کراچی میں رواں سال 27 افراد مین ہولز میں گر کر جاں بحق
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
سال 2025 کے دوران کراچی میں کھلے مین ہولز اور نالوں میں گرنے کے دلخراش واقعات نے ایک بار پھر شہری انتظامیہ کی غفلت کو بے نقاب کر دیا ہے، جہاں 2025 میں ایسے حادثات میں جاں بحق ہونے والوں کی مجموعی تعداد 27 تک پہنچ گئی ہے۔
یہ اعداد و شمار بچوں اور بڑوں دونوں کے المناک حادثات پر مشتمل ہیں، جنہوں نے شہر بھر میں خوف اور بے چینی کی فضا قائم کر دی ہے، ان واقعات میں کم عمر بچے بھی شامل ہیں، جو اکثر کھیلتے ہوئے یا بارش کے دوران سڑکوں پر بننے والے خطرناک گڑھوں کا شکار ہوئے۔
جمع کیے گئے تازہ اعداد و شمار کے مطابق رواں سال کے دوران 11 افراد کھلے مین ہولز میں جبکہ 16 شہری نالوں میں گر کر جان کی بازی ہار گئے۔
جنوری 2025 میں شاہ فیصل کالونی میں 6 سالہ عباد، 2 فروری کو کشمیر کالونی نمبر 3 میں 5 سالہ طیب اور 22 فروری کو سرجانی ٹاؤن کی خدا کی بستی میں 3 سالہ اسد اللہ کھلے مین ہول میں گر کر جاں بحق ہوا۔
مارچ کے مہینے میں بھی یہ سلسلہ نہ رک سکا، جہاں 18 مارچ کو نارتھ کراچی میں 55 سالہ نامعلوم شخص، 20 مارچ کو سرجانی ٹاؤن میں 30 سالہ الطاف اور 31 مارچ کو اورنگی ٹاؤن نمبر 5 میں 37 سالہ ظفر جان کی بازی ہار گیا۔
اپریل میں مختلف علاقوں سے مزید افسوسناک واقعات سامنے آئے، جن میں 2 اپریل کو بلدیہ مواچھ گوٹھ میں 3 سالہ عبدالرحمٰن، 7 اپریل کو بنارس میں 45 سالہ نامعلوم شخص، 16 اپریل کو ماڑی پور شیر محمد ولیج میں 15 سالہ رجب اور 18 اپریل کو لیاقت آباد میں 10 سالہ سویرا شامل ہیں۔
اگست اور ستمبر کے مہینوں میں بھی شہری حادثات کا شکار بنتے رہے۔ 17 اگست کو ماڑی پور روڈ پر 38 سالہ الطاف، 19 اگست کو گرومندر کے قریب 48 سالہ عباس، 8 ستمبر کو لانڈھی مرتضیٰ چورنگی کے قریب 40 سالہ اقبال مسیح، 12 ستمبر کو دھوبی گھاٹ لیاری میں 30 سالہ نامعلوم شخص اور اسی روز ناردرن بائی پاس کے قریب 7 سالہ اسما جاں بحق ہو گئی، جب کہ دیگر واقعات میں مزید 4 افراد کھلے مین ہولز میں گر کر جان سے ہاتھ دھو بیٹھے۔
اعداد و شمار کے مطابق 21 ستمبر کو گارڈن گھاس منڈی کے قریب ایک ہی واقعے میں 22 سالہ ویشال، 19 سالہ شاہد اور 42 سالہ جورج جاں بحق ہوئے۔
اسی طرح 4 اکتوبر کو سپر ہائی وے کوئٹہ ٹاؤن کے قریب 2 نامعلوم افراد، 23 اکتوبر کو نصرت بھٹو کالونی میں 3 سالہ عائشہ، 15 نومبر کو کورنگی ڈھائی نمبر کے قریب 30 سالہ نامعلوم شخص اور 30 نومبر کو گلشن اقبال نیپا چورنگی کے قریب 3 سالہ ابراہیم کھلے مین ہول میں گر کر زندگی کی بازی ہار گیا۔
ان مسلسل حادثات نے کراچی میں بنیادی شہری سہولیات کی ناگفتہ بہ حالت پر سنگین سوالات کھڑے کر دیے ہیں۔ شہری حلقوں کا کہنا ہے کہ بارہا وعدوں اور دعوؤں کے باوجود کھلے مین ہولز اور نالوں کو محفوظ بنانے کے مؤثر اقدامات نہ کیے جا سکے، جس کا خمیازہ معصوم جانیں اپنی جانوں سے ادا کر رہی ہیں۔
ذریعہ
ذریعہ: Jasarat News
کلیدی لفظ: سالہ نامعلوم شخص کھلے مین ہولز کراچی میں اپریل کو کے قریب
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ