28 جنوری سے 2 فروری تک ملک بھر میں موسم کیسا رہے گا؟
اشاعت کی تاریخ: 28th, January 2026 GMT
محکمہ موسمیات پاکستان نے ملک بھر میں شدید سردی کی لہر برقرار رہنے کا الرٹ جاری کرتے ہوئے خبردار کیا ہے کہ آئندہ دنوں میں زیادہ تر علاقوں میں موسم سرد اور خشک رہے گا، جبکہ شمالی اور بالائی علاقوں میں بارش اور برفباری کے باعث سردی کی شدت میں مزید اضافہ متوقع ہے۔
محکمہ موسمیات پاکستان نے ملک بھر کے لیے بہت اہم موسمی صورتحال جاری کرتے ہوئے بتایا ہے کہ آئندہ دنوں میں زیادہ تر علاقوں میں موسم سرد اور خشک رہے گا، جبکہ بالائی اور شمالی علاقوں میں شدید سردی، بارش اور برفباری کا امکان ہے۔
محکمہ موسمیات کے مطابق مغربی ہواؤں کا نیا سلسلہ ملک کے بالائی حصوں کو متاثر کر رہا ہے، جس کے باعث بالائی خیبرپختونخوا، گلگت بلتستان، کشمیر اور شمالی بلوچستان میں وقفے وقفے سے بارش اور پہاڑی علاقوں میں برفباری متوقع ہے۔ بعض علاقوں میں شدید برفباری کے باعث سردی کی شدت میں مزید اضافہ ہو سکتا ہے۔
آج بعض علاقوں میں برفباری اور بارش کا امکانرپورٹ کے مطابق 28 جنوری کو خیبرپختونخوا، گلگت بلتستان اور کشمیر میں بارش اور برفباری کا امکان ہے، جبکہ اسلام آباد، بالائی پنجاب اور شمالی بلوچستان میں ہلکی بارش ہو سکتی ہے۔ 29 جنوری کو ملک کے بیشتر علاقوں میں موسم سرد اور خشک رہنے کی توقع ہے، تاہم پہاڑی علاقوں میں شدید سردی برقرار رہے گی۔
30 اور 31 جنوری کے دوران ایک بار پھر مغربی ہواؤں کے زیر اثر خیبرپختونخوا، گلگت بلتستان، کشمیر، شمالی بلوچستان اور بالائی پنجاب میں بارش جبکہ پہاڑوں پر برفباری کا امکان ظاہر کیا گیا ہے۔ ان دنوں بعض مقامات پر سڑکوں کی بندش اور پھسلن کا خدشہ بھی موجود ہے۔
فروری کے پہلے 2 دن کیسے ہوں گے؟محکمہ موسمیات کے مطابق فروری کے آغاز (یکم اور 2 فروری) میں بھی ملک کے بیشتر حصوں میں موسم سرد اور خشک رہے گا، جبکہ شمالی اور پہاڑی علاقوں میں شدید سردی کی لہر برقرار رہنے کا امکان ہے۔
دوسری جانب کراچی اور سندھ کے بیشتر علاقے خشک موسم کی لپیٹ میں رہیں گے، تاہم رات اور صبح کے اوقات میں ٹھنڈی ہوائیں اور درجہ حرارت میں کمی محسوس کی جا سکتی ہے۔ بلوچستان کے اندرونی علاقوں میں بھی شدید سردی اور کہر کا امکان ظاہر کیا گیا ہے۔
محکمہ موسمیات نے شہریوں اور سیاحوں کو ہدایت کی ہے کہ وہ موسمی صورتحال کے پیش نظر احتیاطی تدابیر اختیار کریں، خصوصاً پہاڑی علاقوں میں سفر کرنے والے افراد ممکنہ برفباری اور پھسلن کے باعث محتاط رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
محکمہ موسمیات.
ذریعہ
ذریعہ: WE News
کلیدی لفظ: محکمہ موسمیات میں موسم سرد اور خشک پہاڑی علاقوں میں علاقوں میں شدید محکمہ موسمیات بارش اور کا امکان کے باعث سردی کی رہے گا
پڑھیں:
ستاروں کی روشنی میں آپ کا آج (جمعے) کا دن کیسا رہے گا ؟
ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ کو آج اپنے معاملے میں بہتری لانے کےلئے کچھ فیصلے تو کرنے ہوںگے اور کوشش کرنی ہے کہ اب جو بھی فیصلہ ہو اس پر قائم رہیں کسی طرح بھی اب واپسی نہ کریں تو بہتر ہے۔
برج ثور، سیارہ زہرہ، 21 اپریل سے 20 مئی
آپ ایک بڑی اچھی تبدیلی کی زد میں ہیں اور لوگ اسی کوشش میں رہتے ہیں مگر آپکے نصیب میںجو ایسا ہو رہا ہے اب پوری ایمانداری سے اسے حاصل کر لیں تو بہتر ہے۔
برج جوزہ، سیارہ عطارد، 21 مئی سے 20 جون
صورتحال آج آپ کے حق میں جا رہی ہے اس لئے بسم اللہ کر کے قدم اٹھائیں قسمت بھرپور ساتھ دے گی جو لوگ عرصہ دراز سے تبدیلی کے خواہشمند تھے وہ تیاری شروع کر لیں۔
برج سرطان، سیارہ چاند، 21 جون سے 20 جولائی
آج کا دن آپ کی مالی مدد کرے گا انشاءاللہ اور کافی دِنوں سے جو تکلیف تنگ کر رہی تھی اس سے نجات حاصل ہو گی، مگر کچھ اپنے اب ساتھ بھی چھوڑتے دکھائی دیتے ہیں۔
برج اسد، سیارہ شمس، 21 جولائی سے 21 اگست
اپنے مزاج کو بدلیں اور سنجیدہ ہو جائیں اس موبائل نے آپ کو کچھ نہیں دیا ماسوائے وقت برباد کرنے کے۔آج جو سامنے آ رہا ہے اس پر اچھی طرح غور و فکر کی ضرورت ہے۔
برج سنبلہ ، سیارہ عطارد، 22 اگست سے 22 ستمبر
ایک بار پھر ماضی کی ایک غلطی سامنے آنے کا اندیشہ ہے اور جن لوگوں سے پہلے بھی دھوکا کھایا تھا وہ دوبارہ کر سکتے ہیں اس لئے آج وہ قریب بھی آئیں تو ان کو دور ہی رکھیں۔
برج میزان ، سیارہ زہرہ، 23 ستمبر سے 22 اکتوبر
آپ کو جن مسائل کا سامنا ہے اُن کے ٹھیک ہونے میں ابھی وقت درکار ہے مگر تھوڑی سی بہتری آج صبح ہی مل جائےگی اور آپ کو اپنے کاموں میں قدرے آسانیاں محسوس ہونگی۔
برج عقرب ، سیارہ مریخ، 23 اکتوبر سے 22 نومبر
ایک ٹینشن ختم ہوتی نہیں ہے کہ دوسری سر پر سوار ہو جاتی ہے،بری طرح جکڑن کا شکار لگتے ہیں آپ کو چاہئے کہ اپنا صدقہ دیں اور سات یوم لگاتار اپنی نظر بھی اتاریں۔
برج قوس ، سیارہ مشتری، 23 نومبر سے 20 دسمبر
آپ کو بار بار وارننگ دی جا رہی ہے کہ اپنے دلی معاملات پر قابو رکھیں اور توبہ کر کے واپسی کا راستہ اختیار کریں۔ آپ کے لئے صورتحال بڑی خراب ہو سکتی ہے یہ وارننگ ہے۔
برج جدی ، سیارہ زحل، 21 دسمبر سے 19 جنوری
دوسروں کی زندگی میں مداخلت نہ کریں اور نا ہی خود کسی کی زندگی میں مداخلت کریں اس طرح آپ نقصان سے بچ جائینگے آج کل ویسے ہی مخالفین بہت خلاف ہو رہے ہیں۔
برج دلو ، سیارہ زحل، 20 جنوری سے 18 فروری
مالی حالات کچھ تو بہتری کی طرف جا رہے ہیں مگر آپ کو ابھی بھی اچھے برے کی تمیز نہیں ہے غلط فیصلے کر رہے ہیں جو خود پر ظلم ہے آج کا دن صرف اپنی عقل استعمال کرنےکا ہے۔
سیارہ مشتری، 19 فروری سے 20 مارچ
اچھا دن ہے آپکو اپنے مسئلے کا حل مل سکتا ہے اور وہ کام بھی ممکن ہو گا جس سے آپ کی ایک بڑی ضرورت پوری ہو سکے گی۔ آج آپ کی صحت میں بھی بہتری آ رہی ہے بندش ٹوٹ سکتی ہے۔
پاکستان نے ورلڈ کپ 2028 کیلیے براہ راست کوالیفائی کر لیا