گرین لینڈ میں نیٹو افواج کی تعیناتی، روس کا شدید ردعمل
اشاعت کی تاریخ: 15th, January 2026 GMT
گرین لینڈ میں نیٹو افواج کی تعیناتی پر روس نے شدید تشویش کا اظہار کیا ہے جبکہ ڈنمارک کی قیادت میں شروع کیے گئے ’آپریشن آرکٹک اینڈیورنس‘ کے تحت متعدد یورپی ممالک نے آرکٹک خطے میں اپنی فوجی موجودگی بڑھانے کا اعلان کر دیا۔
یہ بھی پڑھیں: ٹرمپ گرین لینڈ حاصل کرنے پر بضد، یورپی اتحادی ڈنمارک کی حمایت میں اٹھ کھڑے ہوئے
مختلف میڈیا رپورٹس کے مطابق اس پیشرفت نے پہلے سے کشیدہ صورتحال کو مزید پیچیدہ بنا دیا ہے جس کی بڑی وجہ امریکی صدر ڈونلڈ ٹرمپ کی جانب سے گرین لینڈ کو اپنے کنٹرول میں لینے کے بار بار بیانات ہیں۔
بیلجیئم میں نیٹو ہیڈکوارٹر کے مقام پر قائم روسی سفارتخانے نے ایک بیان میں کہا کہ آرکٹک میں صورتحال انتہائی تشویشناک ہو چکی ہے۔ روس نے نیٹو پر الزام عائد کیا کہ وہ روس اور چین سے مبینہ خطرات کو جواز بنا کر گرین لینڈ میں اپنی فوجی طاقت میں اضافہ کر رہا ہے۔ روسی بیان کے مطابق نیٹو روس اور چین سے بڑھتے ہوئے خطرے کے جھوٹے بہانے کے تحت وہاں اپنی فوجی موجودگی بڑھا رہا ہے۔
ڈنمارک کی زیرِ قیادت آپریشن آرکٹک اینڈیورنس کے تحت جرمنی، فرانس، سویڈن اور ناروے نے گرین لینڈ میں فوجی اہلکار تعینات کرنے کا اعلان کیا ہے۔ یہ افواج گرین لینڈ کے دارالحکومت نوک میں تعینات ہوں گی اور خطے میں سیکیورٹی، نگرانی اور مشترکہ فوجی مشقوں میں حصہ لیں گی۔
مزید پڑھیے: گرین لینڈ پر امریکی کنٹرول کے علاوہ کچھ بھی قابلِ قبول نہیں، ڈونلڈ ٹرمپ
گرین لینڈ کے نائب وزیر اعظم ایگیدے نے کہا ہے کہ آنے والے دنوں میں نیٹو فوجی جزیرے پر زیادہ نمایاں ہوں گے۔ ان کے مطابق فوجی پروازوں اور بحری جہازوں کی تعداد میں اضافہ ہوگا، جبکہ سرگرمیاں زیادہ تر تربیتی نوعیت کی ہوں گی۔
جرمنی، فرانس، سویڈن اور ناروے کا کردارجرمنی کی وزارت دفاع کے مطابق، بنڈس ویئر کے 13 اہلکاروں پر مشتمل ایک جاسوسی ٹیم ڈنمارک کی دعوت پر نوک روانہ کی جا رہی ہے جو آرکٹک میں ممکنہ فوجی تعاون اور سکیورٹی انتظامات کا جائزہ لے گی۔ جرمن وزارت نے اس اقدام کو اتحادیوں کے درمیان اتحاد کی مضبوط علامت قرار دیا ہے۔
فرانس کے صدر ایمانوئل میکرون نے تصدیق کی ہے کہ فرانسیسی فوجی اہلکار روانہ ہو چکے ہیں جبکہ مزید دستے بھی جلد پہنچیں گے۔
ان کا کہنا تھا کہ یہ افواج اتحادی ممالک کے مشترکہ گروپ کا حصہ ہیں جو ڈنمارک کی فوجی مشقوں کے فریم ورک میں کام کریں گی۔
مزید پڑھیں: فرانس کا گرین لینڈ میں قونصل خانہ کھولنے کا اعلان، کیا یہ امریکا کے لیے کوئی ’خاموش پیغام‘ ہے؟
سویڈن کے وزیرِاعظم الف کرسٹرسن کے مطابق سویڈش مسلح افواج کے کئی افسران ڈنمارک کی درخواست پر گرین لینڈ پہنچ رہے ہیں جبکہ نیٹو کا رکن ملک ناروے بھی خطے میں سیکیورٹی برقرار رکھنے کے لیے فوجی تعاون فراہم کر رہا ہے۔
امریکی عزائم اور سفارتی کشیدگییہ فوجی سرگرمیاں ایسے وقت میں ہو رہی ہیں جب امریکی صدر ڈونلڈ ٹرمپ بارہا یہ مؤقف دہرا چکے ہیں کہ گرین لینڈ کو امریکی کنٹرول میں آنا چاہیے ورنہ چین یا روس اس خطے میں اثر و رسوخ حاصل کر سکتے ہیں۔ ان بیانات نے ڈنمارک، گرین لینڈ اور نیٹو کے اندر تشویش پیدا کر دی ہے۔
بدھ کے روز واشنگٹن میں امریکا، ڈنمارک اور گرین لینڈ کے اعلیٰ حکام کے درمیان ہونے والا اجلاس اس بنیادی اختلاف کو ختم کرنے میں ناکام رہا۔
ڈنمارک کی وزیرِاعظم میٹے فریڈرکسن نے واضح کیا ہے کہ گرین لینڈ پر امریکی قبضے کا امکان ناقابل قبول ہے اور ڈنمارک اس طرح کے کسی بھی اقدام کو روکنے کے لیے پرعزم ہے۔
روس اور نیٹو آمنے سامنےروس کا کہنا ہے کہ آرکٹک میں بڑھتی ہوئی نیٹو سرگرمیاں خطے کے استحکام کے لیے خطرہ ہیں جبکہ نیٹو کا مؤقف ہے کہ یہ اقدامات سیکیورٹی اور نگرانی کے لیے ضروری ہیں۔
یہ بھی پڑھیے: ٹرمپ کی طرف سے گرین لینڈ پر ممکنہ قبضے کیخلاف امریکی سینیٹ میں بل پیش
ماہرین کے مطابق، برف پگھلنے کے باعث نئے بحری راستوں اور قدرتی وسائل تک رسائی نے آرکٹک کو عالمی طاقتوں کی توجہ کا مرکز بنا دیا ہے۔
دوسری جانب گرین لینڈ کے دارالحکومت نوک میں عوام نے یکجہتی کے اظہار کے طور پر قومی پرچم لہرائے تاہم کئی شہریوں نے بڑی طاقتوں کی کشمکش کے درمیان پھنس جانے پر تشویش بھی ظاہر کی ہے۔
مزید پڑھیں: گرین لینڈ تنازع: ٹرمپ کے ارادوں پر ان کی آنکھوں میں آنکھیں ڈال کر بات کرنا چاہتے ہیں، ڈنمارک
مقامی ٹیچر ویرا اسٹیڈسن کا کہنا تھا کہ یہ صورتحال خوفناک ہے۔ ہم صرف امن کے ساتھ زندگی گزارنا چاہتے ہیں اور نہیں چاہتے کہ ہمارا ملک عالمی طاقتوں کے تنازع کا میدان بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس نیٹو افواج نیٹو افواج گرین لینڈ میں.
ذریعہ
ذریعہ: WE News
کلیدی لفظ: نیٹو افواج گرین لینڈ میں گرین لینڈ کے ڈنمارک کی میں نیٹو کے مطابق کے لیے
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے