ٹی 20سیریز ، پاکستان نے زمبابوے کو 69رنز سے شکست دیدی
اشاعت کی تاریخ: 24th, November 2025 GMT
196رنز کے ہدف کے تعاقب میں زمبابوے کی ٹیم 19اوورز میں 126رنز پر ڈھیر
پاکستان نے زمبابوے کو یک طرفہ مقابلے میں شکست دے کر سہ فریقی سیریز کے فائنل میں جگہ بنالی۔ تفصیلات کے مطابق راولپنڈی اسٹیڈیم میں سہ فریقی سیریز کا چوتھا میچ پاکستان اور زمبابوے کے درمیان کھیلا گیا۔ پاکستان کے کپتان سلمان آغا نے ٹاس جیت کر پہلے بیٹنگ کا اعلان کیا۔پاکستان نے پہلے بیٹنگ کرتے ہوئے مجموعی 20اوورز میں پانچ وکٹوں کے نقصان پر 195رنز بنائے ، بابر اعظم 74اور صاحبزادہ فرحان 63رنز بناکر نمایاں بلے باز رہے ۔پاکستان کی جانب سے صاحبزادہ فرحان اور صائم ایوب نے اننگز کا آغاز کیا تاہم صائم ایک بار پھر لمبی اننگز کھیلنے میں ناکام رہے اور صرف 13رنز بناکر 29کے مجموعی اسکور پر پویلین لوٹ گئے ۔اس کے بعد صاحبزادہ فرحان اور بابر اعظم نے شاندار بیٹنگ کی، صاحبزادہ فرحان نے 41گیندوں پر 3چھکوں اور چار چوکوں کی مدد سے 63رنز کی شاندار اننگز کھیلی اور 132کے مجموعی اسکور پر آٹ ہوئے ۔فہیم اشرف رن آؤٹ ہوکر پویلین لوٹے اور پھر بابر اعظم بھی 74رنز بناکر 163کے مجموعی اسکور پر پویلین لوٹے ، یوں پاکستان کو چوتھے نقصان کا سامنا رہا، پھر محمد نواز بھی چار رنز بناکر پویلین چلتے بنے ۔ نئے آنے والے بیٹسمین فخر زمان نے جارحانہ انداز اپناتے ہوئے 10گیندوں پر 3چھکوں اور ایک چوکے کی مدد سے 27رنز کی شاندار ناٹ آؤٹ اننگز کھیلی۔ زمبابوے کی جانب سے سکندر رضا دو کھلاڑیوں کو آؤٹ کر کے نمایاں بلے باز رہے ۔پاکستان کی جانب سے دئیے گئے 196رنز ہدف کے تعاقب میں زمبابوے کی ٹیم 19اوورز میں 126رنز پر ڈھیر ہوگئی، زمبابوے کی جانب سے رائن برل 67رنز کے ساتھ نمایاں بلے باز رہے ،جبکہ کپتان سکندر رضا نے 23رنز کی اننگز کھیلی۔زمبابوے کے 9کھلاڑی ڈبل فیگر میں بھی داخل نہیں ہوسکا، پاکستان کے عثمان طارق نے شاندار بولنگ کی اور 4 اوور میں 18رنز دے کر چار کھلاڑیوں کو شکار بنایا۔محمد نواز نے دو، فہیم اشرف، نسیم شاہ اور محمد وسیم نے ایک ایک وکٹ حاصل کی۔
.ذریعہ: Juraat
کلیدی لفظ: زمبابوے کی کی جانب سے
پڑھیں:
ٹرائی نیشن سیریز: پاکستان زمبابوے کو شکست دے کر فائنل میں پہنچ گیا
data-id="863a0a8" data-element_type="widget" data-widget_type="theme-post-content.default">
راولپنڈی: ٹرائی نیشن سیریز کے چوتھے میچ میں پاکستان نے زمبابوے کو بآسانی 69 رنز سے شکست دے کر فائنل میں رسائی حاصل کر لی ہے۔
راولپنڈی کرکٹ اسٹیڈیم میں کھیلے گئے میچ میں زمبابوے کی ٹیم پاکستان کے 196 رنز کے ہدف کے تعاقب میں 126 رنز پر ڈھیر ہوگئی، ریان بورل نے 49 گیندوں پر 67 رنز بنا کر پاکستانی باؤلرز کے سامنے بھرپور مزاحمت کی تاہم دیگر بیٹرز میں سے کوئی بھی اُن کا ساتھ نہ دے سکا۔پاکستان کی جانب سے عثمان طارق نے شاندار ہیٹ ٹرک کے ساتھ 4 وکٹیں اپنے نام کیں، محمد نواز نے 2 کھلاڑیوں کو آؤٹ کیا، نسیم شاہ، فہیم اشرف اور وسیم جونیئر کے حصے میں ایک، ایک وکٹ آئی۔
اس سے قبل، پاکستان نے پہلے بیٹنگ کرتے ہوئے بابر اعظم اور صاحب زادہ فرحان کی شاندار اننگز کی بدولت 5 وکٹوں کے نقصان پر 195 رنز بنائے۔بابر اعظم نے 52 گیندوں پر 7 چوکوں اور 2 چھکوں کی مدد سے 74 رنز کی عمدہ اننگز کھیلی، جبکہ صاحب زادہ فرحان نے 41 گیندوں پر 4 چوکوں اور 3 چھکوں کی مدد سے 63 رنز بنائے۔فخر زمان 27 رنز بنا کر ناٹ آؤٹ رہے جب کہ صائم ایوب 13، محمد نواز 4 اور فہیم اشرف 3 رنز بنا کر آؤٹ ہوئے۔
زمبابوے کی جانب سے کپتان سکندر رضا 39 رنز کے عوض 2 وکٹیں حاصل کر کے نمایاں رہے۔
قبل ازیں، پاکستان نے زمبابوے کے خلاف ٹاس جیت کر پہلے بیٹنگ کرنے کا فیصلہ کیا، قومی اسکواڈ میں 2 تبدیلیاں کی گئیں، فاسٹ باؤلر نسیم شاہ اور اسپنر عثمان طارق کو پلیئنگ الیون میں شامل کر لیا گیا۔
جنات، سیاست اور ریاست