شہریوں کی صحت کا تحفظ وزیراعلیٰ کی اولین ترجیح، مریم اورنگزیب
اشاعت کی تاریخ: 12th, January 2026 GMT
لاہور:(نیوزڈیسک) وزیراعلیٰ پنجاب مریم نوازشریف کی قیادت میں کیے گئے ماحول دوست اقدامات کے نتیجے میں لاہور کے فضائی معیار میں گزشتہ سال کے مقابلے میں واضح بہتری دیکھی گئی ہے۔ تجزیاتی موازنہ رپورٹ کے مطابق اکتوبر 2025 سے 10 جنوری 2026 کے دوران لاہور کے مجموعی ایئر کوالٹی انڈیکس (AQI) میں 58 پوائنٹس کی بہتری ہوئی اور مجموعی طور پر فضائی معیار میں 20 فیصد اضافہ ریکارڈ کیا گیا۔
رپورٹ کے مطابق سال 2025-26 کے 102 دنوں میں سے 60 دن فضائی معیار بہتر رہے، جبکہ نومبر، دسمبر اور اکتوبر میں متعلقہ مہینوں کے دوران بالترتیب 23، 14 اور 16 دنوں میں بہتر ایئر کوالٹی دیکھی گئی۔ نئے سال کے پہلے 10 دنوں میں جنوری 2026 میں فضائی معیار میں 28 پوائنٹس بہتری ریکارڈ کی گئی اور 7 دن بہتر ایئر کوالٹی کے رہے۔
حکومتی اقدامات میں دھواں چھوڑنے والی گاڑیوں، غیر معیاری ایندھن اور صنعتی اخراج کے خلاف بلا امتیاز کارروائیاں، ڈیٹا بیسڈ پالیسی، فیلڈ مانیٹرنگ، جرمانوں کے نظام، سموگ سکواڈز کی تعیناتی اور جدید آلات کے استعمال شامل ہیں، جن سے آلودگی کے ہاٹ سپاٹس پر بروقت ایکشن یقینی بنایا گیا۔ ماحولیاتی قوانین پر سخت عملدرآمد اور ادارہ جاتی ہم آہنگی نے لاہور کی فضاء کو پہلے سے زیادہ بہتر بنایا۔
سینئر وزیر مریم اورنگزیب نے کہا کہ وزیراعلیٰ مریم نوازشریف کی اولین ترجیح شہریوں کی صحت کا تحفظ ہے اور صاف ہوا کی فراہمی کے لیے اصلاحات اور جدید مانیٹرنگ سسٹم متعارف کرایا گیا ہے۔ تجزیاتی رپورٹ کے مطابق بارشوں میں کمی کے باوجود فضائی معیار کی بہتری حکومت کے مؤثر اقدامات کا نتیجہ ہے۔
.
ذریعہ
ذریعہ: Daily Mumtaz
کلیدی لفظ: فضائی معیار
پڑھیں:
کراچی، محسن نقوی کا صفورا میں واقع نادرا میگا سینٹر کا اچانک دورہ
وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ متعلقہ فائیلیںاسلام ٹائمز۔ وفاقی وزیر داخلہ محسن نقوی نے یونیورسٹی روڈ صفورا میں واقع نادرا میگا سینٹرکا اچانک دورہ کیا۔ وزیر داخلہ نے شہر قائد کے نادرا میگا سینٹر میں شہریوں کے لئے سہولتوں کا جائزہ لیا، محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے۔ وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ شہریوں کا کہنا تھا کہ شناختی کارڈز اور دیگر دستاویزات بنوانے میں انتظار نہیں کرنا پڑتا، وقت پر باری آ جاتی ہے اور عملہ بھی مکمل تعاون کرتا ہے۔ محسن نقوی مختلف کاؤنٹرز پر گئے اور خصوصا بزرگ شہریوں سے گفتگو کی اور ان کے ایشوز پوچھے، بزرگ شہریوں اور خواتین کے کام ترجیحی بنیادوں پر کرنے کے احکامات جاری کئے۔ وزیر داخلہ محسن نقوی نے نادرا سینٹر کے انچارج اور عملے کی کارکردگی کی تعریف کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ