سندھ بلڈنگ، ماڈل کالونی میں غیر قانونی تعمیرات کا بازار گرم
اشاعت کی تاریخ: 5th, January 2026 GMT
منظوری کے بغیر کھڑی عمارتیںبلیدی ،مافیا ملی بھگت نے نقاب، حکام کی خاموشی
شیٹ نمبر 4پلاٹ 76اور 19/1پر بغیر دستاویزات تعمیراتی بے راہ روی جاری
ضلع کورنگی میں قائم ماڈل کالونی کے مختلف علاقوں میں بغیر کسی نقشہ یا منظوری کے غیر قانونی تعمیرات تیزی سے پروان چڑھتی دکھائی دے رہی ہیں،جس میں سندھ بلڈنگ کنٹرول اتھارٹی کے اسسٹنٹ ڈائریکٹر ذوالفقار بلیدی کی تعمیراتی مافیا سے ملی بھگت کے قوی شواہد سامنے آئے ہیں۔مقامی رہائشیوں کے مطابق، گزشتہ چند ماہ کے دوران کالونی کے مختلف بلاکس میں درجنوں غیر قانونی عمارتیں تعمیر کی گئی ہیں، جن میں سے اکثر کے پاس نہ تو تعمیراتی نقشہ جات موجود ہیں اور نہ ہی متعلقہ اداروں کی منظوری۔ جرأت سروے ٹیم سے بات کرتے ہوئے رہائشیوں کا دعویٰ ہے کہ بلیدی اور ان کے ساتھی ان غیر قانونی تعمیرات سے مالی فائدہ اٹھا رہے ہیں اور شکایات کے باوجود کارروائی سے گریز کرتے ہیں۔اس وقت بھی شیٹ نمبر 4پلاٹ 76اور 19/1پر بغیر دستاویزات کے غیر قانونی تعمیرات جاری ہیں ،ایک خوشگوار ماحول کے لیے مشہور ماڈل کالونی میں اب غیر منصوبہ بند تعمیرات نے ناصرف علاقے کا حسن متاثر کیا ہے بلکہ بنیادی ڈھانچے پر بھی دباؤ بڑھا دیا ہے ۔ بجلی، پانی اور گیس کی لائنیں غیر قانونی تعمیرات کے باعث مسلسل ٹوٹ رہی ہیں، جبکہ پارکنگ اور سڑکوں کی گنجائش شدید متاثر ہوئی ہے ۔شہری حلقوں کا مطالبہ ہے کہ سندھ حکومت فوری طور پر اس معاملے میں مداخلت کرے اور غیر قانونی تعمیرات کے خلاف کارروائی کے ساتھ ساتھ بلیدی سمیت تمام ملوث افسران کے خلاف تحقیقات کا آغاز کرے ۔ ماڈل کالونی کی رہائشی ایسوسی ایشن نے وزیر بلدیات کو اس سنگین مسئلے سے آگاہ کرتے ہوئے فوری کارروائی کی اپیل کی ہے ۔
.
ذریعہ
ذریعہ: Juraat
کلیدی لفظ: غیر قانونی تعمیرات ماڈل کالونی
پڑھیں:
بی جے پی کو پیپر لیک سے نہیں بلکہ اس ایشو پر بات کرنے سے مسئلہ ہے، اروند کیجریوال
ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کیلئے سرگرم عمل ہے۔ اسلام ٹائمز۔ سوشل میڈیا پر ایک ویڈیو تیزی سے وائرل ہو رہا ہے۔ اترپردیش کے پریاگ راج کے ایک کانفرنس ہال میں عام آدمی پارٹی کے راجیہ سبھا رکن سنجے سنگھ طلبہ کے ساتھ حالیہ پیپر لیک معاملے پر تبادلہ خیال کررہے ہیں۔ اچانک وہاں یوپی پولیس اور سرکاری افسران آجاتے ہیں اور انھیں اس ایشو پر بات کرنے سے منع کرتے ہیں۔ سنجے سنگھ اور سرکاری افسران میں گرما گرم بحث ہوتی ہے۔ اس معاملے پر اب عام آدمی پارٹی کے قومی کنوینر اروند کیجریوال کا رد عمل سامنے آیا ہے۔ عام آدمی پارٹی کے قومی کنوینر اروند کیجریوال نے بی جے پی حکومت پر تنقید کی ہے۔ ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا، اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کے لئے سرگرم عمل ہے۔
اروند کیجریوال نے کہا کہ بی جے پی کو پیپر لیک سے کوئی مسئلہ نہیں ہے۔ مسئلہ پیپر لیک پر ہونے والی بحث سے ہے۔ یہ پیر کے روز سنجے سنگھ کے الزام کے بعد سامنے آیا ہے کہ یوپی پولیس اور سرکاری اہلکاروں نے پریاگ راج میں پیپر لیک ہونے پر طلباء کے ساتھ ان کی بات چیت کو روکنے کی کوشش کی۔ سنجے سنگھ نے کہا کہ آمریت اپنے عروج پر پہنچ گئی ہے۔ ایکس پر ویڈیو شیئر کرتے ہوئے سنجے سنگھ نے کہا کہ پریاگ راج، یوپی میں آمریت عروج پر پہنچ گئی ہے، بند کمروں میں بھی، لاکھوں طلباء کے مستقبل پر بات کرنے کی اجازت نہیں دی گئی، انتظامیہ پیپر لیک ہونے کی بات کو بھی روکنے کے لئے پہنچ گئی ہے۔ مودی-یوگی کی ڈبل انجن والی حکومت مکمل طور پر ناکام ہو چکی ہے اور اپوزیشن کو کچلنا چاہتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ