سیاست میں اسٹیبلشمنٹ کے کردار کو کم کرنے میں پیپلز پارٹی کا کردار ڈھکا چھپا نہیں، سعید غنی
اشاعت کی تاریخ: 29th, November 2025 GMT
پریس کانفرنس کے دوران سندھ کے سینئر وزیر نے کہا کہ آج بھی تمام جماعتیں آئین پر متفق ہیں جو پیپلز پارٹی نے دیا، اس ملک کو ایٹم بم اور میزائیل بھی پیپلز پارٹی نے دیئے، صوبائی خودمختاری بھی پیپلز پارٹی نے دی، ہماری قیادت نے قربانی دے کر مثال قائم کی۔ اسلام ٹائمز۔ سندھ کے سینئر وزیر و صدر پیپلز پارٹی کراچی ڈویژن سعید غنی نے کہا ہے کہ پاکستان پیپلز پارٹی کے بانی و قائد شہید ذوالفقار علی بھٹو نے 58 سال قبل پیپلز پارٹی کی جب بنیاد رکھی تھی اس وقت پاکستان کی سیاست جاگیرداروں اور وڈیروں کے ڈرائینگ روم تک محدود تھی اور پیپلز پارٹی کے قیام کے بعد سے آج تک ملکی سیاست عام عوام، مزدوروں، محنت کشوں اور متوسط و غریب طبقہ کے ہاتھوں میں آگئی ہے، سیاست میں اسٹیبلشمنٹ کے کردار کو کم سے کم کرنے میں پیپلز پارٹی کا کردار کسی سے ڈھکا چھپا نہیں، البتہ اس کی ذمہ داری دیگر سیاسی جماعتوں کے ساتھ ساتھ عدلیہ، صحافیوں اور سول سوسائٹی پر بھی عائد ہوتی ہے کہ وہ اس میں اپنا بھرپور کردار کریں تاکہ سیاست اور جمہوریت اس کی اصل روح کے تحت قائم رہ سکے۔ ان خیالات کا اظہار انہوں نے شاہ احمد نورانی عیدگاہ گراؤنڈ میں پرہجوم پریس کانفرنس کے دوران کیا۔
سعید غنی نے کہا کہ پیپلز پارٹی کے قیام سے پہلے اس ملک کی سیاست پر امیروں، وڈیروں اور جاگیرداروں کا قبضہ تھا اور ان کی سیاست ڈرائنگ روم سے کی جاتی تھی لیکن پیپلز پارٹی بننے کے بعد سے عام لوگوم پر سیاست کے دروازے کھلے، پیپلز پارٹی کے آنے کے بعد جو تبدیلی آئی وہ کسی پارٹی کے حصے میں نہیں آئی۔ انہوں نے کہا کہ آج بھی تمام جماعتیں آئین پر متفق ہیں جو پیپلز پارٹی نے دیا، اس ملک کو ایٹم بم اور میزائیل بھی پیپلز پارٹی نے دیئے، صوبائی خودمختاری بھی پیپلز پارٹی نے دی۔ سعید غنی نے کہا کہ ہماری قیادت نے قربانی دے کر مثال قائم کی اور ان 58 سالوں میں تاریخی کامیابیوں کے ساتھ تکلیفیں بھی ملیں۔
ذریعہ: Islam Times
کلیدی لفظ: بھی پیپلز پارٹی نے پیپلز پارٹی کے نے کہا کہ کی سیاست
پڑھیں:
لندن والے بانی نے کراچی کو بوری بند لاشوں، بھتے کی پرچیوں کے سوا کچھ نہ دیا، شرجیل میمن
کراچی میں پریس کانفرنس کے دوران سندھ کے سینئر وزیر نے کہا کہ کراچی کو منصوبہ بندی کے تحت الطاف نامی شخص کے حوالے کیا گیا، کراچی میں ہیروئن کلچر، بھتہ کلچر اور بوری بند لاش کلچر آیا لیکن اب کراچی کا کچرہ اٹھایا جا رہا ہے اور پانی کے منصوبوں پر کام جاری ہے۔ اسلام ٹائمز۔ سندھ کے سینئر وزیر شرجیل انعام میمن نے کہا ہے کہ کراچی کو منصوبہ بندی کے تحت الطاف نامی شخص کے حوالے کیا گیا اور لندن والے بانی نے کراچی کو اسلحہ، بوری بند لاشوں اور بھتے کی پرچیوں کے سوا کچھ نہیں دیا۔ کراچی میں پریس کانفرنس کے دوران شرجیل انعام میمن کا کہنا تھا کہ کچھ لوگوں کی اقتدار میں آنے کی سوچ اور انداز الگ ہوتے ہیں، بلاول بھٹو زرداری جب بھی وزیر اعظم بنیں گے تو عوامی طاقت سے بنیں گے۔ انہوں نے کہا کہ کل پیپلز پارٹی کی بنیاد کو اٹھاون سال پورے ہو رہے ہیں پورے ملک میں 100 سے زائد جگہوں پر پیپلز پارٹی کے اجتماعات کیے جا رہے ہیں اور ملک بھر میں اسکرینوں کے ذریعے بلاول بھٹو کا خطاب براہِ راست نشر کیا جائے گا۔ ان کا کہنا تھا کہ پیپلز پارٹی کی سوچ ہمیشہ جمہوری رہی ہے پیپلز پارٹی کا بیانیہ اور جدوجہد ہمیشہ اس ملک کے لیے رہی ہے، ہمیں فخر ہے کہ ہم پیپلز پارٹی کے کارکن ہیں۔
ایک سوال کے جواب میں صوبائی وزیر نے کہا کہ کس کی شیروانی بن رہی ہے، معلوم نہیں گورنر کی تبدیلی وفاقی حکومت کا معاملہ ہے۔ عمران خان سے متعلق سوال پر ان کا کہنا تھا کہ بانی پی ٹی آئی کے ساتھ کیا ہوا ہے، وہ جیل میں اچھا کھانا کھا رہے ہیں اور تمام سہولیات حاصل ہیں لیکن آپ شروع دن سے ملک کے خلاف سازشیں کر رہے ہیں عمران خان پر جیل میں کوئی تشدد نہیں ہو رہا۔ انہوں نے کہا کہ کراچی کو منصوبہ بندی کے تحت الطاف نامی شخص کے حوالے کیا گیا، لندن والے بانی نے کراچی کو اسلحہ، بوری بند لاشوں اور بھتے کی پرچیوں کے سوا کچھ نہیں دیا۔ مزید کہا کہ کراچی میں ہیروئن کلچر، بھتہ کلچر اور بوری بند لاش کلچر آیا لیکن اب کراچی کا کچرہ اٹھایا جا رہا ہے اور پانی کے منصوبوں پر کام جاری ہے۔
وفاق کی سطح پر سائبر سیکورٹی اتھارٹی قائم کرنیکا فیصلہ