اے ٹی پی چیلنجز کپ: اعصام الحق اور مزمل مرتضیٰ کی فائنل میں شکست، اعصام کا کیریئر اختتام پذیر
اشاعت کی تاریخ: 29th, November 2025 GMT
اے ٹی پی چیلنجز کپ کے ڈبلز فائنل میں پاکستانی اسٹار اعصام الحق اور مزمل مرتضیٰ کی جوڑی بھرپور مقابلے کے باوجود ٹائٹل اپنے نام نہ کر سکی۔ سنسنی خیز میچ میں چیک ریپبلک کے ڈومینک پلان اور قازقستان کے ڈینس ایوسیف نے پاکستانی جوڑی کو 7-6 اور 6-4 سے شکست دے کر چیمپئن بننے کا اعزاز حاصل کیا۔
فائنل پاکستانی ٹینس شائقین کے لیے جذباتی بھی تھا، کیوں کہ یہ اعصام الحق کا انٹرنیشنل ٹینس میں آخری میچ بھی تھا۔ وہ اپنے الوداعی میچ کو یادگار فتح میں تبدیل نہ کر سکے، تاہم ان کا شاندار اور طویل کیریئر ہمیشہ یاد رکھا جائے گا۔
قابلِ ذکر بات یہ ہے کہ پاکستان پہلی بار اے ٹی پی چیلنجز کپ کی میزبانی کر رہا ہے، جو ملکی ٹینس کے لیے ایک اہم سنگِ میل تصور کیا جا رہا ہے۔
ذریعہ: Daily Mumtaz
پڑھیں:
پاکستان اور سعودی عرب کی مشترکہ فوجی ’’مشق البطار-II‘‘ اختتام پذیر
data-id="863a0a8" data-element_type="widget" data-widget_type="theme-post-content.default">
راولپنڈی: انٹر سروسز پبلک ریلیشنز (آئی ایس پی آر) کے مطابق اٹھارہ سے چھبیس نومبر تک جاری رہنے والی پاکستان اور سعودی عرب کی مشترکہ فوجی مشق البطار-II اختتام پذیر ہو گئی ہیں۔
پاک فوج کے شعبہ تعلقات عامہ کے مطابق پاک-سعودیہ مشترکہ مشقیں انسدادِ دہشت گردی کے شعبے میں منعقد ہوئیں، جس میں پاکستان آرمی کے اسپیشل سروسز گروپ (ایس ایس جی) اور سعودی آرمی کی جنگی ٹیموں نے حصہ لیا، مشق کی اختتامی تقریب سعودی شہر تبوک میں منعقد ہوئی۔
اعلامیہ کے مطابق پاک فوج کے جنرل آفیسر کمانڈنگ اسپیشل سروسز گروپ نے بطور مہمانِ خصوصی تقریب میں شرکت کی، جبکہ سعودی عرب کے سینئر عسکری حکام بھی اس موقع پر موجود تھے۔
آئی ایس پی آر نے مزید بتایا کہ دونوں برادر ممالک کے جوانوں نے مشق کے دوران پیشہ ورانہ مہارت، عملی صلاحیت اور باہمی ہم آہنگی کے شاندار مظاہرے کیے۔
البطار۔II کا بنیادی مقصد انسدادِ دہشت گردی کی کارروائیوں میں مشترکہ صلاحیت کو بڑھانا تھا، جس میں بالخصوص گنجان آباد علاقوں میں لڑائی، دیسی ساختہ دھماکا خیز آلات کے تدارک اور مربوط تربیت کے ذریعے حربی ڈرلز اور طریقہ کار کو بہتر بنانا شامل تھا۔
انٹر سروسز پبلک ریلیشنز کے مطابق یہ مشق پاکستان اور سعودی عرب کے گہرے، تاریخی اور برادرانہ عسکری تعلقات کو مزید مضبوط بنانے کا ذریعہ بھی بنی۔
تمام تربیتی مقاصد کامیابی سے حاصل کر لیے گئے، جو دونوں ممالک کے علاقائی امن، سلامتی اور مشترکہ دفاعی تیاریوں کے عزم کی مضبوطی کا مظہر ہے۔
ن لیگ خالی میدان میں بھی بھاگے تو آخری نمبر پر آئے گی: عالیہ حمزہ