کراچی، نادرن بائی پاس پر پولیس اور ڈاکوؤں میں فائرنگ کا تبادلہ، تین ڈاکو زخمی حالت میں گرفتار
اشاعت کی تاریخ: 1st, January 2026 GMT
کراچی:
شہر قائد میں ایس آئی یو، سی آئی اے پولیس اور شہریوں سے لوٹ مار میں ملوث ڈاکوؤں کے درمیان نادرن بائی پاس گلشنِ معمار کے علاقے میں دو طرفہ فائرنگ کا تبادلہ ہوا، جس کے نتیجے میں تین ڈاکو زخمی حالت میں گرفتار کر لیے گئے۔
ایس ایس پی ایس آئی یو محمد عمران خان کے مطابق پولیس نے بروقت اور مؤثر کارروائی کرتے ہوئے ملزمان کو قابو میں لیا۔
ایس ایس پی محمد عمران خان نے بتایا کہ پولیس معمول کے گشت اور خفیہ اطلاع پر مشکوک ملزمان کا تعاقب کر رہی تھی کہ ملزمان نے پولیس پارٹی پر فائرنگ شروع کر دی۔
پولیس کی جوابی کارروائی میں تینوں ڈاکو زخمی ہو گئے، جنہیں موقع پر ہی گرفتار کر لیا گیا۔
مزید پڑھیںکراچی؛ ایس آئی یو کی مشترکہ کارروائی، منشیات فروشی میں ملوث ملزمہ ساتھی سمیت گرفتار
کراچی؛ کورنگی میں پولیس یونیفارم پہن کر وارداتیں کرنے والے 4 ڈاکو زخمی حالت میں گرفتار
پولیس حکام کے مطابق گرفتار ملزمان کے قبضے سے تین پستول، نقدی رقم اور شہریوں سے چھینے گئے موبائل فون برآمد کر لیے گئے ہیں۔
فائرنگ کے تبادلے کے بعد زخمی ملزمان کو فوری طور پر طبی امداد کے لیے ہسپتال منتقل کر دیا گیا ہے۔
ایس ایس پی ایس آئی یو کے مطابق گرفتار ملزمان کی شناخت کا عمل جاری ہے جبکہ ان کا سابقہ مجرمانہ ریکارڈ بھی چیک کیا جا رہا ہے۔
پولیس نے بتایا کہ ملزمان کے خلاف مقدمات درج کر کے مزید قانونی کارروائی عمل میں لائی جا رہی ہے۔
.
ذریعہ
ذریعہ: Express News
کلیدی لفظ: ایس آئی یو
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا