پاکستان ایئر فورس کے طیاروں کی بغیر رکے آذربائیجان تک پرواز
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان ایئر فورس (پی اے ایف) کے طیاروں نے اپنی پیشہ ورانہ صلاحیت اور تکنیکی مہارت کا شاندار مظاہرہ کرتے ہوئے پاکستان سے آذربائیجان تک بغیر رکے طویل فاصلے کی پرواز مکمل کی، اس دوران فضا میں ایئر ٹو ایئر ریفیولنگ (فضائی ایندھن فراہمی) کا کامیاب تجربہ بھی کیا گیا جو پی اے ایف کے لیے ایک غیر معمولی کامیابی قرار دی جا رہی ہے۔
آئی ایس پی آر کے مطابق یہ پیچیدہ عمل پاکستان ایئر فورس کے اپنے آئی ایل-78 ایریل ٹینکر کی مدد سے انتہائی مہارت کے ساتھ انجام دیا گیا، جس سے پی اے ایف کے طیاروں کی طویل فاصلے تک آپریشنل صلاحیت اور فضائی عملے کی اعلیٰ پیشہ ورانہ تربیت کا بھرپور اظہار ہوا۔
پاکستان ایئر فورس کا دستہ، جس میں جدید جے ایف-17 تھنڈر بلاک-III لڑاکا طیارے، تجربہ کار فضائی عملہ اور زمینی معاون ٹیم شامل ہے، آذربائیجان پہنچ چکا ہے جہاں وہ دو طرفہ فضائی مشق انڈس شیلڈ الفا میں حصہ لے گا۔
مشق کا بنیادی مقصد دونوں برادر ممالک کی فضائی افواج کے درمیان باہمی تعاون، حکمتِ عملی کی ہم آہنگی اور مشترکہ آپریشنل صلاحیت (Interoperability) کو فروغ دینا ہے۔ انڈس شیلڈ الفا میں جدید فضائی جنگی حربوں، مشترکہ مشن پلاننگ، اور تیزی سے بدلتے فضائی منظرنامے کے مطابق مشن کی انجام دہی پر خصوصی توجہ دی جائے گی۔
یہ مشق نہ صرف پاکستان اور آذربائیجان کے درمیان فوجی تعلقات کو مزید مضبوط کرے گی بلکہ جدید فضائی دفاعی چیلنجز سے نمٹنے کے لیے تجربات اور مہارتوں کے تبادلے کا بھی ایک اہم موقع فراہم کرے گی۔
پاکستان ایئر فورس کی یہ شرکت علاقائی استحکام، عالمی فوجی تعاون اور جدید جنگی تقاضوں کے ساتھ ہم آہنگ رہنے کے اس کے پائیدار عزم کی عکاسی کرتی ہے۔ پی اے ایف نے ایک بار پھر ثابت کیا ہے کہ وہ ہر میدان میں اپنی روایتی برتری برقرار رکھتے ہوئے وطنِ عزیز کے فضائی دفاع کو ناقابلِ تسخیر بنانے کے لیے ہمہ وقت تیار ہے۔
ذریعہ: Jasarat News
کلیدی لفظ: پاکستان ایئر فورس پی اے ایف
پڑھیں:
کراچی سے مسقط جانے والی پی آئی اے کی پرواز کی ایمرجنسی واپسی
قومی ایئر لائن، پاکستان انٹرنیشنل ایئرلائن کی کراچی مسقط کی پرواز درمیان راستے سے واپس آگئی۔ایوی ایشن کے ذرائع کے مطابق قومی ایئر لائن کی پرواز نے فنی خرابی کے سبب واپس کراچی ایئرپورٹ پر لینڈ کیا ۔ایوی ایشن کے ذرائع کے مطابق طیارے نے کراچی ایئرپورٹ پر باحفاظت لینڈنگ کی، جبکہ فلائٹ میں آنے والی خرابی کی تحقیقات کی جا رہی ہیں۔
فلسطین پر حکمرانی کا حق صرف فلسطینیوں کو حاصل ہے، چین