’اندازہ لگالیں اندرون سندھ کیا حالات ہوں گے‘، مفتاح اسماعیل کی کراچی میں آگ بے قابو ہونے پر سندھ حکومت پر تنقید
اشاعت کی تاریخ: 18th, January 2026 GMT
سابق وفاقی وزیرخزانہ مفتاح اسماعیل نے وفاقی اور صوبائی حکومت کی کارکردگی پر گہری مایوسی کا اظہار کرتے ہوئے کہا ہے کہ پاکستان پیپلزپارٹی 18 سال سے سندھ میں حکومت کر رہی ہے، اور یہ اگر کراچی میں آگ پر قابو نہیں پاسکتے تو اندرون سندھ کے حالات کیا ہوں گے، اس کا اندازہ لگانا مشکل نہیں۔
کراچی میں تحریک تحفظ آئین پاکستان کی کانفرنس سے خطاب کرتے ہوئے مفتاح اسماعیل نے حکومت کے حالیہ اقدامات کی نشاندہی کرتے ہوئے کہاکہ چند ہفتوں میں 2 سروے جاری کیے گئے، جن میں غربت میں اضافے کی تصدیق ہوئی۔
مزید پڑھیں: کراچی: گل پلازہ میں لگنے والی آگ پر دوسرے روز بھی قابو نہ پایا جا سکا، 6 افراد جاں بحق، عمارت کے کئی حصے منہدم
ان کے مطابق غریب افراد کی تعداد 18 فیصد بڑھ گئی ہے، جبکہ اوسطاً پاکستانی 12 فیصد مزید غریب ہو چکے ہیں۔
انہوں نے یہ بھی بتایا کہ عام آدمی کی آمدنی 2010 کی سطح پر منجمد ہے اور 2021 سے حقیقی آمدنی مسلسل کم ہو رہی ہے۔
سابق وزیرخزانہ نے کہاکہ 2018 میں 16 فیصد گھرانے کھانے کی قلت سے متاثر تھے، آج یہ تعداد بڑھ کر 25 فیصد ہو گئی ہے، یعنی ایک چوتھائی لوگ یہ نہیں جانتے کہ اگلی روٹی کہاں سے آئے گی۔
انہوں نے مثال دیتے ہوئے کہاکہ 2018 میں ایک فرد 4 انڈے کھا سکتا تھا، آج وہ ایک بھی نہیں کھا سکتا۔ پاکستان کی معیشت شدید بحران کا شکار ہے۔
انہوں نے شہریوں کی مالی مشکلات پر بھی روشنی ڈالی اور کہاکہ 5 سال پہلے لوگ اپنی تنخواہوں سے بچت کر لیتے تھے، لیکن آج عام شہری قرض لے کر بھی گھر نہیں چلا سکتا، اور کئی خاندان ناشتے کے لیے پیسے نہیں رکھ سکتے۔
مفتاح اسماعیل نے سیاسی عدم استحکام کو معیشت کی تباہی کی بڑی وجہ قرار دیا اور کہاکہ حکومت کو مضبوط اقدامات کرنا ہوں گے تاکہ معیشت درست سمت میں جائے۔
اپوزیشن رہنما نے مزید کہاکہ ووٹ کے لیے عمر میں تبدیلی کے معاملات بھی زیر غور ہیں، اور آنے والے دنوں میں نئی تجاویز سامنے آ سکتی ہیں۔
انہوں نے گل پلازہ میں آگ کے واقعے پر افسوس کا اظہار کیا اور متاثرین کے ساتھ ہمدردی کا پیغام دیا۔
مفتاح اسماعیل نے عوامی بھوک اور افلاس کی صورتحال کی طرف اشارہ کرتے ہوئے کہا کہ اگر حکومت کے پاس مینڈیٹ نہیں تو وہ کوئی تبدیلی نہیں لا سکتی، عوام کا خیال کرنا ہر سطح پر ضروری ہے۔
مزید پڑھیں: کئی گھرانوں کے چراغ گُل کرنے والی گل پلازہ کی آگ میں متعدد افراد لاپتا، اہل خانہ پریشان
انہوں نے تجویز دی کہ غریب عوام کے تحفظ کے لیے سیاسی قائدین آپس میں بیٹھ کر معاہدے کریں، محمود خان اچکزئی اور اسد قیصر حکومت سے بات کریں، اور پیکا ایکٹ کے خلاف صحافی برادری اپنی آواز بلند کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیپلز پارٹی تنقید سابق وفاقی وزیر کراچی آگ مفتاح اسماعیل وی نیوز.
ذریعہ
ذریعہ: WE News
کلیدی لفظ: پیپلز پارٹی سابق وفاقی وزیر کراچی ا گ مفتاح اسماعیل وی نیوز مفتاح اسماعیل نے کرتے ہوئے انہوں نے ہوئے کہ کے لیے
پڑھیں:
سندھ حکومت کا مہنگے داموں پاسکو سے گندم خریدنے کا فیصلہ
(سٹی42)سندھ حکومت نے مہنگے داموں پاسکو سے گندم خرید کرنے کا فیصلہ کرلیا۔
2024 کی پرانی گندم پاسکو سے خرید ی جائے گی،پاسکو نے فی 40 کلو گرام کا 4150 روپے نرخ مقرر کیا ہے۔
پاسکو نے 2 لاکھ 20 ہزار 665 میٹرک ٹن گندم سندھ کو دینے کی پیشکش کی ہے،سندھ نے کاشت کاروں کیلئے 3500 روپے گندم خریداری کا نرخ مقرر کیا تھا لیکن کاشت کاروں نے کم نرخ کی وجہ سے گندم حکومت کو نہیں دی اورسندھ حکومت ایک لاکھ میٹرک ٹن گندم نہیں خرید سکی۔
سندھ حکومت نےرواں سال 10 لاکھ میٹرک ٹن گندم خرید کرنے کا ہدف مقرر کیا تھا،اب سندھ حکومت 650 روپے فی 40 کلو گرام 650 روپے مہنگی گندم خرید رہی ہے،سندھ حکومت نے بیرون ممالک سے 5 لاکھ میٹرک ٹن گندم درآمد کرنے کا فیصلہ بھی کیا ہے۔
محکمہ خوراک سندھ کے مطابق صوبے کو 16 لاکھ میٹرک ٹن سے زائد گندم کی قلت کا سامنا ہے، سندھ میں گندم کی ضرورت 65 لاکھ 30 ہزار میٹرک ٹن ہے،سندھ میں گندم کی پیداوار 47 لاکھ میٹرک ٹن سے زیادہ ہوئی ، جبکہ ایک لاکھ 40 ہزار میٹرک ٹن پرانی گندم کے ذخائر موجود ہیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محکمہ خوراک کے مطابق اوپن مارکیٹ میں زیادہ نرخ کی وجہ کاشت کاروں سے گندم خرید نہیںسکے،گندم کی قلت کا سامنا کرنے کی وجہ سے گندم درآمد کرنی پڑے گی،سندھ کابینہ نے گزشتہ روز گندم در آمد کرنے کی منظوری دیدی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع