محکمہ موسمیات کی پیشگوئی: پنجاب میں آج سے 2 جنوری تک بارش اور تیز ہواؤں کا امکان
اشاعت کی تاریخ: 29th, December 2025 GMT
محکمہ موسمیات نے بتایا ہے کہ آج سے 2 جنوری تک پنجاب اور پہاڑی علاقوں میں بارش اور برف باری متوقع ہے۔ رات کے وقت مغربی علاقوں سے بارش لانے والا نیا سسٹم ملک میں داخل ہوگا۔
ملک کے مختلف حصوں میں کہیں ہلکی اور کہیں تیز بارش کی پیشگوئی ہے، جس کے باعث سردی کی شدت میں اضافہ ہوگا۔
پنجاب میں 30 دسمبر سے 2 جنوری کے دوران مری اور گلیات میں تیز ہواؤں کے ساتھ برف باری کا امکان ہے، جبکہ 31 دسمبر سے یکم جنوری کے درمیان میدانی علاقوں میں بھی تیز ہواؤں کے ساتھ بارش متوقع ہے۔
طبی ماہرین کا کہنا ہے کہ اس بارش سے خشک موسم کی وجہ سے پیدا ہونے والی بیماریوں جیسے نزلہ، زکام، کھانسی اور بخار میں کمی آنے کے امکانات ہیں۔
ذریعہ
ذریعہ: Daily Mumtaz
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار