ٹیکسز اور سرچارجز نے بجلی صارفین کو شدید دباؤ میں ڈال دیا، نیپرا رپورٹ
اشاعت کی تاریخ: 17th, January 2026 GMT
نیشنل الیکٹرک پاور ریگولیٹری اتھارٹی (نیپرا) کی پاور سیکٹر اسٹیٹ آف انڈسٹری رپورٹ 2025 کے مطابق ٹیکسز، ڈیوٹیز اور مختلف سرچارجز کے باعث بجلی کی قیمتیں عام صارف کے لیے ناقابل برداشت ہو چکی ہیں۔ رپورٹ میں واضح کیا گیا ہے کہ بجلی کے نرخوں میں اضافے کی بڑی وجہ پیداواری لاگت نہیں بلکہ حکومتی محصولات اور اضافی چارجز ہیں۔
رپورٹ کے مطابق مالی سال 2023-24 کے دوران بجلی تقسیم کار کمپنیوں (ڈسکوز) کے نقصانات 18.
نیپرا نے بتایا کہ اسی مالی سال میں بجلی بلوں کی ریکوری کی شرح 92.44 فیصد رہی۔ وصولیوں میں کمی کے باعث گردشی قرض میں مزید 314 ارب 51 کروڑ روپے کا اضافہ ہوا، جس کے بعد کے الیکٹرک سمیت تمام ڈسکوز کے واجبات 2 ہزار 320 ارب روپے سے تجاوز کر گئے۔
رپورٹ میں یہ بھی انکشاف کیا گیا کہ ملک میں بجلی پیدا کرنے کی مجموعی صلاحیت 45 ہزار 888 میگاواٹ ہے، تاہم ایک سال کے دوران دستیاب بجلی کے استعمال کی شرح محض 33.88 فیصد رہی۔ اس کے باوجود صارفین کو استعمال نہ ہونے والی 6.12 فیصد بجلی کی قیمت بھی ادا کرنا پڑی۔ نیپرا کے مطابق مالی سال 2023-24 میں بجلی کی مجموعی فروخت میں نمایاں کمی ریکارڈ کی گئی، جو صارفین پر بڑھتے ہوئے مالی دباؤ کی عکاس ہے۔
ذریعہ
ذریعہ: Daily Mumtaz
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم