اے سی کو پوسٹ کیلئے کامیاب امیدواروں کو نہ بلانے کیخلاف درخواست پر 7 روز میں فیصلہ کرنے کا حکم
اشاعت کی تاریخ: 19th, February 2026 GMT
لاہور (خبر نگار) لاہور ہائیکورٹ میںاسسٹنٹ کمشنر کی پوسٹ کیلئے پبلک سروس کمیشن کے امتحان میں کامیاب تمام امیدواران کو اگلے مرحلے میں نہ بلانے کے خلاف درخواست پر سماعت، جسٹس اویس خالد نے چیئرمین پبلک سروس کمیشن کو سات روز میں درخواست پر فیصلہ کرنے کا حکم دے دیا ،درخواست میں موقف اپنایا گیا کہ رولز کے مطابق پبلک سروس کمیشن میں کامیاب تمام امیدواروں کو اگلے مرحلے کیلئے بلایا جاتا ہے،پبلک سروس کمیشن کے اشتہار کے مطابق کوالیفائڈ 5 امیدواروں میں سے ایک کو بلایا جائے گا،پبلک سروس کمیشن کا اشتہار غیر قانونی ہے،استدعا ہے کہ عدالت نے پبلک سروس کمیشن کے امتحان میں کوالیفائی تمام امیدواروں کو اگلے مرحلے میں بلانے کا حکم دے۔
.
ذریعہ
ذریعہ: Nawaiwaqt
کلیدی لفظ: پبلک سروس کمیشن
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ