نرگس کی مولانا طارق جمیل سے ملاقات، ایک دوسرے سے دعائوں کی درخواست
اشاعت کی تاریخ: 20th, October 2025 GMT
لاہور (اُردو پوائنٹ اخبارتازہ ترین - این این آئی۔ 20 اکتوبر2025ء) ماضی کی مقبول ڈانسر و اسٹیج اداکارہ نرگس اورمولانا طارق جمیل کے درمیان ملاقات کرنے کی ویڈیو سوشل میڈیا پر وائرل ہوگئی، جس پر صارفین نے دلچسپ تبصرے بھی کیے۔وائرل ویڈیو ابتدائی طور پر اداکارہ نرگس نے اپنے انسٹاگرام پر شیئر کی، جہاں سے اسے دیگر سوشل میڈیا پیجز کی جانب سے بھی شیئر کیا گیا۔
ویڈیو میں دونوں کو ایک کمرے میں کرسیوں پر ایک دوسرے کے سامنے بیٹھا دیکھا جا سکتا ہے، اداکارہ نرگس نے حجاب اور عبایہ پہن رکھا ہے۔ویڈیو میں نرگس نے بتایا کہ ان کی کافی عرصے بعد مولانا طارق جمیل کے ساتھ سعودی عرب میں ملاقات ہوئی اور دونوں اس وقت مکہ ٹاور میں موجود ہیں۔ویڈیو میں انہوں نے بتایا کہ وہ مولانا طارق جمیل کی بہت بڑی مداح ہیں، ان کی وجہ سے ہی وہ راہ راست پر آئیں اور ان کی زندگی بدلنے میں مولانا صاحب کا بڑا کردار ہے۔(جاری ہے)
اداکارہ نے مولانا طارق جمیل سے التجا کی کہ وہ ان کی بہتر زندگی کے لیے دعائیں کریں جب کہ نرگس نے اپنے شوہر اور بچوں کی بہتری کے لیے بھی مولانا صاحب کو دعاوں کی اپیل کی۔اداکارہ نے مولانا طارق جمیل کو یہ بھی بتایا کہ ان کے شوہر بھی کچھ عرصہ قبل حج کی سعادت حاصل کر کے گئے ہیں۔نرگس کی درخواست پر مولانا طارق جمیل نے ان کے لیے نیک خواہشات کا اظہار کرتے ہوئے کہا کہ اداکارہ کی زندگی تبدیل ہوگئی، وہ سیدھی راہ پر آگئیں اور بہت اچھے کام کر رہی ہیں۔مولانا طارق جمیل نے نرگس کی تعریفیں کیں کہ انہوں نے اپنے بیوٹی پارلر کی تمام ملازمین لڑکیوں کو عمرہ اور حج کروایا ہے، یہ نیک عمل ہے۔ساتھ ہی مولانا طارق جمیل نے بتایا کہ نرگس نے مسجد کی بھی تعمیر کروائی ہے جو کہ اچھا کام ہے۔اسی دوران مولانا طارق جمیل نے بھی نرگس کو درخواست کی کہ وہ انہیں اپنی دعائوں میں یاد رکھا کریں، وہ ان کے لیے دعائیں کیا کریں، اس پر اداکارہ نے کہا کہ وہ ہمیشہ انہیں یاد رکھتی ہیں اور ان کے لیے دعائیں کرتی ہیں۔دونوں کی ملاقات کی ویڈیو وائرل ہونے کے بعد صارفین نے دلچسپ تبصرے کرتے ہوئے دونوں کو اسلامی تعلیمات پر مکمل طور پر عمل کرنے کا مشورہ بھی دیا۔.ذریعہ: UrduPoint
کلیدی لفظ: تلاش کیجئے مولانا طارق جمیل نے بتایا کہ کے لیے
پڑھیں:
مولانا فضل الرحمن کی ’’سخت‘‘ باتیں
data-id="863a0a8" data-element_type="widget" data-widget_type="theme-post-content.default">
ملک اس وقت ایک ایسے مشکل دور سے گزر رہا ہے جہاں حکمرانوں کے بیانات اور حقیقت کی دنیا میں زمین آسمان کا فرق ہے۔ حکمراں ہر روز معیشت کی بحالی، استحکام اور ترقی کے دعوے کر رہے ہیں، لیکن حقیقت یہ ہے کہ عام آدمی دو وقت کی روٹی کو ترس گیا ہے۔ مہنگائی نے زندگی اجیرن کر دی ہے، تنخواہیں کم اور اخراجات بے قابو ہیں۔ عوام کے چہروں پر مایوسی، گھروں میں بے بسی ہے۔ ایسے میں یہ کہنا کہ ’’ملک کی معیشت درست سمت میں جا رہی ہے‘‘ دراصل ان زخموں پر نمک چھڑکنے کے مترادف ہے جو عوام ہر روز برداشت کر رہے ہیں۔ یہی وہ پس منظر ہے جس میں ایک بار پھر ملک میں احتجاج اور مزاحمت کی بات ہو رہی ہے۔ ڈیرہ اسماعیل خان میں منعقدہ مفتی محمود کانفرنس میں مولانا فضل الرحمن نے پارلیمنٹ کو ’’بے معنی‘‘ اور ’’لونڈی‘‘ قرار دیتے ہوئے کارکنان کو اسلام آباد مارچ کی تیاری کرنے کی ہدایت کی۔ ان کا کہنا تھا کہ فیصلے اب ایوانوں میں نہیں بلکہ عوامی میدانوں میں ہوں گے۔ یہ ایک سخت پیغام ہے جو بظاہر نظام کے خلاف مزاحمت کا عندیہ دیتا ہے، لیکن اس کے پیچھے سوال یہ ہے کہ کیا واقعی یہ تحریک ملک میں کوئی حقیقی تبدیلی لا سکتی ہے یا یہ محض وقتی دباؤ کی سیاست ہے، جیسا کہ ماضی میں کئی بار دیکھنے میں آ چکا ہے؟ مولانا فضل الرحمن پاکستانی سیاست کے ایک پرانے اور زیرک کھلاڑی ہیں۔ ان کے بارے میں یہ کہنا غلط نہ ہوگا کہ وہ اقتدار کے کھیل کے سب سے تجربہ کار کھلاڑیوں میں سے ایک ہیں۔ کبھی وہ ایم ایم اے کے پلیٹ فارم سے قائد بن کر سامنے آتے ہیں، کبھی پیپلز پارٹی کے اتحادی بن جاتے ہیں، تو کبھی مسلم لیگ (ن) کے قریب دکھائی دیتے ہیں۔ 2018 کے بعد جب انہوں نے پی ڈی ایم کی قیادت سنبھالی تو ایک بار پھر اسٹیبلشمنٹ کے خلاف بیانیہ اختیار کیا، لیکن جلد ہی سیاسی فضا بدلنے پر ان کے لہجے کی شدت بھی کم ہو گئی۔ یہی وہ طرزِ سیاست ہے جس نے ان کے ناقدین کو یہ کہنے پر مجبور کیا کہ مولانا کی مزاحمت وقتی ہوتی ہے۔ جب اسٹیبلشمنٹ سے معاملات طے ہو جاتے ہیں، تو ساری گھن گرج دب جاتی ہے۔ یہی وجہ ہے کہ پاکستان میں آج تک کوئی بڑی عوامی تحریک حقیقی تبدیلی نہیں لا سکی۔ ہر بار عوام سڑکوں پر نکلتے ہیں، نعرے لگتے ہیں، جلسے جلوس ہوتے ہیں، لیکن انجام وہی رہتا ہے، نظام اپنی جگہ برقرار اور عوام اپنی حالت پر بدستور بے بس و مجبور ہی رہتے ہیں۔ مولانا کے والد، مفتی محمود، پاکستانی سیاست کے اْن رہنماؤں میں سے تھے جنہوں نے نسبتاً اصولوں کی سیاست کی۔ 1977 کے انتخابات میں جب دھاندلی کے خلاف تحریک چلی تو انہوں نے واضح طور پر کہا تھا کہ اقتدار سے زیادہ اہم دیانت اور شفافیت ہے۔ مگر افسوس کہ مولانا فضل الرحمن کی سیاست میں وہ اخلاقی ٹھیرائو باقی نہیں رہا۔ ان کی جماعت جمعیت علمائے اسلام (ف) برصغیر کی قدیم دینی و سیاسی جماعت ہے، مگر اس کی سیاست میں وہ اصولی جرأت اب کمزور پڑ چکی ہے جو کبھی مفتی محمود کی شناخت تھی۔ یہ بات درست ہے کہ اس وقت ملک میں ایک ’’ہائیبرڈ نظام‘‘ رائج ہے، بظاہر جمہوریت ہے مگر فیصلے کہیں اور ہوتے ہیں۔ یہی وہ حقیقت ہے جس پر مولانا فضل الرحمن نے انگلی رکھی ہے۔ پارلیمنٹ بے وقعت ہو چکی ہے، منتخب نمائندے محض تماشائی بن گئے ہیں اور عوامی رائے کو طاقت کے غیر مرئی مراکز میں دبایا جا رہا ہے۔ مگر سوال یہ ہے کہ اگر آئینی ادارے کمزور ہو گئے ہیں تو ان کو مضبوط کرنے کا راستہ کیا ہے؟ یہ اہم سوال ہے اور اس کا جواب صرف یہی ہے کہ اصولی مزاحمت کی جائے اور لوگوں کے غصے اور رد عمل کو غلط موڑ نہ دیا جائے۔ حقیقی مزاحمت کا مطلب صرف وقتی احتجاج نہیں ہوتا؛ یہ ایک منظم، اصولی اور عوامی شعور پر مبنی تحریک ہوتی ہے۔ اس کے لیے اخلاقی جرأت، شفاف قیادت اور واضح اہداف کی ضرورت ہوتی ہے۔ جب قیادت خود تضادات کا شکار ہو، تو مزاحمت کا خواب بھی ادھورا رہ جاتا ہے۔ اس وقت پاکستان کے سیاسی، معاشی اور اخلاقی بحران نے پورے نظام کو ہلا کر رکھ دیا ہے۔ عوام بجلی کے بلوں، مہنگائی، بے روزگاری اور ناانصافی سے تنگ آ چکے ہیں۔ ایسے میں اگر حقیقی تبدیلی لانی ہے تو یہ ہائبرڈ احتجاج اور نعروں سے نہیں، بلکہ حقیقی مزاحمت سے ممکن ہے۔ ہائیبرڈ نظام اب مزید نہیں چل سکتا یہ ایک حقیقت ہے اور جس طرح کر پرتشدد فضا قائم کی جارہی اور اچانک پورے ملک میں افراتفریح پیدا ہوگئی یا کردی گئی ہے ایسے میں لگتا تو یہی کہ پھر کچھ بدلنے والا ہے لیکن یہ تبدیلی کتنی حقیقی ہوگی یہ ہم سب جانتے ہیں اس وقت پاکستان کو ایک ایسی قیادت کی ضرورت ہے جو عوام سے جڑی ہو، جس کے ہاتھ میں اصول ہوں، مفادات نہیں ہوں۔ اس وقت ضرورت اس امرکی ہے کہ وقتی سیاسی سودے بازی سے نکل کر ایک ایسی تحریک کھڑی کی جائے جو وقتی اقتدار کے لیے نہیں، اصولوں کے لیے ہو۔ ایسی تحریک جو عام آدمی کے مفاد، انصاف، شفافیت اور خودمختار پارلیمنٹ کے قیام کے لیے ہو۔ قوم کو اپنے حقیقی نمائندے منتخب کرنے کا موقع ملے، وہ جو کسی طاقت کے اشاروں پر نہ چلیں بلکہ عوام کے دکھوں کو سمجھیں۔ ملک کی معیشت کو ٹھیک کرنے کے لیے صرف نعروں کی نہیں، دیانت دار پالیسیوں اور جرأت مند فیصلوں کی ضرورت ہے۔ حقیقی تبدیلی وہی ہے جو عوام کے ہاتھوں، شفاف انتخابات کے ذریعے، اصولی قیادت کے تحت آئے، ورنہ سب کچھ پہلے جیسا رہے گا، اور حالات بد سے بدتر ہوتے جائیں گے۔
پنجاب حکومت کا 12 ارب روپے کا ترقیاتی پیکیج منظور