ساؤتھ ایشین گیمز مارچ 2027ء میں ہوں گے، پاکستان کو میزبانی مل گئی
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
ساؤتھ ایشین گیمز کے انعقاد سے متعلق بڑا اور اہم فیصلہ سامنے آ گیا ہے، جس کے تحت ساؤتھ ایشین فیڈریشن گیمز (سیف گیمز) مارچ 2027 میں پاکستان میں ہی منعقد ہوں گی۔
نجی ٹی وی کی رپورٹ کے مطابق اس فیصلے کی منظوری ساؤتھ ایشین اولمپک کونسل کے اجلاس میں دی گئی، جو ازبکستان کے دارالحکومت تاشقند میں منعقد ہوا۔ اجلاس میں پاکستان کی نمائندگی اعلیٰ سطح پر کی گئی، جس میں صدر پاکستان اولمپک ایسوسی ایشن عارف سعید، وفاقی سیکرٹری بین الصوبائی رابطہ محی الدین وانی اور پاکستان اولمپک ایسوسی ایشن کے سیکرٹری جنرل خالد محمود شریک ہوئے۔
اجلاس کے دوران حکومتِ پاکستان کی جانب سے ساوتھ ایشین گیمز کے کامیاب انعقاد کے حوالے سے مکمل یقین دہانی کرائی گئی۔ وفاقی سیکرٹری آئی پی سی محی الدین وانی نے باضابطہ طور پر حکومت پاکستان کی نمائندگی کرتے ہوئے ساؤتھ ایشین اولمپک کونسل کو آگاہ کیا کہ پاکستان گیمز کی میزبانی کے لیے مکمل طور پر تیار ہے اور تمام انتظامی، سیکورٹی اور لاجسٹک معاملات کو بین الاقوامی معیار کے مطابق یقینی بنایا جائے گا۔
اجلاس میں اس بات پر بھی اتفاق کیا گیا کہ گیمز میں شریک کھلاڑیوں اور آفیشلز کو ہر ممکن سہولیات فراہم کی جائیں گی تاکہ ایونٹ کو کامیاب اور یادگار بنایا جا سکے۔
فیصلے کے مطابق ساؤتھ ایشین گیمز آئندہ سال 23 مارچ سے 31 مارچ تک منعقد ہوں گے، جس کے دوران خطے کے مختلف ممالک سے تعلق رکھنے والے ایتھلیٹس مختلف کھیلوں میں اپنی صلاحیتوں کا مظاہرہ کریں گے۔
یہ ایونٹ نہ صرف کھیلوں کے فروغ کے لیے اہم سمجھا جا رہا ہے بلکہ خطے میں کھیلوں کے ذریعے باہمی روابط اور ہم آہنگی کو مضبوط بنانے میں بھی معاون ثابت ہوگا۔ پاکستان کے لیے اس ایونٹ کی میزبانی ایک بڑے اعزاز کے ساتھ ساتھ کھیلوں کے ڈھانچے کو مزید بہتر بنانے کا موقع بھی تصور کی جا رہی ہے۔
یاد رہے کہ پاکستان میں جنوری میں شیڈول ساوتھ ایشین گیمز کو اس سے قبل موخر کر دیا گیا تھا، جس کے بعد گیمز کے مستقبل پر سوالات اٹھ رہے تھے، تاہم تاشقند میں ہونے والے ساؤتھ ایشین اولمپک کونسل کے اجلاس کے بعد ان تمام خدشات کا خاتمہ ہو گیا ہے اور پاکستان کو دوبارہ میزبانی کا حق دے دیا گیا ہے۔
اجلاس میں شریک ارکان نے پاکستان اولمپک ایسوسی ایشن اور حکومت پاکستان کی تیاریوں اور عزم کو سراہا اور اس اعتماد کا اظہار کیا کہ پاکستان ایک بار پھر ایک بڑے بین الاقوامی کھیلوں کے ایونٹ کا کامیاب انعقاد کرے گا۔
ساوتھ ایشین گیمز کی میزبانی کے فیصلے کو کھیلوں کے حلقوں میں خوش آئند قرار دیا جا رہا ہے جب کہ اس سے نوجوان کھلاڑیوں کو بین الاقوامی سطح پر کھیلنے اور اپنی صلاحیتیں نکھارنے کے مزید مواقع میسر آئیں گے۔
حکام کے مطابق آنے والے دنوں میں گیمز کی تیاریوں، مقامات کے انتخاب اور دیگر انتظامی امور سے متعلق مزید تفصیلات بھی جاری کی جائیں گی، تاکہ سیف گیمز 2027 کو ایک کامیاب اور تاریخی ایونٹ بنایا جا سکے۔
.
ذریعہ
ذریعہ: Jasarat News
کلیدی لفظ: ساؤتھ ایشین پاکستان کی ایشین گیمز اجلاس میں کھیلوں کے کے مطابق
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے