ماں بیٹی کے مین ہول حادثے کے بعد داتا دربار منصوبے کی ٹیم معطل
اشاعت کی تاریخ: 29th, January 2026 GMT
لاہور کے بھاٹی چوک میں ماں اور بیٹی کے مین ہول میں گر کر جاں بحق ہونے والے افسوسناک واقعے کے بعد ڈائریکٹر جنرل لاہور ڈیولپمنٹ اتھارٹی (ایل ڈی اے) طاہر فاروق نے فوری کارروائی کرتے ہوئے داتا دربار منصوبے پر کام کرنے والی پوری ٹیم کو معطل کر دیا۔
نوٹیفکیشن کے مطابق پروجیکٹ ڈائریکٹر، ڈپٹی ڈائریکٹر، اسسٹنٹ ڈائریکٹر اور سب انجینئر کو فوری طور پر معطل کیا گیا ہے۔
ایل ڈی اے کے ترجمان کے مطابق ڈی جی نے کنٹریکٹر کے خلاف فوری مقدمہ درج کروانے کی بھی ہدایت دی ہے۔ اسی کے ساتھ نجی کمپنی اور منصوبے کے ریزیڈنٹ انجینئر نیسپاک کو بھی شوکاز نوٹس جاری کر دیے گئے ہیں۔
ترجمان نے مزید بتایا کہ نیسپاک کے ریزیڈنٹ انجینئر کی معطلی کے ساتھ ساتھ محکمانہ کارروائی اور انکوائری کی سفارش کی گئی ہے اور منصوبے میں نیسپاک ٹیم کے کردار کو بھی انکوائری میں شامل کرنے کا فیصلہ کیا گیا ہے۔
یہ اقدام اس بات کا عندیہ ہے کہ ایل ڈی اے واقعے کی ذمہ داری طے کرنے اور مستقبل میں حفاظتی اقدامات کو یقینی بنانے کے لیے سخت رویہ اختیار کر رہا ہے۔
ذریعہ
ذریعہ: Daily Mumtaz
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
بھارت سے جنگ اور افغانستان میں کارروائی خارج ازامکان نہیں، وزیردفاع