رمضان المبارک میں اشیائےضروریہ کی قیمتوں میں استحکام کیلئےپنجاب حکومت کافیصلہ
اشاعت کی تاریخ: 3rd, February 2026 GMT
کلیم اختر:رمضان المبارک کے دوران اشیائے ضروریہ کی قیمتوں میں استحکام برقرار رکھنے کے لیے پنجاب حکومت نے اہم فیصلے کر لیے ہیں۔
اس سلسلے میں ڈائریکٹوریٹ جنرل آف انفورسمنٹ پنجاب نے باضابطہ مراسلہ جاری کرتے ہوئے رمضان کے آغاز پر پھلوں اور سبزیوں کی قیمتوں میں بلاجواز اضافے کا نوٹس لے لیا ہے، جبکہ عوام پر غیر ضروری مالی بوجھ ڈالنے والی مہنگائی کو ناقابلِ قبول قرار دیا گیا ہے۔
ورلڈ کپ میچ بائیکاٹ، اگر بھارت اور پاکستان سپر 12، سیمی فائنل اور فائنل میں ٹاکرا ہوا تو پھر کیا ہوگا ؟
مراسلے کے مطابق پنجاب ایگریکلچرل مارکیٹنگ ریگولیٹری اتھارٹی (PAMRA) اور تمام ڈپٹی کمشنرز کو ہدایات جاری کر دی گئی ہیں کہ 20 شعبان کی قیمتوں کو رمضان المبارک کے لیے بنیادی بینچ مارک مقرر کیا جائے۔ اس کے ساتھ ساتھ روزانہ کی بنیاد پر پھلوں اور سبزیوں کی قیمتوں کے نوٹیفکیشن جاری کرنے کا حکم دیا گیا ہے۔
حکومت نے منڈیوں میں نیلامی کے عمل، رسد اور ریٹیل پوائنٹس کی سخت اور مسلسل مانیٹرنگ کی ہدایت بھی جاری کی ہے۔ مراسلے میں واضح کیا گیا ہے کہ ذخیرہ اندوزی، مصنوعی قلت پیدا کرنے اور سپلائی کم کرنے والوں کے خلاف فوری اور سخت کارروائی عمل میں لائی جائے گی۔
موسم تبدیل ؛ سکولوں کے اوقات کار بھی تبدیل ہوگئے
مزید برآں تمام ڈپٹی کمشنرز کو ہدایت کی گئی ہے کہ وہ 5 سے 12 فروری کے دوران ضلعی پرائس کنٹرول کمیٹیوں کے اجلاس طلب کریں اور رمضان المبارک میں مقرر کردہ قیمتوں پر سختی سے عملدرآمد کو یقینی بنائیں۔
پنجاب حکومت نے مہنگائی کے خلاف زیرو ٹالرنس پالیسی پر عملدرآمد کی واضح ہدایات جاری کرتے ہوئے کہا ہے کہ عوام کو رمضان المبارک میں ریلیف فراہم کرنا حکومت کی اولین ترجیح ہے اور اس حوالے سے کسی قسم کی غفلت برداشت نہیں کی جائے گی۔
ثانوی تعلیمی بورڈ کراچی کا جماعت دہم کے طلبہ کیلئے اہم اعلان
.
ذریعہ
ذریعہ: City 42
کلیدی لفظ: رمضان المبارک کی قیمتوں
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ