آئی ایم ایف پاکستان کے عوام کو معاشی طور پر کمزور کرنے کے درپے ہے، شاداب رضا نقشبندی
اشاعت کی تاریخ: 29th, January 2026 GMT
اپنے ایک بیان میں سربراہ پاکستان سنی تحریک نے کہا کہ کراچی کی حالت زار دیکھ کر ایسا لگتا ہے کہ ایک صدی پیچھے دھکیل دیا گیا ہے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ کرپشن کا راج ہے، آئی ایم ایف سخت شزائط پر قرضے دے کر پاکستان کے عوام کو معاشی طور پر کمزور کرنے کے درپے ہے، آئی ایم ایف کے قرضے کرپشن کی نظر ہو رہے ہیں اور غریبوں پر قرضوں کا بوجھ ڈالا جا رہا ہے، ملک کے معاشی نظام کو سود سے پاک کرکے روزگارعام کرنے کے موقع فراہم کئے جائیں۔ اپنے بیان میں شادا نقشبندی نے کہا کہ عوام کو جب تک سستا راشن اور صحت و انصاف فراہم نہیں ہوگا، گڈ گورننس نہیں ہو سکتی،حکمران طبقہ غریب عوام کو بنیادی حقوق فراہم کرنے کیلئے آئینی فرض ادا کرے۔ انہوں نے کہا کہ حکمران آئین و جمہوریت اور اخلاقیات کی پاسداری کرینگے تو ملک سے غربت جلد ختم ہوجائیگی۔
شاباد نقشبندی نے کہا کہ کراچی شہر کچرے کا ڈھیر سڑکیں ٹوٹ پھوٹ کا شکار، سیوریج کا نظام ناقص ہو چکا ہے، صرف زبانی جمع خرچ سے کام چلایا جا رہا ہے۔ انہوں نے کہا کہ ملک میں کرپشن، بدعنوانی اور اقربا پروری ہمیشہ سے ایک سنگین مسئلہ رہا ہے، کرپشن کے خاتمے کے دعوے تو کئے جاتے ہیں، مگر عملی اقدامات نہیں کئے گئے، کرپشن کی روک تھام کیلئے نیب جیسے ادارے بنائے گئے، مگر وہ سیاست کی نظر ہوگئے۔ انہوں نے کہا کہ پاکستان کو سود اور کرپشن سے پاک کرنے کیلئے حکمرانوں کو میڈ ان پاکستان پالیسیاں مرتب کرنا ہونگیں، ملک کی معاشی پالیسیوں میں بیرونی مداخلت کو ہمیشہ کیلئے مسترد کرکے قرضوں سے ملک وقوم کو نجات دلائی جائے۔
ذریعہ
ذریعہ: Islam Times
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ