اسلام آباد، سیکرٹری ایف پی ایس سی سے جی بی کے نگران وزراء کی ملاقات
اشاعت کی تاریخ: 28th, January 2026 GMT
ملاقات کے دوران سیکرٹری ایف پی ایس سی نے گلگت بلتستان میں ایف پی ایس سی کے لیے دفتر قائم کرنے کی درخواست کی، جسے جلد وزیرِ اعلیٰ اور چیف سیکرٹری سے بات چیت کر کے حل کرنے کی یقین دہانی کرائی گئی۔ اسلام ٹائمز۔ نگران وزیرِ صحت گلگت بلتستان ڈاکٹر نیاز علی، وزیر لوکل گورنمنٹ و دیہی ترقی انجینئر الطاف حسین اور وزیر آئی ٹی و اطلاعات غلام عباس نے سیکرٹری ایف پی ایس سی ڈاکٹر محمد طارق موج سے ملاقات کی اور گلگت بلتستان کی مختلف اسامیوں پر جلد بھرتی/تقرری کے امور پر تفصیلی گفتگو کی۔ اس موقع پر متعدد زیرِ التوا تقرریوں پر جلد تعیناتی کی درخواست کی گئی، بالخصوص محکمہ صحت میں میڈیکل آفیسرز اور دیگر پیرا میڈیکل اسٹاف کی تقرری کے حوالے سے فوری ضرورت پر زور دیا گیا۔مزید برآں، گلگت بلتستان کے ریکروٹمنٹ رولز کو جلد حتمی شکل دے کر گورنر جی بی کو دستخط کے لیے بھیجنے کی یقین دہانی بھی کرائی گئی۔ اس ملاقات کے دوران سیکرٹری ایف پی ایس سی نے گلگت بلتستان میں ایف پی ایس سی کے لیے دفتر قائم کرنے کی درخواست کی، جسے جلد وزیرِ اعلیٰ اور چیف سیکرٹری سے بات چیت کر کے حل کرنے کی یقین دہانی کرائی گئی۔ آخر میں تینوں وزراء نے گلگت بلتستان کے امور میں تعاون پر ایف پی ایس سی کا شکریہ ادا کیا۔
.
ذریعہ
ذریعہ: Islam Times
کلیدی لفظ: سیکرٹری ایف پی ایس سی گلگت بلتستان کرنے کی
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ