رائو عبدالکریم آئی جی پنجاب اور عثمان انور ڈی جی ایف آئی اے،نوٹیفیکیشن جاری
اشاعت کی تاریخ: 4th, February 2026 GMT
لاہور+اسلام آباد(نامہ نگار+اپنے سٹاف رپورٹر سے)وفاقی حکومت نے آئی جی پنجاب ڈاکٹر عثمان انور کو تبدیل کرکے ڈائریکٹر جنرل ایف آئی اے جبکہ راؤ عبد الکریم کو آئی جی پنجاب تعینات کرنے کا نوٹیفکیشن کردیا جبکہ ڈائریکٹر جنرل ایف آئی اے راجہ رفعت مختار کو ان کے عہدے سے ہٹا کر اسٹیبلشمنٹ برانچ رپورٹ کرنے کے احکامات جاری کئے گئے ہیں۔نئے آئی جی پنجاب راؤ عبدالکریم کا تعلق پولیس سروس کے 24 ویں کامن سے ہے۔ قبل ازیں وہ ایڈیشنل آئی جی سپیشل برانچ پنجاب کے عہدے پر خدمات انجام دے رہے تھے۔ ایڈیشنل آئی جی پنجاب ہائی وے پٹرول،کمانڈنٹ پی سی، ڈی آئی جی ٹریفک پنجاب، آر پی او گوجرانوالہ، ڈی آئی جی ٹیلی کمیونیکیشن بھی رہ چکے ہیں۔راؤ عبدالکریم کا تعلق نواب شاہ سے ہے۔انہوں نے 1996ء میں بطور اے ایس پی سروس جوائن کی۔ اے ایس پی یو ٹی سکھر،ایس ڈی پی او سکھر سٹی،لطیف آباد حیدر آباد، چنیوٹ کے عہدوں پر فرائض سر انجام دئیے۔ ایس پی گوجرانوالہ، لاہور اور شیخوپورہ ڈی پی او میانوالی، قصور اور جھنگ رہ چکے ہیں۔ دریں اثناء ڈی جی ایف آئی اے راجہ رفعت مختار کو ایڈیشنل سیکرٹری داخلہ و نارکوٹکس کنٹرول ڈویژن مقرر کر دیا گیا اسٹیبلشمنٹ ڈویژن نے باضابطہ نوٹیفکیشن کردیا ۔دریں اثناء آئی جی پنجاب پولیس راؤ عبدالکریم نے چارج سنبھال لیا۔ آئی جی پنجاب راؤ عبدالکریم کی سنٹرل پولیس آفس آمدپر پولیس کے چاق و چوبند دستے نے سلامی پیش کی۔ سینئر افسروں نے خوش آمدید کہا۔ آئی جی پنجاب نے پولیس شہدا کی یادگار پر فاتحہ خوانی کی۔ آئی جی پنجاب نے اہم اجلاس کی صدارت بھی کی۔ صحافیوں کو اپنی پالیسی ترجیحات بتاتے ہوئے آئی جی راؤ عبدالکریم نے کہاکہ وزیراعلیٰ پنجاب مریم نواز شریف کے وژن کے مطابق جومنصوبے شروع کئے گئے ، ان کو مزید بہتری کے ساتھ جلد از جلدمکمل کرایا جائے گا۔عوام کی جان و مال کا تحفظ اور ان کی بے لوث خدمت میری اولین ترجیح ہے۔ شہریوں میں احساسِ تحفظ کو یقینی بناتے ہوئے پبلک آرڈر ہر صورت برقرار رکھا جائے گا۔تھانہ کلچر میں بہتری آئی ہے اور مزید بہتری لائی جائے گی۔ سوالات کے جواب میں کہا کہ تھانہ کلچر میں بہت بہتری آئی ہے اور بعض جگہوں پر مزید ضرورت ہے۔ بھاٹی گیٹ کے علاقے میں سیوریج لائن میں گرنے سے ماں بیٹی کی ہلاکت کے واقعہ کی انکوائری ہو رہی ہے۔ بسنت کی تیاریاں میں نے دیکھ لی ہیں۔ پولیس بسنت کے حوالے سے بہت ایکٹیو ہے۔ میڈیا بہت اہم رکن ہے، آپ سسٹم میں مزید بہتری دیکھیں گے۔
.
ذریعہ
ذریعہ: Nawaiwaqt
پڑھیں:
ایچ آئی وی کے خلاف حکومت سندھ موثر اقدامات کر رہی ہے، وزیر صحت
کراچی:صوبائی وزیر صحت ڈاکٹر عذرا افضل پیچوہو نے کہا ہے کہ ایچ آئی وی کے خلاف حکومت سندھ موثر اقدامات کر رہی ہے۔
جناح اسپتال کراچی میں چوتھی انٹرنیشنل فیملی پلاننگ سمٹ کے موقع پر میڈیا سے گفتگو کرتے ہوئے انہوں نے کہا کہ ایچ آئی وی کی بروقت تشخیص کیلئےاسکریننگ کا عمل مزید تیز کردیا گیا ہے، زیادہ سے زیادہ اسکریننگ سے ایچ آئی وی پر جلد قابو پانے میں مدد مل سکتی ہے۔
انہوں نے کہا کہ اسپتالوں میں سہولیات کی بہتری کے لیے حکومت سندھ بھرپور کوششیں کر رہی ہے، ہمیں معلوم ہے مریضوں کو مشکلات کا سامنا ہے، صحت کے شعبے میں حال ہی میں نئی بھرتیاں کی گئی ہیں، مزید بھرتیوں کی طرف بھی بڑھ رہے ہیں، اسپتالوں میں سہولیات کی بہتری کے لیے مزید بھرتیوں سے مدد ملے گی۔
صوبائی وزیر صحت نے کہا کہ اسپتالوں میں میڈیا کی موجودگی کی اجازت نہیں ہوتی، میڈیا سے بات کرنے کے خواہشمند ڈاکٹر اور دیگر افراد اسپتال سے باہر آکر موقف دیں، تمام ڈاکٹرز کو میڈیا سے بات کرنے اور اپنا مؤقف دینے کی اجازت ہے۔
انہوں نے کہا کہ میڈیا اسپتال میں موجود خامیوں کی نشاندہی کرے، میڈیا کی نشاندہی سے ہی ہمیں مدد ملتی ہے، جناح اسپتال میں ڈاکٹر خالد شیر کو کہہ دیا ہے اب سے وہ میڈیا کو موقف دیں گے۔
پاکستان نے ورلڈ کپ 2028 کیلیے براہ راست کوالیفائی کر لیا