2017ء سے قبل کے پولیس شہدا کے اہل خانہ کے لیے گھروں کی تعمیر میں بڑی پیشرفت
اشاعت کی تاریخ: 29th, January 2026 GMT
لاہور:
پنجاب میں 2017ء سے قبل کے پولیس شہدا کے اہل خانہ کے گھروں کی تعمیر کے لیے مالی امداد میں بڑی پیشرفت سامنے آئی ہے۔
ترجمان پنجاب پولیس کے مطابق آئی جی پنجاب ڈاکٹر عثمان انور نے رواں سال 2017ء سے قبل کے شہدا کی فیملیز کے لیے 200 نئے گھروں کی تعمیر شروع کرنے کا اعلان کر دیا۔ شہداء کی فیملیز کے گھروں کی تعیمر کے لیے قائم انڈومنٹ فنڈ میں 500 ملین روپے کا اضافہ ہوا ہے۔
آئی جی پنجاب نے تقریب میں پولیس شہدا کے اہلخانہ میں گھروں کی تعمیر کے لیے مزید ایک کروڑ 30 لاکھ روپے تقسیم کیے، 26 شہداء کے اہل خانہ کو 05 لاکھ روپے فی کس چیک کی صورت میں ادا کیے گئے۔
آئی جی پنجاب کا کہنا تھا کہ وزیر اعلیٰ پنجاب مریم نواز کی طرف سے شہداء پیکج میں خاطر خواہ اضافے پر انتہائی مشکور ہیں، 2017ء سے قبل کے 737 پولیس شہداء کے اہلخانہ کو پلاٹس فراہم کیے جا چکے ہیں۔
ڈاکٹر عثمان انور کا کہنا تھا کہ پنجاب پولیس شہدا کے اہلخانہ کو گھروں کی تعمیر کیلئے اپنے وسائل سے 9 کروڑ 15 لاکھ روپے فراہم کر چکی ہے، 22 شہداء کی فیملیز پنجاب پولیس کے انڈومنٹ فنڈ سے تعمیر شدہ گھروں میں رہائش بھی اختیار کر چکی ہیں۔
آئی جی پنجاب نے کہا کہ پولیس شہدا ہمارا فخر، انکی فیملیز کی مشکلات کا ازالہ اولین ترجیح ہے۔ شہدا کے بچوں کو اعلی تعلیم کیلئے فارن اسکالرشپس، بہترین تعلیم کیلئے معروف تعلیمی اداروں سے معاہدے کیے۔
ایڈیشنل آئی جی پنجاب عمران ارشد، ڈی آئی جی ویلفیئر اینڈ فنانس ذیشان اصغر، اے آئی جی ویلفیئر ناصر علی باجوہ سمیت سینئر افسران نے تقریب میں شرکت کی۔
.
ذریعہ
ذریعہ: Express News
کلیدی لفظ: گھروں کی تعمیر پولیس شہدا کے 2017ء سے قبل کے کی فیملیز کے لیے
پڑھیں:
روینہ ٹنڈن کی والدہ کے گھر بڑی چوری، لاکھوں روپے مالیت کے زیورات غائب
بالی وڈ اداکارہ روینہ ٹنڈن کی والدہ کے گھر ممبئی میں چوری کی بڑی واردات سامنے آئی ہے جس میں تقریباً 25 لاکھ روپے مالیت کے زیورات اور قیمتی گھڑیاں چوری کرلی گئیں۔
بھارتی میڈیا رپورٹس کے مطابق واقعہ ممبئی کے علاقے جوہو میں پیش آیا، جہاں روینہ ٹنڈن کی والدہ کے گھر سے قیمتی سامان اس وقت غائب پایا گیا جب اہل خانہ نے لاکر چیک کیا۔ لاکر کھولنے پر زیورات اور گھڑیاں موجود نہ ہونے کا انکشاف ہوا، جس کے بعد فوری طور پر پولیس کو اطلاع دی گئی۔
پولیس نے واقعے کی تصدیق کرتے ہوئے بتایا کہ ابتدائی تحقیقات میں معلوم ہوا ہے کہ تقریباً 25 لاکھ روپے مالیت کے زیورات اور گھڑیاں چوری ہوئی ہیں۔ معاملے کی سنگینی کے پیش نظر تحقیقات کا دائرہ وسیع کردیا گیا ہے۔
پولیس کے مطابق اس کیس میں ایک خاتون کو گرفتار کیا گیا ہے جس کا تعلق روینہ ٹنڈن کے خاندان سے ہی بتایا جا رہا ہے۔ ملزمہ کی شناخت 47 سالہ راشی چھابریا کے نام سے ہوئی ہے۔
تحقیقات میں یہ بات بھی سامنے آئی ہے کہ مذکورہ خاتون 2020 سے اداکارہ کے گھر آ جا رہی تھی اور اس دوران اس نے گھر والوں کا اعتماد حاصل کر لیا تھا۔ وہ روینہ ٹنڈن کی والدہ کی مدد اور دیکھ بھال بھی کرتی رہی۔
پولیس نے مزید بتایا کہ گرفتار ملزمہ کے قبضے سے کچھ قیمتی گھڑیاں برآمد کر لی گئی ہیں، تاہم باقی زیورات کی بازیابی کے لیے مزید تحقیقات جاری ہیں تاکہ مکمل ریکوری ممکن بنائی جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ