہ خان کے خلاف 26 نومبر 2024ء کے احتجاج پر درج مقدمے کی سماعت 20 اکتوبر کو ہو گی۔
.
ذریعہ
ذریعہ: Jang News
کلیدی لفظ: علیمہ خان کے
پڑھیں:
رکن پنجاب اسمبلی ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور(ڈیلی پاکستان آن لائن)لاہور میں رکن پنجاب اسمبلی ثاقب چدھڑ کے اثاثوں کی تفصیلات حاصل کرنے کے لیے الیکشن کمیشن میں درخواست دائر کر دی گئی۔
نجی ٹی وی سما نیوز کے مطابق درخواست آصف محمود ایڈووکیٹ کی جانب سےجمع کرائی گئی،جس میں ثاقب چدھڑ کےکاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔
درخواست گزار کےمطابق ثاقب چدھڑ کےخلاف سپیکرپنجاب اسمبلی کےپاس نااہلی کی درخواست بھی دائر کی جا چکی ہے،اس لیے ان کی رکنیت برقرار رہنےیا نہ رہنے کےمعاملے کی جانچ پڑتال کے لیےانتخابی ریکارڈ کا معائنہ ناگزیر ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
درخواست میں مؤقف اختیارکیا گیا ہےکہ رکن پنجاب اسمبلی پرایک خاتون کومہنگی گاڑیاں،قیمتی تحائف اورجائیداد تحفےمیں دینے کے الزامات سامنے آئے ہیں،جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ ہے۔
درخواست گزار نےمؤقف اپنایاکہ منتخب نمائندے قانون کے تحت اپنے اثاثے ظاہر کرنے کے پابند ہیں، لہٰذا ثاقب چدھڑ، انکی اہلیہ اور زیرِ کفالت افراد کے تمام پرانے اور نئے اثاثوں کا ریکارڈ فراہم کیا جائے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ