بم اور ہائی جیکنگ کی اطلاع، کویت سے دہلی جانے والی پرواز کا رخ تبدیل
اشاعت کی تاریخ: 30th, January 2026 GMT
بم اور ہائی جیکنگ کی اطلاع کے باعث کویت سے نئی دہلی جانے والی انڈیگو ایئرلائن کی پرواز کا رخ احمد آباد کی جانب موڑ دیا گیا۔
یہ بھی پڑھیں: بھارتی ایئرلائنز کی پرواز میں بم کی اطلاع، عملے کی دوڑیں لگ گئیں
ایئرپورٹ حکام کے مطابق پرواز میں ایک ٹشو پیپر پر ہاتھ سے لکھی گئی بم اور ہائی جیکنگ کی دھمکی ملنے کے بعد یہ اقدام کیا گیا۔
حکام کے مطابق طیارے میں عملے سمیت 180 مسافر سوار تھے۔ احتیاطی تدبیر کے طور پر طیارہ جمعے کی صبح تقریباً 6 بج کر 40 منٹ پر سردار ولبھ بھائی پٹیل انٹرنیشنل ایئرپورٹ احمد آباد پر بحفاظت اتار لیا گیا۔
اطلاعات کے مطابق ایک مسافر نے طیارے کے اندر موجود ہونے کا دعویٰ کرنے والی دھمکی آمیز تحریر دریافت کی جس کے بعد پائلٹ نے فوری طور پر ایئر ٹریفک کنٹرول کو آگاہ کیا۔ اس کے بعد پرواز کا رخ احمد آباد کی جانب موڑ دیا گیا۔
مزید پڑھیے: ایئرانڈیا کی ساکھ کیسے بحال ہو؟ بھارتی حکومت اور ایئرلائن نے سر جوڑ لیے
لینڈنگ کے بعد تمام مسافروں کو بحفاظت طیارے سے اتار لیا گیا جبکہ سیکیورٹی اداروں نے طیارے کی مکمل تلاشی لی۔ ایئرپورٹ حکام کا کہنا ہے کہ تاحال کوئی مشتبہ شے برآمد نہیں ہوئی۔
حکام کے مطابق پرواز کو سیکیورٹی کلیئرنس کے حتمی مراحل مکمل ہونے کے بعد ہی دوبارہ روانگی کی اجازت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیگو ایئرلائن انڈیگو کی پرواز کو ہائی جیکنگ کی دھمکی بھارت.
ذریعہ
ذریعہ: WE News
کلیدی لفظ: انڈیگو ایئرلائن بھارت ہائی جیکنگ کی کے مطابق کے بعد
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع