قومی اسمبلی میں اپوزیشن لیڈر کی تعیناتی، اسپیکر نے مشاورتی عمل مکمل کرلیا
اشاعت کی تاریخ: 14th, January 2026 GMT
اسپیکر قومی اسمبلی سردار ایاز صادق نے ایوان میں اپوزیشن لیڈر کی تعیناتی کے لیے مشاورتی عمل مکمل کرلیا۔
مزید پڑھیں: اپوزیشن لیڈر کی تقرری کا عمل کب تک مکمل ہونے کا امکان ہے؟ معاملات طے پا گئے
میڈیا رپورٹس کے مطابق اسپیکر چیمبر میں قائد حزب اختلاف کی تقرری کے سلسلے میں اسکروٹنی کی گئی، جس میں سیکریٹری قومی اسمبلی اور اسپیشل سیکریٹری لا نے بھی شرکت کی۔
اس موقع پر اپوزیشن لیڈر کی تعیناتی کے تصدیقی عمل کا جائزہ بھی لیا گیا اور حتمی فیصلہ آج شام یا کل تک متوقع ہے۔
دوسری جانب وفاقی وزیر پارلیمانی امور طارق فضل چوہدری نے کہا ہے کہ اپوزیشن جماعت نے اپوزیشن لیڈر کی تعیناتی کو سیاسی ایشو بنانے کی کوشش کی۔
اسلام آباد میں اسپیکر آفس کے باہر میڈیا سے گفتگو کرتے ہوئے وفاقی وزیر نے بتایا کہ اسپیکر نے اجلاس میں اپوزیشن لیڈر سے متعلق رولز اور پروسیجر واضح کیے ہیں۔
طارق فضل چوہدری نے کہاکہ رولز کے مطابق اپوزیشن لیڈر کا نوٹیفکیشن آج یا کل جاری ہو جائے گا اور گزشتہ 2 دنوں میں پی ٹی آئی کے کئی ایم این ایز اسپیکر آفس کا دورہ بھی کر چکے ہیں۔
مزید پڑھیں: شیر افضل مروت محمود اچکزئی کو اپوزیشن لیڈر نامزد کرنے پر عمران خان کے خلاف بول پڑے
انہوں نے مزید کہاکہ اسپیکر آفس وہ واحد دروازہ ہے جہاں سے مذاکرات کیے جا سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر تعیناتی قومی اسمبلی مشاورتی عمل مکمل وی نیوز.
ذریعہ
ذریعہ: WE News
کلیدی لفظ: اپوزیشن لیڈر تعیناتی قومی اسمبلی مشاورتی عمل مکمل وی نیوز اپوزیشن لیڈر کی تعیناتی قومی اسمبلی
پڑھیں:
لیفٹیننٹ جنرل عامر رضا کی فور اسٹار جنرل کے عہدے پر ترقی، کمانڈر نیشنل اسٹریٹجک کمانڈ مقرر کردیا گیا
وزیراعظم شہباز شریف نے پاکستان آرمی کے چیف آف جنرل اسٹاف لیفٹیننٹ جنرل عامر رضا، ہلالِ امتیاز (ملٹری)، ستارۂ بسالت کو فور اسٹار جنرل کے عہدے پر ترقی دینے اور انہیں کمانڈر نیشنل اسٹریٹجک کمانڈ مقرر کرنے کا اعلان کر دیا ہے۔
وزیراعظم آفس کے مطابق وزیراعظم نے جنرل عامر رضا کو ترقی اور نئی ذمہ داری سنبھالنے پر مبارکباد پیش کی اور ان کے لیے نیک خواہشات کا اظہار کیا۔
وزیراعظم نے کہا کہ انہیں امید ہے کہ جنرل عامر رضا قومی سلامتی سے متعلق اس اہم ذمہ داری کو پیشہ ورانہ مہارت اور قومی عزم کے ساتھ انجام دیں گے۔
کمانڈر نیشنل اسٹریٹجک کمانڈ کا منصب ملک کی اسٹریٹجک صلاحیتوں اور قومی دفاعی حکمتِ عملی کے حوالے سے انتہائی اہم تصور کیا جاتا ہے جب کہ جنرل عامر رضا کی فور اسٹار جنرل کے عہدے پر ترقی کو پاکستان کی عسکری قیادت میں ایک اہم پیش رفت قرار دیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع