سی پیک فیز 2 کا بڑا حصہ زرعی انفراسٹریکچر سرمایہ کاری ہے: رانا تنویر
اشاعت کی تاریخ: 20th, January 2026 GMT
اسلام آباد(نیوزڈیسک) وفاقی وزیر غذائی تحفظ رانا تنویر حسین نے نیوز کانفرنس سے خطاب کرتے ہوئے کہا کہ گزشتہ روز پاک چین زرعی سرمایہ کاری کانفرنس ہوئی، پاکستان کی جی ڈی پی میں زرعی شعبےکا حصہ 26فیصدہے، زرعی شعبے میں لائیو اسٹاک کا حصہ 60 فیصد ہے، وزیراعظم کی زرعی شعبے پر خصوصی توجہ ہے۔
رانا تنویرحسین کا کہنا تھا کہ جتنی شعبے میں صلاحیت ہے،اس مناسبت سے گروتھ نہیں ہے، ترسیلات زر 40 ارب ڈالر تک پہنچ چکے ہیں،اصل شرح نموبرآمدات ہیں، برآمدات بڑھانے میں زرعی شعبے کا کردار اہم ہو گا، زرعی شعبے میں ترقی کیلئے چین پر توجہ مرکوز کر رکھی ہے۔
انہوں نے کہا کہ تمام وزارتوں کی کوششوں سے کامیاب ترین کانفرنس ہوئی، زرعی سرمایہ کاری کانفرنس میں 85چینی کمپنیوں نے شرکت کی، زرعی ٹیکنالوجی کولڈ چین فوڈ پروسیسنگ ایگر و کیمکل پر 37 ایم اویوز ہو چکے ہیں، کانفرنس میں 75ایم او یوزسائن ہو چکے ہیں،جن کی مالیت 4ارب ڈالر سے زائد ہے۔
وزیرغذائی تحفظ کا کہناتھا کہ سی پیک فیز ٹو میں بڑا حصہ زرغی انفراسٹریکچر سرمایہ کاری کاہے، حکومت کو ہر دن معاشی سفارتی سیاسی ملٹری سطح پر کامیابیاں مل رہی ہیں، زرعی شعبے میں اصلاحات لائی ہیں ،معیاری بیچ کیلئے سیڈ اتھارٹی بنا دی، کھاد کی سپلائی چین بہترکی کسانوں کو کریڈٹ تک رسائی بڑھائی ہے۔
ان کا کہناتھا کہ زرعی شعبےمیں قرضوں کی ریکوری 69 فیصد ہے، آئندہ 3سال میں برآمدات بڑھائیں گے،فوڈسیکیورٹی یقینی بنائیں گے، گندم کی قلت نہیں وافر مقدار میں دستیاب ہے، پام آئل 89فیصد درآمد ہو رہا ہےجس کے درآمدی بل بڑھتاہے، عالمی مارکیٹ میں پام آئل کی قیمت بڑھنے سے درآمدی بل بڑھا، زرعی شعبے کی برآمدات 8ارب ڈالرہیں تین سال میں ڈبل کرنےکا ہدف ہے۔
.
ذریعہ
ذریعہ: Daily Mumtaz
کلیدی لفظ: سرمایہ کاری
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی