3 ماہ گزر گئے، بشریٰ بی بی کی خیریت کا کوئی علم نہیں: مریم ریاض وٹو
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
بشریٰ بی بی کی بہن مریم ریاض وٹو نے کہا ہے کہ تقریباً تین ماہ گزر جانے کے باوجود انہیں بشریٰ بی بی کی خیریت کے بارے میں کوئی خبر نہیں مل سکی۔
سوشل میڈیا پر جاری اپنے پیغام میں مریم ریاض وٹو نے لکھا کہ جب بھی گھر کی گھنٹی بجتی ہے تو ان کی والدہ کو یہ امید بندھ جاتی ہے کہ شاید بشریٰ واپس آ گئی ہوں، مگر اگلے ہی لمحے انہیں یاد آتا ہے کہ وہ جیل میں ہیں۔
ان کے مطابق والدہ خود کو یہ کہہ کر تسلی دیتی ہیں کہ انہوں نے بشریٰ کو اللہ کے سپرد کر دیا ہے اور اگر اس دنیا میں ملاقات ممکن نہ ہو سکی تو آخرت میں ضرور ہو جائے گی۔
مریم ریاض وٹو نے واضح کیا کہ وہ یہ بات ہمدردی سمیٹنے کے لیے نہیں لکھ رہیں بلکہ اس لیے بیان کر رہی ہیں تاکہ لوگوں کو معلوم ہو سکے کہ ان کا خاندان کس کرب اور اذیت سے گزر رہا ہے۔
انہوں نے بتایا کہ بشریٰ عمران کو اس بات کا علم ہے کہ ان کی والدہ علیل ہیں، اس کے باوجود انہیں اہلِ خانہ سے رابطے کی اجازت نہیں دی جا رہی۔
مریم ریاض نے مزید لکھا کہ تین ماہ گزرنے کے باوجود خاندان کو بشریٰ عمران کی خیریت سے متعلق کوئی اطلاع تک فراہم نہیں کی گئی۔ ان کا کہنا تھا کہ یہ محض ناانصافی نہیں بلکہ سراسر ظلم ہے، اور اس سے بھی زیادہ افسوسناک بات یہ ہے کہ اس ظلم کے خلاف کوئی آواز بلند نہیں کر رہا۔
ذریعہ
ذریعہ: Jasarat News
کلیدی لفظ: مریم ریاض وٹو
پڑھیں:
عمران خان اور بشریٰ بی بی کی ملاقات کرا دی گئی
اڈیالا جیل راولپنڈی میں بانی پی ٹی آئی اور ان کی زوجہ محترمہ کی ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ اسلام ٹائمز۔ اڈیالا جیل راولپنڈی میں عمران خان اور بشریٰ بی بی کی ملاقات کروا دی گئی۔ جیل ذرائع کے مطابق ملاقات کانفرنس روم میں کرائی گئی، ملاقات 50 منٹ تک جاری رہی۔ دوسری جانب بانی پی ٹی آئی سے ملاقات کیلئے آئے وکلاء اور فیملی ارکان میں سے کسی بھی شخص کو ملاقات کی اجازت نہ مل سکی۔ وزیر اعلیٰ کے پی سہیل آفریدی، شفیع جان، مینا خان آفریدی فیکڑی ناکے پر موجود رہے، بانی کی تینوں بہنیں کارکنان کی کثیر تعداد کے ہمراہ فیکٹری ناکے پر موجود رہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ