سلطان محمد گولڈن کے نئے گنیز ورلڈ ریکارڈز، عالمی سطح پر پاکستان کا نام روشن کردیا
اشاعت کی تاریخ: 4th, February 2026 GMT
پاکستان کے مایہ ناز ڈرائیور”سلطان محمد گولڈن” نے عالمی سطح پر شاندار کامیابی حاصل کرتے ہوئے پاکستان کا نام روشن کر دیا ہے۔ سلطان محمد نے گنیز ورلڈ ریکارڈ قائم کر کے ایک بار پھر اپنی غیر معمولی صلاحیتوں کا لوہا منوا لیا۔
سلطان محمد گولڈن نے 13 دسمبر 2025 کو بلوچستان کے دارالحکومت کوئٹہ میں دو منفرد گنیز ورلڈ ریکارڈز قائم کیے، جن میں طویل ترین”ریورس کار جمپ”اور ریورس میں تیز ترین ایک میل ڈرائیونگ شامل ہیں۔ سلطان محمد نے ریورس ڈرائیونگ کے دونوں مشکل چیلنجز کامیابی سے مکمل کر کے یہ اعزاز حاصل کیا۔
گنیز ورلڈ ریکارڈکی جانب سے سلطان محمد گولڈن کی جانب سے فراہم کیے گئے تمام تکنیکی شواہد باضابطہ طور پر منظور کر لیے گئے ہیں۔ گنیز ورلڈ ریکارڈ حکام کے مطابق ان عالمی ریکارڈز کے سرٹیفکیٹس 20 فروری 2026 تک موصول ہو جائیں گے۔
گنیز ریکارڈ سرٹیفکیٹس کی وصولی سلطان محمد گولڈن کی اس تاریخی کامیابی کو مزید مستحکم بنا دے گی، جو نہ صرف ان کی محنت اور مہارت کا اعتراف ہے بلکہ پاکستان کے لیے بھی باعثِ فخر ہے۔
سلطان محمد گولڈن کی یہ کامیابی نوجوان نسل کے لیے عزم، حوصلے، پیشہ ورانہ مہارت اور قومی وقار کی ایک روشن مثال بن کر سامنے آئی ہے۔
.
ذریعہ
ذریعہ: Daily Mumtaz
کلیدی لفظ: سلطان محمد گولڈن گنیز ورلڈ
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے