لاہور: وزیراعلیٰ پنجاب مریم نواز نے بسنت کی تقریبات کا وقت بڑھا دیا
اشاعت کی تاریخ: 8th, February 2026 GMT
وزیراعلیٰ پنجاب مریم نواز نے بسنت کی تقریبات کے اوقات میں توسیع کا اعلان کرتے ہوئے کہا ہے کہ اب یہ تقریبات کل صبح 5 بجے تک جاری رہیں گی۔
اپنے بیان میں مریم نواز کا کہنا تھا کہ بسنت کی تقریبات کا وقت بڑھاتے ہوئے انہیں خوشی محسوس ہو رہی ہے، یہ توسیع لاہور کے عوام کے لیے ایک انعام ہے جنہوں نے بسنت کو بھرپور نظم و ضبط اور ذمہ داری کے ساتھ منایا۔
وزیراعلیٰ پنجاب نے کہا کہ لاہور کے شہریوں نے تمام حفاظتی ایس او پیز کی پابندی کی، جس پر وہ خراجِ تحسین کے مستحق ہیں۔ انہوں نے شہریوں سے اپیل کی کہ جشن محفوظ انداز میں جاری رکھیں، بجلی کی تاروں سے دور رہیں، اپنی چھتوں کو محفوظ بنائیں اور تمام جاری ہدایات پر عمل کریں۔
مریم نواز کا کہنا تھا کہ آئیے اس تاریخی بسنت کو سب کے لیے خوشگوار، محفوظ اور یادگار بنائیں۔ انہوں نے مزید کہا کہ 25 سال بعد واپس آنے والی بسنت میں جشن، اتحاد اور خوشیوں کا خوبصورت منظر دیکھنے کو ملا، نہ صرف پنجاب بلکہ پورے پاکستان میں بسنت کی شاندار تقریبات منعقد ہوئیں۔
واضح رہے کہ لاہور میں 25 سال بعد تین روزہ بسنت بہار بھرپور انداز میں منائی جا رہی ہے۔
ذریعہ
ذریعہ: Daily Mumtaz
پڑھیں:
نیب مقدمات کی سماعت کا اختیار وفاقی آئینی عدالت کو منتقل، سپریم کورٹ نے محفوظ فیصلہ سنا دیا
سپریم کورٹ نے نیب قانون میں کی گئی ترامیم کے بعد عدالتی دائرہ اختیار سے متعلق اہم مقدمے کا محفوظ شدہ فیصلہ سنا دیتے ہوئے قرار دیا ہے کہ قومی احتساب بیورو (نیب) سے متعلق تمام مقدمات اب وفاقی آئینی عدالت میں سنے جائیں گے۔
جسٹس محمد علی مظہر نے مختصر فیصلہ سناتے ہوئے کہا کہ نیب قانون میں ترامیم کے بعد سپریم کورٹ کو نیب مقدمات کی سماعت کا اختیار حاصل نہیں رہا، اس لیے نیب سے متعلق تمام زیر التوا اور آئندہ مقدمات وفاقی آئینی عدالت کو منتقل کیے جائیں گے۔
یہ بھی پڑھیں:ایرانی ڈیزل اسمگلنگ کیس: وفاقی آئینی عدالت نے اہم سوالات اٹھا دیے
سپریم کورٹ نے اپنے فیصلے میں نیب اور وفاقی حکومت کا مؤقف درست قرار دیتے ہوئے کہا کہ آئین کے آرٹیکل 175، نیب آرڈیننس کے سیکشن 32 اور 32 اے کے تحت نیب مقدمات کی سماعت کے لیے وفاقی آئینی عدالت ہی مجاز فورم ہے۔
سپریم کورٹ نے اس معاملے پر فریقین کے تفصیلی دلائل سننے کے بعد 16 جولائی کو فیصلہ محفوظ کیا تھا، جو جمعہ کو سنایا گیا۔
اس فیصلے کے بعد نیب سے متعلق تمام مقدمات کی سماعت اب وفاقی آئینی عدالت میں ہوگی، جبکہ سپریم کورٹ ان مقدمات کی سماعت نہیں کرے گی۔ یہ فیصلہ نیب مقدمات کے عدالتی دائرہ اختیار سے متعلق ایک اہم آئینی نظیر قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی20 ورلڈ کپ 2026: پاکستان نے سپر 8 کے لیے جگہ پکی کر لی