پنجاب میں زبانی اور سادہ تحریر کے ذریعے لین دین پر پابندی عائد
اشاعت کی تاریخ: 31st, December 2025 GMT
پنجاب حکومت نے زمین کے لین دین کے نظام میں شفافیت اور قانونی تقاضوں کو یقینی بنانے کے لیے اہم تبدیلیاں متعارف کراتے ہوئے نیا نوٹیفکیشن جاری کر دیا ہے۔
نوٹیفکیشن کے تحت صوبے بھر میں زبانی لین دین کی بنیاد پر زمین کی فرد نکلوانے یا انتقال درج کرانے پر مکمل پابندی عائد کر دی گئی ہے۔
یہ بھی پڑھیے: لاہور ہائیکورٹ: پنجاب پراپرٹی اونرشپ آرڈیننس پر عملدرآمد روک دیا، چیف جسٹس کے سخت ریمارکس
حکومتی نوٹیفکیشن کے مطابق اب پنجاب میں زمین کا انتقال صرف اور صرف رجسٹرڈ دستاویزات کی بنیاد پر ہی ممکن ہوگا، جبکہ سادہ تحریر یا غیر رجسٹرڈ معاہدوں کی کوئی قانونی حیثیت نہیں ہوگی۔ اس فیصلے کا اطلاق خرید و فروخت، رہن، تبادلہ اور ہبہ جیسے تمام لین دین پر ہوگا، جن کے لیے رجسٹرڈ کاغذات لازمی قرار دیے گئے ہیں۔
نوٹیفکیشن میں واضح کیا گیا ہے کہ غیر رجسٹرڈ معاہدے یا سٹامپ پیپر پر انتقال درج نہیں کیا جا سکے گا۔ تاہم، وراثتی انتقال کو اس پابندی سے مستثنیٰ قرار دیا گیا ہے، اور وراثت کے کیسز میں سابقہ طریقہ کار کے تحت انتقال ممکن ہوگا۔
اس اقدام کا مقصد زمینوں کے ریکارڈ میں جعلسازی، تنازعات اور غیر قانونی قبضوں کی حوصلہ شکنی کرنا ہے، تاکہ شہریوں کے حقوق کا تحفظ کیا جا سکے اور لینڈ ریکارڈ کا نظام مزید مضبوط بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت رجسٹریشن لین دین معاہدے.
ذریعہ
ذریعہ: WE News
کلیدی لفظ: پنجاب حکومت لین دین معاہدے لین دین
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ