سندھ بلڈنگ،نارتھ ناظم آباد میں قانون کو للکارتی اینٹیں، بے قابو عمارتیں
اشاعت کی تاریخ: 3rd, January 2026 GMT
ڈائریکٹر جعفر امام صدیقی کی سربراہی ، رواں ہفتے پھر ایک غیر قانونی عمارت سامنے آگئی
بلاک آر میں راتوں رات کھڑی عمارت سے محکمہ بے نقاب،علاقہ مکینوں کا مسماری کا مطالبہ
ضلع وسطی نارتھ ناظم آباد کے پلاٹ نمبر بی 51 بلاک آر میں ایک بار پھر قانونی ضابطوں کو پامال کرتے ہوئے غیرقانونی تعمیراتی لاقانونیت نے علاقے کے رہائشیوں میں غم و غصہ بڑھا دیا ہے ۔مقامی ذرائع کے مطابق، مکان مالک نے محکمہ ٹاؤن پلاننگ کی جانب سے لگائی گئی ناکہ بندی کو نظرانداز کرتے ہوئے ،ڈائریکٹر جعفر امام صدیقی کی سربراہی میں قائم کمیٹی کی مدد سے خلاف ضابطہ تعمیر کو جاری رکھا ہوا ہے ۔ جرأت سروے ٹیم سے بات کرتے ہوئے مقامی رہائشیوں کا کہنا ہے کہ تعمیراتی سامان اور مزدوروں کی آمدورفت رات گئے تک جاری رہتی ہے ، جس سے علاقے میں شور اور بدامنی کا ماحول پیدا ہورہا ہے ۔ ان کا کہنا ہے کہ یہ عمل نہ صرف بلدیاتی قوانین کی کھلی خلاف ورزی ہے ، بلکہ علاقے کے پہلے سے کمزور انفرااسٹرکچر پر اضافی بوجھ ڈالنے کے مترادف ہے ۔محکمہ ٹاؤن پلاننگ کے ترجمان نے واقعے کی تصدیق کرتے ہوئے بتایا کہ مالک کے خلاف پہلے ہی نوٹس جاری کیا جا چکا ہے اور معاملہ عدالتی کارروائی کے تحت ہے ۔تاہم رہائشیوں کا الزام ہے کہ محکمہ کی کارروائی محض کاغذی کارروائی تک محدود ہے ، جب کہ زمینی سطح پر غیرقانونی تعمیرات بدستور جاری ہیں۔علاقے کے دیگر رہائشیوں نے بھی تشویش کا اظہار کرتے ہوئے مطالبہ کیا ہے کہ متعلقہ حکام فوری طور پر غیرقانونی ساختہ عمارتوں کو گرانے کے ساتھ ساتھ ذمہ دار افراد کے خلاف سخت کارروائی کریں۔ دیکھنا یہ ہے کہ آیا اس بار محکمہ اپنی ناکہ بندی کے احترام کو قائم رکھتے ہوئے عملی اقدامات کرتا ہے یا پھر یہ معاملہ بھی دفتری فائلوں کی نذر ہو جاتا ہے ۔
.
ذریعہ
ذریعہ: Juraat
کلیدی لفظ: کرتے ہوئے
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے