ڈکی بھائی کی اہلیہ عروب جتوئی کیخلاف جوا ایپ تشہیر کیس میں اہم پیشرفت
اشاعت کی تاریخ: 23rd, October 2025 GMT
لاہور: معروف یوٹیوبر سعد الرحمان عرف ڈکی بھائی کی اہلیہ عروب جتوئی کی عبوری ضمانت میں توسیع کر دی گئی۔رپورٹ کے مطابق غیر قانونی جوئے کی ایپ کی تشہیر کے مقدمے میں یوٹیوبر ڈکی بھائی کی اہلیہ عروب جتوئی کی عبوری ضمانت کی مدت ختم ہونے پر وہ عدالت میں پیش ہوئیں۔عدالت نے سماعت کے دوران عروب جتوئی کی عبوری ضمانت میں 6 نومبر تک توسیع کرتے ہوئے تفتیشی افسر کو ہدایت دی کہ وہ آئندہ سماعت پر کیس سے متعلق جامع رپورٹ عدالت میں جمع کرائیں۔یاد رہے کہ ڈکی بھائی اور ان کی اہلیہ عروب جتوئی سمیت متعدد یوٹیوبرز پر الزام ہے کہ انہوں نے ایک غیر قانونی آن لائن جوئے کی ایپ کی تشہیر کی، جس کے نتیجے میں شہریوں کو مالی نقصان پہنچا۔
.ذریعہ: Nawaiwaqt
کلیدی لفظ: کی اہلیہ عروب جتوئی عروب جتوئی کی ڈکی بھائی
پڑھیں:
حکومت عوامی مسائل سے غافل، اہم فیصلے طاقت کی بنیاد پر کیے جا رہے ہیں: اسد عمر
لاہور(نیوز ڈیسک) سابق وفاقی وزیر اسد عمر نے ملکی معاشی صورتحال، سیاسی کشیدگی اور امن و امان کی بگڑتی حالت پر شدید تشویش کا اظہار کرتے ہوئے کہا ہے کہ موجودہ حکومت عوامی مسائل سے غافل ہے جبکہ اہم فیصلے طاقت کے مراکز میں تقسیم کی بنیاد پر کیے جا رہے ہیں۔
انسدادِ دہشت گردی عدالت میں پیشی کے موقع پر اسد عمر نے میڈیا سے گفتگو کرتے ہوئے کہا ہے کہ صدرِ مملکت کی جانب سے آئین کے آرٹیکل 243 اور آرمی ایکٹ کی شق 8 اے کے تحت جاری ترامیم کا عوام سے کوئی تعلق نہیں، یہ تمام تبدیلیاں طاقت کے نظام میں بٹوارے سے متعلق ہیں۔
ان کا کہنا تھا کہ ملکی اندرونی حالات انتہائی خراب ہیں، معیشت بالکل بیٹھ چکی ہے اور وزیراعظم شہباز شریف نے خود اپنی معاشی ٹیم پر عدم اعتماد کا اظہار کرتے ہوئے ساڑھے تین سال بعد نئی معاشی کمیٹیاں بنانے کا اعلان کیا ہے۔
انہوں نے دعویٰ کیا کہ پاکستان کے بیرونی تعلقات میں بہتری آئی ہے اور مئی میں بھارت کو عبرتناک شکست ہوئی جبکہ امریکی کانگریس کی رپورٹ میں بھی پاکستان کے مؤقف کو درست قرار دیا گیا ہے تاہم اندرونی سطح پر حالات بگڑ رہے ہیں۔
اسد عمر کے مطابق 15 سال بعد دہشت گردی کے واقعات دوبارہ شدت سے شروع ہو گئے ہیں جبکہ سیاسی ماحول میں کشیدگی اس حد تک بڑھ چکی ہے کہ ایک صوبے میں گورنر راج لگانے کی دھمکیاں دی جا رہی ہیں۔
انہوں نے مطالبہ کیا ہے کہ ملک کی تمام سیاسی جماعتوں کو ایک پیج پر آنا ہوگا ورنہ صورتحال میں بہتری کی کوئی امید نہیں، جس امیدوار نے زیادہ ووٹ لیے اسی کے جیتنے کے قانون پر عمل درآمد ہونا چاہیے تاکہ سیاسی استحکام آ سکے۔
پیٹرول اور ڈیزل پر عائد بھاری ٹیکسوں پر بات کرتے ہوئے اسد عمر نے کہا ہے کہ موجودہ حکومت نے پہلے نو ماہ میں ایک ہزار ارب روپے سے زائد ٹیکس اکٹھا کیا ہے، موٹرسائیکل والوں پر ٹیکس ٹھوکا جا رہا ہے، باقی طبقوں پر قانون کون نافذ کرے گا؟
جلاؤ گھیراؤ مقدمات: اسد عمر اور اعظم سواتی کی عبوری ضمانت میں توسیع
قبل ازیں انسدادِ دہشت گردی عدالت میں 9 مئی جناح ہاؤس حملہ، عسکری ٹاور حملہ، تھانہ شادمان نذر آتش اور دیگر کیسز میں نامزد پی ٹی آئی رہنماؤں اسد عمر اور اعظم خان سواتی کی عبوری ضمانتوں پر سماعت ہوئی جہاں عدالت نے دونوں رہنماؤں کی عبوری ضمانت میں 16 جنوری تک توسیع کر دی۔
پی ٹی آئی رہنما اعظم خان سواتی اور سابق وفاقی وزیر اسد عمر حاضری کے لیے عدالت میں پیش ہوئے، کیس کی سماعت انسداد دہشت گردی عدالت کے جج منظر علی گل نے کی۔
عدالت نے ملزمان کی عبوری ضمانتوں پر آئندہ سماعت پر دلائل طلب کر لیے۔
اسد عمر نے جناح ہاؤس حملہ، عسکری ٹاور حملہ اور تھانہ شادمان کو نذر آتش کرنے کے مقدمات میں عبوری ضمانت دائر کر رکھی ہے جبکہ اعظم خان سواتی نے جناح ہاؤس اور عسکری ٹاور حملہ سمیت دیگر مقدمات میں ضمانت کی درخواستیں جمع کروا رکھی ہیں، پی ٹی آئی رہنماؤں پر بغاوت اور کارکنان کو جلاؤ گھیراؤ پر اکسانے کے الزامات بھی عائد ہیں۔
پھینکے ہوئے آلو اب بنیں گے بیوٹی کریم کا خزانہ، سائنسدانوں کی حیران کن تحقیق