وفاق پیسے نہیں دیتا، سہیل آفریدی: کراچی آمد، سرکاری پروٹوکول
اشاعت کی تاریخ: 10th, January 2026 GMT
کراچی (نوائے وقت رپورٹ+ آئی این پی+ سٹاف رپورٹر) وزیراعلیٰ کے پی کے سہیل آفریدی تین روزہ دورے پر کراچی پہنچ گئے، جہاں پی ٹی آئی کے کارکنوں کی بڑی تعداد ایئرپورٹ پر ان کا استقبال کرنے پہنچی تھی۔ اس موقع پر ایئرپورٹ اور راستوں میں کارکنوں کی جانب سے شدید بدنظمی دیکھنے میں آئی جبکہ ایک مقام پر کارکن آپس میں لڑ پڑے اور نوبت ہاتھا پائی تک پہنچ گئی۔ سینئر صوبائی وزیر سعید غنی نے وزیراعلیٰ خیبر پی کے سہیل آفریدی کا کراچی آمد پر استقبال کیا۔ انہوں نے مہمان کو سندھ کابینہ کی جانب سے خوش آمدید کہا اور انہیں سندھ کی روایتی ٹوپی اور اجرک کا تحفہ بھی پیش کیا۔ دوسری جانب کراچی ائیر پورٹ کے اطراف بدترین ٹریفک جام رہی اور ائیرپورٹ سگنل کے باہر کھڑے کارکنوں نے بھی ائیرپورٹ جانے کی کوشش کی۔ سہیل آفریدی نے کراچی آنے سے قبل ایک پیغام میں کہا کہ تین روزہ دورے پر سندھ جا رہا ہوں، اتوار کے روز مزار قائد پر جلسہ ہوگا جہاں ہم کراچی کی تاریخ کا سب سے بڑا جلسہ کریں گے۔ سندھ کے عوام بھرپور تیاری کریں اور سٹریٹ موومنٹ میں ساتھ دیں۔ وفاق ہمارے حصے کے پیسے نہیں دیتا ورنہ ہم دوسرے صوبوں سے زیادہ ترقی کریں۔ بانی پی ٹی آئی کا پیغام سندھ کے کونے کونے تک پہنچاؤں گا۔ دوسری جانب سندھ کے سینئر وزیر شرجیل انعام میمن نے کہا ہے کہ حکومت سندھ جمہوری اقدار پر مکمل یقین رکھتی ہے اور صوبے میں فری موومنٹ کی پالیسی پر عمل پیرا ہے۔ وزیراعلی کے پی کو دورہ سندھ میں سیاسی سرگرمیوں کی مکمل آزادی ہوگی۔ اپنے ایک بیان اور میڈیا سے گفتگو کرتے ہوئے شرجیل میمن نے کہا کہ وزیر اعلی خیبرپی کے کو مکمل سکیورٹی اور پروٹوکول فراہم کیا جائے گا۔ وزیراعلیٰ خیبرپختونخوا سہیل خان آفریدی نے کراچی پریس کلب میں میٹ دی پریس سے خطاب کرتے ہوئے کہا ہے کہ بانی پی ٹی آئی نے انہیں سٹریٹ موومنٹ کی تیاری کی ذمہ داری سونپی ہے، ہم اقتدار کے لیے نہیں بلکہ حقیقی آزادی، آزاد عدلیہ اور آزاد میڈیا کی بحالی کی جدوجہد کر رہے ہیں۔ وزیراعلی نے پریس کلب کی نئی کابینہ کو مبارکباد دی اور تاخیر سے آمد پر معذرت کرتے ہوئے کہا کہ کارکنان کے بھرپور استقبال اور رش کے باعث کراچی پہنچنے میں چھ گھنٹے لگے۔ انہوں نے کہا کہ کراچی کے عوام نے جس محبت سے خوش آمدید کہا اس پر شکرگزار ہوں۔ ٹی وی کو انٹرویو میں شرجیل میمن نے کہا ہے کہ وزیراعلیٰ خیبر پی کے کا سندھ میں خیر مقدم کیا ہے، وہ ایک آئینی عہدہ رکھتے ہیںے وزیراعلیٰ خیبر پی کے کو سندھ میں مکمل سکیورٹی دی گئی۔ سندھ حکومت نے سہیل آفریدی کو مکمل تعاون کی یقین دہانی کرائی۔ پی ٹی آئی اور پیپلز پارٹی میں برف نہیں پگھل رہی۔ پی ٹی آئی اور ہمارے نظریاتی اختلاف برقرار ہیں۔ ادھر مسلم لیگ ن کے رہنما بیرسٹر عقیل ملک نے نجی ٹی وی کو انٹرویو میں کہا ہے کہ سندھ میں وزیراعلیٰ خیبر پی کے کا استقبال پیپلز پارٹی کا اپنا استحقاق ہے۔ ہم کیا سہیل آفریدی کیلئے مٹھائیوں کے تھال لیکر جاتے؟۔ پورا ملک بند کرنے کی باتیں جمہوری سوچ نہیں۔ احتجاج کے نام پر انتشار کی اجازت نہیں دی جائے گی۔ سہیل آفریدی کی کراچی آمد کے موقع پر جیب کتروں کی چاندی ہو گئی جہاں درجن سے زائد افراد موبائل، قیمتی اشیاء سے محروم ہو گئے۔
.
ذریعہ
ذریعہ: Nawaiwaqt
کلیدی لفظ: سہیل ا فریدی خیبر پی کے کہا ہے کہ کراچی ا کہا کہ نے کہا
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ