وزیراعلیٰ سندھ نے ریلوے منصوبوں کیلئے 6.6 ارب روپے دینے کی منظوری دیدی
اشاعت کی تاریخ: 9th, January 2026 GMT
data-id="863a0a8" data-element_type="widget" data-widget_type="theme-post-content.default">
سندھ حکومت نے صوبے میں ریلوے منصوبوں کے لیے 6 ارب 60 کروڑ روپے فراہم کرنے کی منظوری دے دی ہے۔
اس حوالے سے وزیر اعلیٰ سندھ سید مراد علی شاہ اور وفاقی وزیر ریلوے حنیف عباسی کے درمیان اہم ملاقات ہوئی جس میں سندھ میں 858 کلو میٹر طویل ریلوے نیٹ ورک کو جدید خطوط پر استوار کرنے کا فیصلہ کیا گیا۔
ملاقات کے دوران مجموعی طور پر 63 ارب 26 کروڑ روپے کی لاگت سے ریلوے انفرا اسٹرکچر کی بحالی پر تفصیلی گفتگو کی گئی۔
وزیر اعلیٰ سندھ نے کہا کہ وفاقی حکومت کے تعاون سے سندھ کے عوام کے لیے جدید ریلوے منصوبے شروع کیے جا رہے ہیں اور صوبائی حکومت چھ نئی جدید ٹرینیں خریدنے پر بھی غور کر رہی ہے۔ ان منصوبوں سے صوبے کی تقریباً 67 فیصد آبادی کو فائدہ پہنچے گا۔
اجلاس میں کوٹری تا دادو، دادو تا لاڑکانہ، حیدرآباد تا میرپورخاص، روہڑی تا جیکب آباد، حیدرآباد تا بدین سمیت چھ اہم ریلوے روٹس کی بحالی پر بھی اتفاق کیا گیا۔ وفاقی وزیر ریلوے حنیف عباسی نے بتایا کہ روہڑی اسٹیشن کی عالمی معیار کے مطابق تزئین و آرائش کے لیے ایک ارب روپے مختص کیے گئے ہیں جبکہ وزارت ریلوے چھ جدید ٹرینوں سے متعلق تمام تفصیلات سندھ حکومت کو فراہم کرے گی۔
ذریعہ
ذریعہ: Jasarat News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی