data-id="863a0a8" data-element_type="widget" data-widget_type="theme-post-content.default">
260114-03-3
کراچی کے شہری جو پہلے ہی ان گنت مسائل ومشکلات سے دوچار ہیں ایسے میں غیر اعلانیہ گیس کی بندش نے شہریوں کے مسائل میں مزید اضافہ کردیا ہے۔ پیر کے روز کراچی کے مختلف علاقوں میں اچانک گیس کی بندش یا پریشر کم ہونے سے گھریلو، کمرشل صارفین کو مشکلات کا سامنا کرنا پڑا۔ اس صورتحال پر سوئی سدرن کے ترجمان کا کہنا ہے کہ 2 گیس فیلڈز سے گیس کی ترسیل میں کمی کا سامنا ہوا ہے جس سے کچھ علاقوں میں گیس کی ترسیل متاثر ہوئی ہے، کراچی میں گیس فراہمی تقریباً 45 ایم ایم سی ایف ڈی ہے جس سے کراچی کے بعض علاقوں میں گیس پریشر کم ہے۔ کراچی جو اقتصادی حب کی حیثیت رکھتا ہے یہاں کے عوام کے مسائل کو جس طرح نظر انداز کیا جارہا ہے وہ اس امر کا غماز ہے کہ صوبائی اور وفاقی حکومت کو کراچی کے شہریوں کو درپیش مشکلات سے کوئی سروکار ہے، گرمیوں کے دنوں میں کراچی کے شہری طویل دورانیے کی اذیت ناک لوڈ شیڈنگ کا شکار ہوتے ہیں اور شدید سردیوں میں انہیں گیس کی لوڈ شیڈنگ کا سامنا کرنا پڑتا ہے، اس پر امن وامان کی ابتر صورتحال، انفرا اسٹرکچر کی تباہی، سڑکوں کی خستہ حالی، پانی کی عدم فراہمی اور پبلک ٹرانسپورٹ کا فقدان مستزاد ہے مگر کوئی نہیں جو شہریوں کے مسائل کے حل پر توجہ دے۔ یہ صورتحال عوام میں اشتعال پیدا کرسکتی ہے، حکومت کو چاہیے کہ وہ کراچی کے عوام کو درپیش مسائل کے حل کے لیے موثر حکمت ِ عملی مرتب کرے تاکہ یہاں کے عوام سکھ کا سانس لے سکیں۔
ذریعہ
ذریعہ: Jasarat News
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع