حکومت بلوچستان کی معاشی ترقی کیلئے خصوصی توجہ دے‘پاکستان بزنس فورم
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کوئٹہ (کامرس ڈیسک) پاکستان بزنس فورم نے اس امر پر زور دیا ہے کہ بلوچستان کی معاشی ترقی اور صنعتی فروغ کے لیے حکومت کو خصوصی توجہ دینا ہوگی۔ پی بی ایف کے مطابق صنعتی ترقی، ٹیکس اور ڈیوٹی میں رعایتیں، اسپیشل اکنامک زونز کا قیام، ان کی مراعات اور مکمل فعالیت کے ساتھ ساتھ امن و امان کی صورتحال کی بہتری ناگزیر ہے، کیونکہ امن و امان ہی سرمایہ کاری اور معاشی سرگرمیوں کے فروغ کی بنیادی شرط ہے۔ فورم کے صوبائی چیئرمین دارو خان اچکزئی نے کہا کہ صوبے میں صنعت کاری کے فروغ کے لیے ایسے اقدامات کی فوری ضرورت ہے جو مقامی اور غیر ملکی سرمایہ کاروں کا اعتماد بحال کر سکیں۔ انہوں نے کہا کہ بلوچستان کی ترقی پاکستان کی مجموعی معاشی ترقی سے جڑی ہوئی ہے۔دارو خان اچکزئی نے مطالبہ کیا کہ بینک آف پنجاب، بینک آف خیبر اور سندھ بینک کی طرز پر بینک آف بلوچستان کا قیام عمل میں لایا جائے۔ انہوں نے کہا کہ وفاقی اور صوبائی حکومتیں اس حوالے سے سہولت فراہم کریں تاکہ بلوچستان میں صنعتوں کے قیام کے لیے مالی وسائل تک رسائی ممکن اور قابلِ عمل ہو سکے۔ انہوں نے مزید کہا کہ بینک آف بلوچستان کو صوبے کی مخصوص معاشی و سماجی صورتحال اور مقامی کاروباری طبقے کی محدود صلاحیتوں کو مدنظر رکھتے ہوئے اپنی قرضہ پالیسی مرتب کرنی چاہیے، جو صوبے کو معاشی ترقی کے ایک نئے دور میں داخل کر سکتی ہے اور اس سے بیرونی و اندرونی سرمایہ کاری میں نمایاں اضافہ ہوگا۔پی بی ایف بلوچستان کی وائس چیئرپرسن و سابق وزیر زبیدہ جلال نے کہا کہ بلوچستان کے عوام نہایت باہمت اور متحرک ہیں، اور تمام تر مشکلات کے باوجود صوبے میں کاروباری، تجارتی، سرمایہ کاری اور صنعتی سرگرمیاں جاری ہیں۔ تاہم انہوں نے زور دیا کہ گھریلو صنعتوں اور مائیکرو، اسمال اینڈ میڈیم انٹرپرائزز کا تحفظ ناگزیر ہے، کیونکہ یہی ادارے صوبائی معیشت کو سہارا دیتے ہیں۔انہوں نے نوجوانوں کے لیے روزگار کے مواقع تیزی سے کم ہونے پر گہری تشویش کا اظہار کرتے ہوئے کہا کہ چھوٹے اور درمیانے درجے کے کاروبار سب سے زیادہ متاثر ہو رہے ہیں، حالانکہ یہی کاروبار پاکستان جیسے ترقی پذیر ملک میں روزگار کے سب سے بڑے ذرائع ہیں۔ ان کی کمزوری صوبے کے معاشی استحکام کے لیے ایک سنگین خطرہ ہے۔زبیدہ جلال نے مزید کہا کہ صوبے میں بینک کے بعد سب سے اہم اور شدید کمی انشورنس کمپنی کی ہے۔ انشورنس سہولت نہ ہونے کے باعث تاجر، صنعتکار، ٹرانسپورٹرز، سروس فراہم کرنے والے اور سرمایہ کار خود کو غیر محفوظ محسوس کرتے ہیں۔ انہوں نے کاروباری ماحول کو بہتر بنانے کے لیے پبلک پرائیویٹ پارٹنرشپ (PPP/3P) ماڈل کے تحت اہم مالی و معاشی اداروں کے قیام کی تجویز دی۔پی بی ایف بلوچستان کے سیکریٹری جنرل مقبول عالم نوری نے کہا کہ بلوچستان کے نوجوانوں کو جرائم پیشہ عناصر کے ہاتھوں میں جانے سے بچانے کے لیے انہیں غربت سے نکالنا ناگزیر ہے، جس کے لیے تعلیم، ہنرمندی، روزگار کے مواقع اور معاشی بااختیاری فراہم کی جانی چاہیے۔ انہوں نے کہا کہ نوجوانوں کو صوبے کی معاشی ترقی کا حصہ بنائے بغیر پائیدار امن ممکن نہیں۔انہوں نے بلوچستان میں سرمایہ کاری کے فروغ کے لیے ایک جامع مارکیٹنگ اور پبلک ریلیشنز مہم کی ضرورت پر بھی زور دیا تاکہ ملکی اور غیر ملکی سرمایہ کاروں کو مکمل تحفظ اور سیکورٹی کی یقین دہانی کروائی جا سکے۔
ذریعہ
ذریعہ: Jasarat News
کلیدی لفظ: بلوچستان کی سرمایہ کاری کہ بلوچستان ف بلوچستان نے کہا کہ انہوں نے کے لیے
پڑھیں:
وفاقی آئینی عدالت، سہیل آفریدی کیخلاف درخواستیں سماعت کیلئے مقرر
اسلام آباد(ڈیلی پاکستان آن لائن) وفاقی آئینی عدالت میں سہیل آفریدی کیخلاف درخواستیں سماعت کیلئے مقررکردی گئیں۔
نجی ٹی وی چینل دنیا نیوز کے مطابق بانی پی ٹی آئی رہائی فورس سے متعلق درخواست پر سماعت 29جولائی کو ہوگی،خیبرپختونخوا میں 9مئی مقدمات کی واپسی کیخلاف اپیل بھی 29جولائی کو مقررکردی گئی۔
چیف جسٹس آئینی عدالت امین الدین خان کی سربراہی میں 3رکنی بنچ سماعت کرے گا، عدالت نے خیبرپختونخوا حکومت سمیت متعلقہ فریقین کو نوٹس جاری کردیئے،آئینی عدالت نے 9مئی مقدمات کی واپسی پرحکم امتناع جاری کر رکھا ہے۔
نیب کیسز کی مرکزی اپیلوں اور ضمانت کی درخواستوں کی سماعت سے متعلق سپریم کورٹ کا فیصلہ جاری کردیاگیا
ریڈیو پاکستان نے حملہ کیس واپس لینے کاخیبرپختونخوا حکومت کا فیصلہ چیلنج کیا ہے،ریڈیو پاکستان نے مقدمہ خیبرپختونخوا سے منتقل کرنے کی استدعا کررکھی ہے۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا