پاکستان اور برطانیہ کا تیل، گیس اور معدنیات کے شعبے میں تعاون بڑھانے پر اتفاق
اشاعت کی تاریخ: 21st, January 2026 GMT
اسلام آباد :پاکستان اور برطانیہ کے درمیان تیل و گیس اور معدنیات کے شعبے میں تعاون کو مزید وسعت دینے پر اتفاق ہو گیا ہے جبکہ برطانیہ نے جیولوجیکل سروے آف پاکستان کی استعداد کار بڑھانے کے لیے 400 ملین ڈالر کی معاونت کی پیشکش بھی کی ہے، یہ پیش رفت وفاقی وزیر برائے پیٹرولیم علی پرویز ملک سے برطانوی ہائی کمشنر جین میریٹ کی ملاقات کے دوران سامنے آئی۔
ملاقات میں دونوں ممالک کے درمیان توانائی اور معدنی وسائل کے شعبے میں جاری تعاون کا جائزہ لیا گیا اور مستقبل میں مشترکہ منصوبوں کے امکانات پر تفصیلی گفتگو کی گئی۔ اس موقع پر برطانوی ہائی کمشنر نے کہا کہ پاکستان قدرتی وسائل سے مالا مال ملک ہے اور یہاں توانائی اور معدنیات کے شعبے میں سرمایہ کاری کے بے پناہ مواقع موجود ہیں۔
وفاقی وزیر پیٹرولیم علی پرویز ملک نے کہا کہ برٹش جیولوجیکل سروے اور جیولوجیکل سروے آف پاکستان کے درمیان تعاون سے پاکستان کے منرل سیکٹر میں نمایاں ترقی ممکن ہو سکے گی، جیولوجیکل ڈیٹا کی بہتری اور جدید سروے تکنیکوں کے استعمال سے نہ صرف معدنی وسائل کی بہتر نشاندہی ہوگی بلکہ عالمی سرمایہ کاروں کا اعتماد بھی بڑھے گا۔
علی پرویز ملک نے بتایا کہ توانائی کے شعبے میں ادارہ جاتی استعداد بڑھانے کے لیے حکومت مختلف اقدامات کر رہی ہے، جن میں ریگولیٹری اصلاحات اور اداروں کی تنظیمِ نو شامل ہے۔ ملاقات میں آئل اینڈ گیس ریگولیٹری اتھارٹی (اوگرا) کی تنظیمِ نو کے لیے تشخیصی جائزے پر بھی مشترکہ غور کیا گیا تاکہ اس ادارے کو مزید مؤثر اور شفاف بنایا جا سکے۔
وفاقی وزیر نے آف شور تیل و گیس کی تلاش کے حوالے سے برطانوی کمپنیوں کو پاکستان میں سرمایہ کاری کی دعوت دیتے ہوئے کہا کہ برطانوی کمپنیاں پاکستانی سرکاری اداروں کے ساتھ شراکت داری کر سکتی ہیں، حکومت سرمایہ کاروں کو سازگار ماحول فراہم کرنے کے لیے پرعزم ہے۔
اس موقع پر علی پرویز ملک نے بتایا کہ پاکستان منرلز انویسٹمنٹ فورم 8 اور 9 اپریل کو منعقد کیا جائے گا، جس میں عالمی سرمایہ کاروں کو پاکستان کے معدنی شعبے میں سرمایہ کاری کے مواقع سے آگاہ کیا جائے گا۔ برطانوی ہائی کمشنر جین میریٹ نے کہا کہ گزشتہ سال منعقد ہونے والا پاکستان منرل انویسٹمنٹ فورم نہایت متاثر کن تھا اور اس سے عالمی سطح پر مثبت پیغام گیا۔
دونوں فریقین نے اس عزم کا اظہار کیا کہ پاکستان اور برطانیہ کے درمیان توانائی اور معدنیات کے شعبے میں تعاون کو مزید مضبوط بنایا جائے گا، جس سے نہ صرف پاکستان کی معیشت کو فائدہ پہنچے گا بلکہ دو طرفہ تعلقات بھی مزید مستحکم ہوں گے۔
.
ذریعہ
ذریعہ: Al Qamar Online
کلیدی لفظ: پاکستان کھیل اور معدنیات کے شعبے میں علی پرویز ملک کے درمیان کے لیے کہا کہ
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
بھارت سے جنگ اور افغانستان میں کارروائی خارج ازامکان نہیں، وزیردفاع