آئی جی سندھ کی حضرت لعل شہباز قلندر کے سالانہ عرس کے موقع پر انتہائی سخت سیکیورٹی اقدامات کی ہدایت
اشاعت کی تاریخ: 6th, February 2026 GMT
آئی جی سندھ جاوید عالم اوڈھو نے عوام اور زائرین سے اپیل کی ہے کہ وہ سیکیورٹی اداروں سے مکمل تعاون کریں اور کسی بھی مشکوک سرگرمی کی فوری اطلاع دیں، تاکہ حضرت لعل شہباز قلندر کے سالانہ عرس کی تقریبات کا پرامن آغاز اور اختتام یقینی بنایا جا سکے۔ اسلام ٹائمز۔ انسپکٹر جنرل پولیس سندھ جاوید عالم اوڈھو نے موجودہ ملکی صورتحال کے پیش نظر حضرت لعل شہباز قلندر کے سالانہ عرس کی تقریبات کے موقع پر سیکیورٹی کے انتہائی سخت اور فول پروف انتظامات کی ہدایت جاری کر دی ہے۔ آئی جی سندھ نے ہدایت کی ہے کہ متعلقہ اضلاع کے افسران خود فیلڈ میں موجود رہ کر سیکیورٹی انتظامات اور پیٹرولنگ کا جائزہ لیں تاکہ کسی بھی ممکنہ خطرے سے بروقت نمٹا جا سکے۔ انہوں نے کہا کہ درگاہ، اطراف کے علاقوں، داخلی و خارجی راستوں، جلوسوں اور محافل کے مقامات پر سخت نگرانی کا مؤثر نظام قائم کیا جائے۔
آئی جی سندھ نے مزید ہدایت دی کہ سی سی ٹی وی کیمروں کی مانیٹرنگ، واک تھرو گیٹس اور تلاشی کے عمل کو مزید مؤثر بنایا جائے تاکہ کسی بھی ناخوشگوار واقعے کی بروقت روک تھام ممکن ہو۔ ٹریفک کی روانی برقرار رکھنے کے لیے خصوصی ٹریفک پلان تشکیل دیا جائے، جبکہ متبادل راستوں کی نشاندہی اور رہنمائی کے لیے اضافی ٹریفک اہلکار تعینات کیے جائیں۔ انہوں نے کہا کہ عرس کے دوران اور بعد از عرس زائرین کی واپسی کے راستوں پر بھی کڑی نگرانی اور سیکیورٹی کو ہر صورت یقینی بنایا جائے۔ اس کے ساتھ ساتھ ایمرجنسی رسپانس، ریسکیو اور طبی سہولیات کی دستیابی کو بھی یقینی بنانے کی ہدایت کی گئی ہے۔
ذریعہ
ذریعہ: Islam Times
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا