بلوچستان اور کے پی میں برفانی موسم، پاک فوج کا ریسکیو آپریشن، کنٹرول سینٹر قائم
اشاعت کی تاریخ: 27th, January 2026 GMT
ویڈیو گریب۔
بلوچستان اور خیبر پختونخوا میں شدید برفانی موسم کے پیش نظر پاک فوج نے ریسکیو آپریشن کیا۔ مختلف علاقوں میں شدید برفانی موسم کے پیش نظر پاک فوج امدادی سرگرمیوں میں مصروف ہے۔
سیکیورٹی ذرائع کے مطابق پاک فوج نے ہوسری، زیارت، بولان، ژوب، قلعہ سیف اللہ میں کنٹرول سینٹر بنا دیے۔
سیکیورٹی ذرائع کے مطابق خوجک ٹاپ، لک پاسس، دکی، کولپور اور مسلم باغ میں بھی برفانی موسم کے پیش نظر کنٹرول سینٹر قائم کیے گئے ہیں۔
ذرائع کے مطابق پاک فوج کے جوان اور ریسکیو ٹیمیں برفباری میں پھنسے افراد کو ریسکیو کر رہے ہیں، پاک فوج ریسکیو کیے گئے مقامی افراد اور سیاحوں کو خوراک، طبی امداد فراہم کر رہی ہے۔
ضلع کرم میں بارشوں اور برف باری کے باعث سیکیورٹی فورسز نے امدادی اور ریسکیو کارروائیاں جاری رکھی۔ بھاری مشینری اور افرادی قوت سے متاثرہ سڑکوں کو مکمل طور پر بحال کر دیا گیا۔
سیکیورٹی ذرائع کے مطابق پاک فوج کے جوانوں نے شاہراہوں پر پھنسے مسافروں کو بحفاظت محفوظ مقامات پر منتقل کیا، وادی تیراہ میں بھی شدید برفباری میں پاک فوج کے جوان امدادی سرگرمیوں میں مصروف رہے۔
.
ذریعہ
ذریعہ: Jang News
کلیدی لفظ: ذرائع کے مطابق برفانی موسم پاک فوج
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ