مایہ ناز ٹینس اسٹار اعصام الحق نے انٹرنیشنل کیریئر سے ریٹائرمنٹ کا اعلان کر دیا
اشاعت کی تاریخ: 29th, November 2025 GMT
پاکستانی ٹینس کے شہسوار اعصام الحق نے اپنے شاندار کیریئر کے بعد انٹرنیشنل ٹینس سرکٹ سے ریٹائرمنٹ لے لی ہے۔ یہ اعلان انہوں نے اے ٹی پی چیلنجرز کپ کے ڈبلز مقابلوں کے فائنل کے اختتام پر کیا، جہاں اعصام الحق اور ان کے جوڑی دار مزمل مرتضیٰ کو سخت مقابلے کے بعد شکست کا سامنا کرنا پڑا۔
پی ٹی ایف ٹینس کمپلیکس اسلام آباد میں ہونے والے اس فائنل میں چیک ریپبلک کے ڈومینک پلان اور قازقستان کے ڈینس ایوسیو نے سات چھ اور چھ چار سے کامیابی حاصل کی۔ یہ پاکستان میں اے ٹی پی چیلنجر کپ کا پہلا انعقاد تھا، جس میں پاکستانی جوڑی مینز ڈبلز کے فائنل تک پہنچنے میں کامیاب ہوئی۔
اعصام الحق نے شائقینِ ٹینس کا شکریہ ادا کرتے ہوئے کہا کہ انہیں دنیا میں پاکستان کا نام روشن کرنے پر فخر ہے۔ انہوں نے مزید کہا کہ وہ پاکستان میں ہونے والا ڈیوس کپ ضرور کھیلیں گے اور نئے ٹیلنٹ کو پروموٹ کرنے کا کام جاری رکھیں گے۔ شائقین نے بھی انہیں ان کے شاندار کیریئر اور خدمات پر بھرپور خراج تحسین پیش کیا۔
ذریعہ
ذریعہ: Daily Mumtaz
کلیدی لفظ: اعصام الحق
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی