بھارت خطے سمیت دنیا بھر میں دہشت گردی کا سرپرست ہے، دفتر خارجہ
اشاعت کی تاریخ: 8th, January 2026 GMT
اسلام آباد: دفتر خارجہ نے واضح کیا ہے کہ بھارت خطے اور عالمی سطح پر دہشت گردی کی پشت پناہی میں ملوث رہا ہے ۔ پاکستان پر لگائے جانے والے الزامات درحقیقت اس کے اپنے امن دشمن اقدامات سے توجہ ہٹانے کی ناکام کوشش ہیں۔
ترجمان دفتر خارجہ طاہر اندرابی نے ہفتہ وار پریس بریفنگ کے دوران بھارتی وزیر خارجہ کے حالیہ بیانات کو بے بنیاد قرار دیتے ہوئے کہا کہ بھارت کو دوسروں کو وعظ دینے کے بجائے اپنے طرزِ عمل پر نظرثانی کرنی چاہیے۔
ترجمان نے پاکستان اور سعودی عرب کے درمیان جے ایف 17 طیاروں کے ممکنہ معاہدے سے متعلق سوال پر وضاحت کی کہ دونوں ممالک کے درمیان دفاع سمیت مختلف شعبوں میں وسیع اور مضبوط تعلقات موجود ہیں، تاہم جے ایف 17 سے متعلق کسی مخصوص معاہدے کا علم نہیں۔ ان کا کہنا تھا کہ اگر مستقبل میں اس حوالے سے کوئی پیش رفت ہوتی ہے تو بروقت آگاہ کیا جائے گا۔
دفتر خارجہ کی بریفنگ میں جموں و کشمیر کی صورتحال پر بھی تفصیلی بات کی گئی۔ طاہر اندرابی نے بتایا کہ 5 جنوری کو کشمیری عوام نے حق خودارادیت کا دن منایا ۔ بھارت مسلسل کشمیری قیادت کو خاموش کرانے کی کوششوں میں مصروف ہے۔ ہزاروں کشمیری سیاسی رہنما بھارتی جیلوں میں قید ہیں ۔ 5 اگست 2019 کو بھارت کی جانب سے کیے گئے یکطرفہ اقدامات آج بھی کشمیری عوام کے لیے ایک کربناک حقیقت ہیں۔ انہوں نے واضح کیا کہ پاکستان کشمیری عوام کے لیے سیاسی اور سماجی حمایت جاری رکھے گا اور عالمی فورمز پر ان کی آواز بلند کرتا رہے گا۔
ترجمان کے مطابق وزیر خارجہ اسحاق ڈار نے حال ہی میں چین کا دورہ کیا اور پاک چین وزرائے خارجہ کے اسٹریٹجک ڈائیلاگ میں شرکت کی، جس کے بعد مشترکہ اعلامیہ بھی جاری کیا گیا۔
طاہر اندرابی نے دہلی میں فیض الٰہی مسجد اور ملحقہ جائیدادوں کے انہدام کو بھارت کی مسلم دشمن پالیسی کا حصہ قرار دیا۔ ان کا کہنا تھا کہ یہ کارروائیاں 1992 میں بابری مسجد کے انہدام اور بعد ازاں مندر کی تعمیر کے تسلسل کی کڑی ہیں، جو ہندوتوا نظریے کے تحت اقلیتوں کے خلاف نفرت انگیز مہم کی عکاسی کرتی ہیں۔
دفتر خارجہ نے ایران کے معاملات میں کسی بھی غیر ملکی مداخلت کی مخالفت کا اعادہ کیا اور صومالی لینڈ سے متعلق پاکستان کے واضح مؤقف کو دہرایا۔ ترجمان نے کہا کہ پاکستان نے مختلف عالمی فورمز پر صومالی لینڈ کو غیر قانونی ریاست تسلیم کرنے کی مخالفت کی ہے کیونکہ یہ برادر ملک صومالیہ کو تقسیم کرنے کی سازش ہے۔
افغانستان سے متعلق بات کرتے ہوئے ترجمان نے کہا کہ پاکستان مخاصمانہ تعلقات نہیں چاہتا، تاہم اس کا مطالبہ سادہ اور واضح ہے کہ افغان سرزمین دہشت گردی کے لیے استعمال نہ ہو۔ پاکستان صرف قابل تصدیق اور تحریری ضمانتیں چاہتا ہے ۔ افغان طالبان کو دہشت گرد عناصر کے خلاف مؤثر کارروائی کرنا ہوگی۔
انہوں نے بتایا کہ پاکستان، چین اور افغانستان کے درمیان سہ فریقی میکنزم مستقبل میں بھی جاری رہے گا، جو خطے میں استحکام کے لیے پاکستان کے مثبت کردار کی عکاسی کرتا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل دفتر خارجہ کہ پاکستان کے لیے
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ