بانی پی ٹی آئی کی صحت کے حوالے سے پروپیگنڈا بے بنیاد ہے، محمود اچکزئی
اشاعت کی تاریخ: 31st, January 2026 GMT
پاکستان تحریک انصاف (پی ٹی آئی) کے بانی کی صحت کے حوالے سے پھیلائی جانے والی اطلاعات کو محمود اچکزئی نے بے بنیاد قرار دیا ہے اور کہا کہ بانی کی صحت اتنی خراب نہیں جتنی پروپیگنڈا میں دکھائی جا رہی ہے۔
تحریک تحفظ آئین پاکستان اور پی ٹی آئی کی پولیٹیکل کمیٹی کے مشترکہ اجلاس کے بعد جاری بیان میں محمود اچکزئی نے کہا کہ احتجاج کا اعلان کرنے کے دوران بانی کی بیماری کے حوالے سے غلط تاثر کارکنوں کے ذہنوں میں ڈالنے کی کوشش کی گئی۔
انہوں نے مزید کہا کہ اصل مقصد عوام کی توجہ ان اہم ایشوز سے ہٹانا ہے۔ اچکزئی نے واضح کیا کہ ان کی خواہش آزاد الیکشن کمیشن، شفاف عام انتخابات اور پاکستان کی آئینی و ادارہ جاتی تشکیل نو کے فروغ کی ہے، تاکہ ادارے اپنی آئینی حدود میں رہ کر عوام کی خدمت کریں۔
ذریعہ
ذریعہ: Daily Mumtaz
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
وزارت آئی ٹی نے 1.67 ارب روپے سے زاید کے فنڈز طلب کرلیے