کوئٹہ میں امام زمانہ (عج) سے متعلق نمائشی تقریب کا انعقاد
اشاعت کی تاریخ: 3rd, February 2026 GMT
اسلام ٹائمز: امام زمانہ (عج) سے متعلق منعقدہ تقریب میں اہل تشیع اور اہل سنت کیساتھ ساتھ اہل کتاب اور زرتشت سمیت دیگر مذاہب میں "نجات دہندہ" کے تصور پر مشتمل روایات پیش کی گئیں۔ نمائش کے دوران محض تصاویر اور تحریر پر اکتفا نہیں کیا گیا، بلکہ شرکاء کیلیے خصوصی دستاویزی فلمیں بھی دکھائی گئیں۔ متعلقہ فائیلیںرپورٹ: اعجاز علی
نیمہ شعبان کے پرمسرت موقع کی مناسبت پر کوئٹہ کی نجی تنظیم مشتاقان نور ایسوسی ایشن کی جانب سے امام زمانہ عجل اللہ تعالیٰ فرج سے متعلق ایک خصوصی نمائشی تقریب کا انعقاد کیا گیا۔ علمدار روڈ کے تعمیر نسل نو اسکول میں منعقدہ عقیدت اور تحقیق کی منفرد تقریب میں مختلف مذاہب میں امام زمانہ (عج) سے متعلق روایات کو اکھٹا کرکے شرکاء کے لئے پیش کیا گیا۔ جن کا مقصد امام مہدی عج کے تصور کو عالمی اور بین المذاہب تناظر میں پیش کرنا تھا۔ تقریب میں محض ایک مکتب فکر تک محدود رہنے کے بجائے وسیع پیمانے پر معلومات فراہم کی گئیں، اور مستند اسلامی روایات کی روشنی میں ظہورِ امام کے فلسفے پر مبنی مواد پیش کیا گیا۔ اس موقع پر اہل تشیع اور اہل سنت کے ساتھ ساتھ اہل کتاب اور زرتشت سمیت دیگر مذاہب میں "نجات دہندہ" کے تصور پر مشتمل روایات پیش کی گئیں۔
نمائش کے دوران محض تصاویر اور تحریر پر اکتفا نہیں کیا گیا، بلکہ شرکاء کے لیے خصوصی دستاویزی فلمیں بھی دکھائی گئیں۔ جسے حاضرین نے بے حد سراہا۔ دو روز تک جاری رہنے والی اس تقریب میں عوام کی دلچسپی قابل دید تھی۔ خواتین اور حضرات کے لیے الگ الگ اوقات اور نشستیں مختص کی گئی تھیں، جن میں مرد و خواتین کے ساتھ ساتھ بچوں نے بھرپور تعداد میں شرکت کی۔ منتظمین کی جانب سے ہر اسٹال پر بریفنگ دینے کے لیے رضاکار بھی موجود تھے۔ مشتاقان نور ایسوسی ایشن کا کہنا ہے کہ اس علمی نمائش کے ذریعے یہ پیغام عام کرنا چاہتے ہیں کہ امام زمانہ عج کا انتظار محض ایک عقیدہ نہیں، بلکہ ایک عالمی انقلاب کی تیاری ہے۔ یہ تقریب اتحاد بین المسلمین اور بین المذاہب مکالمے کی ایک بہترین مثال بن کر سامنے آئی۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
پڑھیں:
موسلادھار بارش سے اربن فلڈنگ، سڑکیں دریا بن گئیں، گھروں میں پانی داخل
لاہور میں رات گئے شروع ہونے والی موسلادھار بارش کے بعد اربن فلڈنگ کی صورتحال پیدا ہوگئی، جس کے باعث متعدد رہائشی علاقوں اور اہم شاہراہوں پر کئی کئی فٹ پانی جمع ہوگیا جبکہ نشیبی علاقوں میں گھروں میں پانی داخل ہونے، ٹریفک جام اور سیوریج نظام مفلوج ہونے سے شہریوں کو شدید مشکلات کا سامنا کرنا پڑا۔شہر میں رات گئے شروع ہونے والی بارش وقفے وقفے سے جاری ہے، جس کے باعث شہر کے مختلف علاقوں میں اربن فلڈنگ کی صورتحال پیدا ہوگئی ہے۔ کینٹ، ڈیفنس اور والٹن سمیت متعدد علاقوں میں سڑکیں تالاب کا منظر پیش کرنے لگیں جبکہ کئی مقامات پر گھروں میں بھی پانی داخل ہوگیا۔لاہور کینٹ میں موسلادھار بارش کے باعث سیوریج سسٹم جواب دے گیا، جس سے علی ویو گارڈنز، علی پارک، نادرا آباد اور دیگر علاقوں میں کئی کئی فٹ پانی جمع ہوگیا۔ مقامی افراد کے مطابق بیشتر علاقے ندی نالوں کا منظر پیش کر رہے ہیں۔دوسری جانب ڈیفنس فیز تھری کے اے، بی اور سی بلاکس میں بھی بارش کا پانی گھروں میں داخل ہوگیا جبکہ والٹن روڈ اور کیولری گراؤنڈ میں سڑکیں مکمل طور پر زیر آب آگئیں۔ کیولری گراؤنڈ کی مرکزی شاہراہ بھی پانی میں ڈوب گئی، جس کے باعث آمدورفت شدید متاثر رہی۔بارش کے بعد مین ڈیفنس روڈ پر بھی پانی جمع ہونے سے سڑک دریا کا منظر پیش کرنے لگی جبکہ ڈیفنس انڈر پاس بھی پانی سے بھر گیا۔ شہر کے مختلف حصوں میں پانی کھڑا ہونے کے باعث ٹریفک کی روانی شدید متاثر ہوئی، گاڑیوں کی طویل قطاریں لگ گئیں اور شہریوں کو گھنٹوں مشکلات کا سامنا کرنا پڑا۔مسلسل بارش کے باعث لاہور کی بیشتر شاہراہیں جل تھل ہوگئیں جبکہ روزمرہ زندگی بری طرح متاثر رہی۔ شہریوں نے متعلقہ اداروں سے نکاسی آب کے مؤثر انتظامات اور فوری ریلیف فراہم کرنے کا مطالبہ کیا۔محکمہ موسمیات کے مطابق آج دن پر وقفے وقفے سے بارش کا سلسلہ جاری رہے گا، مون سون کی بارشوں کے باعث لاہور میں حبس اور گرمی کی شدت میں کمی آگئی ہے۔لاہور میں کم سے کم درجہ حرارت 27 ڈگری سینٹی گریڈ جبکہ زیادہ سے زیادہ 29 ڈگری سینٹی گریڈ تک جانے کا امکان ہے۔لاہور میں سب سے زیادہ بارش ایئرپورٹ پر 262 ملی میٹر ریکارڈ کی گئی ہے جبکہ مناواں میں 200، تاجپور میں 151، کاہنہ میں 142، شادی پورہ میں 129 اور مغل پورہ میں 127 اور اپر مال پر 111 ملی میٹر بارش ریکارڈ کی گئی۔جوہر ٹاؤن میں 80، چوک ناخدا میں 60، نشتر ٹاؤن میں 54، اقبال ٹاؤن میں 51، گلبرگ میں 49، ڈیفنس روڈ 45، سمن آباد میں 29، جیل روڈ اور پانی والا تالاب 26، لکشمی چوک اور فرخ آباد میں 24، سگیاں میں 21 اور گلشن راوی میں 17 ملی میٹر بارش ریکارڈ کی گئی۔ایم ڈی واسا لاہور غفران احمد نکاسی آب آپریشن کی مسلسل مانیٹرنگ کر رہے ہیں۔علامہ اقبال انٹرنیشنل ایئرپورٹ اور اس کے آس پاس کے علاقوں میں شدید بارش کا سلسلہ جاری ہے جس کے سبب اندرون اور بیرون ملک جانے اور آنے والی پروازیں متاثر ہوگئیں۔لاہور سے کراچی، دبئی، جدہ، ابو ظہبی، استنبول جانے اور آنے والی 6 پروازیں تاخیر کا شکار ہوئیں۔ شدید بارش سے پروازوں کی آمد و رفت میں تاخیر ہوئی۔ایئرپورٹ حکام نے مسافروں کو اپنی پروازوں کے بارے میں معلومات لیکر آنے کی ہدایت کی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع